Ինչպես Փաշինյանը «մոռացավ» ՄԱՊ-ի Ալիկի՝ 14 միլիոն ԱՄՆ դոլարի ստացած կաշառքը

Հայաստանի կառավարությունը օգոստոսի 11-ին ավելի քան 6 միլիոն դոլար հատկացրեց ռեփեր Սնուփ Դոգի (Snoop Dogg) համերգի կազմակերպման համար։ Կառավարությունը համերգի կազմակերպման նպատակահարմարությունն ընդգծել է զբոսաշրջիկների՝ համերգի համար Հայաստան ժամանելով, դրա տնտեսական էֆեկտով և այլն, համեմատություններ են եղել նաև Վրաստանի հետ։ «Դոպինգ սփեյս» ընկերությունն այս միջոցառումը կկազմակերպի առանց մրցույթի, այլ կերպ ասած՝ միջոցառումների կազմակերպմամբ զբաղվող ընկերությունների միջև մրցակցությամբ չէ, որ ընտրվել է «Դոպինգ սփեյսը»։ Համենայնդեպս, գնումների համակարգի Armeps հարթակում որևէ նման մրցույթի մասին տեղեկություն չկա։ «Դոպինգ սփեյսը», ըստ իրավաբանական անձանց էլեկտրոնային ռեգիստրի, հիմնվել է անցյալ ամսվա սկզբին՝ հուլիսի 4-ին։ Ընկերության բաժնետոմսերի 51 տոկոսը Մակար Պետրոսյանինն է՝ ՀՀԿ-ական նախկին պատգամավոր Ալեքսան Պետրոսյանի (ՄԱՊ-ի Ալիկ) որդունը: Ընկերության մյուս բաժնետերը Հայկ Սիմոնյանն է՝ «Դոպինգ» գովազդային գործակալության հիմնադիրը։

2018-ին ՄԱՊ-ի Ալիկին ձերբակալեցին, նա մեղադրվում էր առանձնապես խոշոր չափով կաշառք ստանալու և փողերի լվացման մեջ: Ըստ քրեական գործի՝ նա, զբաղեցնելով բնապահպանության նախարարի պաշտոնը, գործարար Սիլվա Համբարձումյանին ուսումնասիրության 10 հատուկ լիցենզիաներ տրամադրելու գործընթացն իրականացնելու, հետագայում ուսումնասիրության ժամկետները երկարացնելու և հանքերի շահագործման թույլտվություն ստանալու հարցը նրա օգտին լուծելուն նպաստելու համար պահանջել և ստացել է առանձնապես խոշոր չափերով՝ 4.2 մլրդ դրամին համարժեք 14 մլն ԱՄՆ դոլար կաշառք: Չնայած դրան՝ Պետրոսյանը ընդամենը 30 միլիոն դրամ գրավով ազատ արձակվեց, պետությանը պատճառված վնասի փոխհատուցման մասին էլ որևէ տեղեկություն մինչ օրս չկա:

Նույնը կարելի է ասել նաև վերջինիս որդու՝ Մակար Պետրոսյանի մասին: Վերջինս նույնպես ձերբակալվեց՝ Սիլվայի հայտնի գործով, սակայն շատ շուտով ազատ արձակվեց: Մակար Պետրոսյանն իր բիզնեսի համար նույնիսկ փորձել է Դուխով լոգոն սեփականաշնորհել և հեղինակային իրավունքներ ստանալ, ահա այդպիսի սեր էր նրան պատել առ գործող հեղափոխական թիմը: Իր հերթին Ալեքսան Պետրոսյանն էլ ժլատությամբ աչքի չի ընկնում և բավականին կլոր գումարների փոխանցումներ է կատարում Նիկոլ Փաշինյանի ընտանեկան «Իմ քայլը» հիմնադրամին: Դիցուք՝ 2020 թվականին նա մեկ միլիոն դրամ է փոխանցել Մխիթար Հայրապետյանի ղեկավարած ֆոնդին: Զարմանալի չէ, որ Պետրոսյանների ընտանիքը այլևս չի թիրախավորվում, դեռ մի բան էլ բավական արտոնյալ է՝ միլիարդների հասնող պայմանագրեր է կնքում առանց մրցույթի: Ինչպես երևում է՝ Նիկոլ Փաշինյանը շատ արագ մոռացել է նախկին ՀՀԿ-ական պատգամավորի կողմից ստացած 14 միլիոն ԱՄՆ դոլարի կաշառքը ....

Այս թեմայով Հունիսի 12-ի կատարվածի գլխավոր պատասխանատուն Նիկոլ Փաշինյանի վարչախումբն է. ՀԱԿ Եթե Նիկոլ Փաշինյանը լիներ փողոցում, մահեր էին լինելու, ինչպես դա եղել է 2008-ի Մարտի 1-ին. Մինասյան (տեսանյութ) Ասում են՝ մի տեղից ջուրը 10 կգ ոսկի է քշել տարել, դա մեր գործը չի, բանաձևերով առաջնորդվեք. Փաշինյան (տեսանյութ) Քանի որ մեր տեղեկություններն ավելի գաղտնի են, քան մյուսներինը, դեռ թուղթ ենք օգտագործում. Փաշինյան (տեսանյութ) ՀՅԴ-ն արձանագրում է՝ տեղի ունեցածի անվերապահ մեղավորն ու պատասխանատուն Նիկոլ Փաշինյանն է Եթե 2018-ին լեզուս պտտվեր՝ ասեի ԼՂ-ն Ադրբեջանի կազմում է, ինձ ոչ մեկ չէր թողնի, որ շարունակեի․ Փաշինյան (տեսանյութ) Լևոն Տեր-Պետրոսյանը կղերաֆեոդալական խաբեության մաս է կազմել. Փաշինյան (տեսանյութ) ՀՀ-ի կղեաֆիոդալական էլիտան ԼՂ հարցում ժողովրդին խաբել է, որ իշխանությունը զավթի. Փաշինյան (տեսանյութ) Հաջորդ քայլը լինելու է ՀԱՊԿ-ից դուրս գալը. Փաշինյան (տեսանյութ) Ոստիկանությունը երեկ պրոֆեսիոնալ էր ու իրավաչափ, նրանք պաշտպանում էին ԱԺ-ն․ Փաշինյան (տեսանյութ)