«Փաստ». Կհիմնվի Հայկական գինու ապրանքանիշի դեսպանի ինստիտուտ, իսկ մինչև 2032-ը ՀՀ-ն կունենա առնվազն երեք գինուղի

«Փաստ» օրաթերթը գրում է. «Հայաստանի խմիչքների արտադրության ոլորտում իր ուրույն տեղն է զբաղեցնում գինեգործությունը։ Խաղողագործությունը և գինեգործությունը մեր տնտեսության կարևոր և եկամտաբեր ճյուղերից են: 2016 թ.-ին գինեգործության ոլորտը կառավարությունը ճանաչել է տնտեսության գերակա ճյուղ։ Էկոնոմիկայի նախարարությունը կարծում է, որ խաղողի և գինու մատակարարման շղթան իր ներկա փոքր ներուժով և կարողություններով սահմանափակում է գինեգործության դինամիկ զարգացումը։

Բազմաթիվ մարտահրավերների հաղթահարման և ոլորտների հետագա զարգացման նպատակով անհրաժեշտ է ապահովել ռազմավարական նշանակություն ունեցող երկարաժամկետ մի շարք միջոցառումների իրականացում, մասնավորաբար՝ ՀՀ-ի խաղողի տնկարկների ռեեստրի համակարգի ստեղծում, աշխարհագրական նշմամբ գինիների արտադրության համակարգերի, խաղողի մթերման գործընթացի համակարգման մեխանիզմների ներդրում, խաղողի հայկական սորտերի հավաստագրված տնկանյութի արտադրության տնկարանների հիմնում, խաղողի ֆիլոքսերա վնասատուի տարածման կանխարգելման, վերահսկման և մշտադիտարկման մեխանիզմների մշակում, խաղողի հայկական սորտերի գենետիկական ռեսուրսների պահպանում և հետազոտում, հայկական գինու ճանաչելիության բարձրացմանը և առաջմղմանը միտված համալիր ծրագրերի իրականացում՝ ներքին և արտաքին սպառման շուկաներում, Հայաստանի գինու զբոսաշրջային գրավչության բարձրացմանը միտված ծրագրերի կյանքի կոչում և այլն:

Այսպիսով՝ մշակվել է «Հայաստանի գինու ոլորտի զարգացման 2023-2032 թթ. ծրագիրը, որում նախանշվել են Հայաստանում գինեգործության զարգացման հիմնական խնդիրներից բխող մարտահրավերները, որոնք դասակարգվում են հիմնվելով զարգացման երեք հիմնասյուների վրա՝ խաղողագործություն ու գինեգործություն, շուկայավարություն, առաջմղում և զբոսաշրջություն, երրորդ՝ հաստատություններ, կրթություն և մարդիկ ։ Ակնկալվում է, որ այս ծրագրի կյանքի կոչման պարագայում գինեմետ խաղողի այգետարածքների մակերեսը կմեծանա՝ հասնելով 10,200 հեկտարի, 5 անգամ կամ տարեկան 67 մլն լիտրով կաճի գինու արտադրության ծավալը, իրացումը ներքին և արտաքին շուկաներում 2023-2032 թթ. կհասնի մինչև 1,4 մլրդ ԱՄՆ դոլարի, կբարձրանա Հայաստանի գինու զբոսաշրջային գրավչությունը, կհիմնվի Հայկական գինու ապրանքանիշի դեսպանի ինստիտուտ, մինչև 2032 թ.-ը Հայաստանը կունենա գինու առնվազն երեք զբոսաշրջային ուղղություն (գինուղի)»:

Այս թեմայով Մենք առաջին իսկ օրից Սրբազանի կողքին ենք, մինչև վերջին օրը կլինենք, քանի որ սա արդար պայքար է (տեսանյութ) Վանաձոր, Վարդենիս, Սյունիք ենք գնալու, իշխանությունը Տավուշից մինչև Մեղրի այս աղետը կշարունակի (տեսանյութ) Բագրատ Սրբազանի մասին մի փաստ ուղղակի ինձ համար որոշիչ եղավ․ Տիգրան Քոչարյան Բաքուն բուլդոզերով nչնչացնում է հայկական ժառանգությունը Ղարաբաղում. EurasiaNet Կբերվի 171 ավտոբուս և 8 տրոլեյբուս, մինչև տարեվերջ վերջիններիս կավելանան ևս 7-ը. քաղաքապետարան 53 տարի չեմ ապրել, որ գամ ոստիկանների առաջ երկնչեմ, նույնիսկ մահը չի վախեցնի, մինչև սուտը չճզմվի․Սրբազան (տեսանյութ) Ժամանակն է, որ Ալիևն անհապաղ ազատ արձակի Բաքվում պահվող հայերին. Լեմկինի ինստիտուտ Աղետի գոտում կա երեք զոհ. ՆԳՆ-ն նոր մանրամասներ է հայտնում Մինչև Փաշինյանին չհանենք, չենք գնալու․ տիկին Սոֆյան Մոսկվայից ժամանել է Հայաստան՝ մասնակցելու սրբազան պայքարին (տեսանյութ) ՀՀ այս իշխանությունը դատարկում է Հայաստանը հայկական բովանդակությունից. Իշխան Սաղաթելյան (տեսանյութ)