Ռազմական ուժը չի կարող օգտագործվել առկա լարվածությունը հաղթահարելու համար․ ՄԹ ներկայացուցիչ

Միացյալ թագավորությանը մտահոգում են այն լուրջ ճնշումները, որոնք կրում են Լեռնային Ղարաբաղի բնակիչները, տեղում մարդասիրական կարիքն ահռելի է և շարունակում է մեծանալ, այս մասին Լեռնային Ղարաբաղում ստեղծված իրավիճակի վերաբերյալ ՄԱԿ-ի Անվտանգության խորհրդի արտահերթ նիստ ժամանակ հայտարարեց Մեծ Բրիտանիայի արտաքին գործերի, համագործակցության և զարգացման գրասենյակի Միջին Արևելքի, Հյուսիսային Աֆրիկայի, Հարավային Ասիայի և Միավորված ազգերի կազմակերպության հարցերով պետնախարար լորդ Թարիք Ահմադը։

Նա նշեց, որ օրեր առաջ շատ մի փոքր առաջընթացի ականատես եղան, երբ մարդասիրական բեռներ տեղափոխող մի քանի բեռնատար մեքենա մտավ Լեռնային Ղարաբաղ, սակայն այս առաջընթացն ընդհատվեց, երբ Ադրբեջանը հայտարարեց, որ ռազմական գործողություն է սկսում։

«Մեր գործընկերներից շատերի հետ միասին Միացյալ Թագավորությունն Ադրբեջանին կոչ է արել դադարեցնել ուժի գործադրումը, ձեռնպահ մնալ իրավիճակը սրող հետագա գործողություններից և, որ կարևոր է, վերադառնալ երկխոսության։ Մենք լիովին հասկանում ենք ինքնիշխանության և տարածքային ամբողջականության խնդիրները, սակայն ռազմական ուժը չի կարող օգտագործվել համայնքների առկա լարվածությունը հաղթահարելու համար։ Անմիջական երկխոսությունն է միակ ճանապարհը՝ գտնելու իրական, մնայուն խաղաղություն, իրական մնայուն լուծումներ։ Ուստի հիմա շատ կարևոր է վերսկսել բանակցությունները Ղարաբաղի հայության ներկայացուցիչների հետ՝ ունենալով արժանահավատ ծրագիր՝ ապահովելու տարածաշրջանի բոլոր բնակիչների իրավունքներին ու անվտանգությունը և նրանց խաղաղության պայմաններում ապրելու հնարավորություն ընձեռելով»,- ասաց նա։

Լորդ Թարիք Ահմադը նշեց, որ բռնության հետագա գործադրումը միայն կթուլացնի Հայաստանի և Ադրբեջանի միջև այն նախնական փխրուն առաջընթացը խաղաղության կայուն համաձայնություն ձեռք բերելու ուղղությամբ, որի հիմքում պետք է ընկած լինեն երկու պետությունների ինքնիշխանությունն ու տարածքային ամբողջականությունը։

«Անխոս, դա ողջ Հարավային Կովկասի շահերից է բխում։ Միացյալ Թագավորությունը ողջունում է երեկ հայտարարված հրադադարը, ուստի կոչ ենք անում բոլոր կողմերին հարգել այդ հրադադարը, վերջ տալ բռնության և հրատապ բաց երկխոսություն ծավալել տարածաշրջանի ժողովրդի համար ապահով, անվտանգ ապագա կառուցելու համար։ Միացյալ Թագավորությունը հավաստիացնում է, որ պատրաստ է աջակցել այդ կարևոր գործընթացին ամեն կերպ»,- ասաց նա։

Այս թեմայով Մեծ անջրպետ կա հայ ժողովրդի և ՀՀ իշխանությունների շահերի միջև. Օսկանյանը՝ Արցախ վերադարձի մասին (տեսանյութ) ՀՀ կառավարությունն Արցախի ժողովրդի վերաբերյալ որոշումները կայացնում է առանց ռազմավարության, նպատակն Արցախի էջը մեկընդմիշտ փակելն է. Արտակ Բեգլարյան Լուկաշենկոն Ալիևի հետ այցելել է օկուպացված Արցախ Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ) Էս երիտասադրության հետ Արցախ եմ հասնելու ու մենահամերգ տամ. Գայա Արզումանյան (տեսանյութ) Սա սրբազան պայքար է և լիահույս եմ, որ մեր սերունդը վերադառնալու է Արցախ. քաղաքացի Մեր սրտերում մնալու է Արցախ վերադառնալու տեսիլքը. Բագրատ Սրբազան Հայի սրտի, հոգու ամենաերջանիկ օրերից մեկն է լինելու. այսպես գնալու ենք դեպի Արցախ. Գայա Արզումանյան (տեսանյութ) Ինչքան ապրեմ, մինչև վերջին շունչս հավատալու եմ, որ գնալու եմ Արցախ. Գայա Արզումանյան Պիտի կտրես այն ձեռքը, որ ստորագրել է՝ Արցախն Ադրբեջան է. Տեր Հովհաննես (տեսանյութ)