Ուր են և ինչու են լռում Հայաստանի խոշոր գործարարներն ու պաշտոնյաները. մաս 9. Վարդան Հարությունյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Հաջորդիվ կանդրադառնանք ՊԵԿ նախկին նախագահ Վարդան Հարությունյանին: Վերջինս պաշտոնավարման ընթացքում բազմիցս այցելել է Արցախ և ցանկանում էր հարկային գործընթացներն էլեկտրոնային համակարգերով կազմակերպելու բնագավառում ՀՀ ԿԱ ՊԵԿ-ի փորձը փոխանցել արցախցի գործընկերներին: Անշուշտ, նրա գործունեությունը հիմնականում վերաբերվում էր ֆինանսական ոլորտին, սակայն, նա Արցախ կատարած իր բազմաթիվ այցերի ընթացքում հայտարարում էր համատեղ իրականացվելիք ծրագրերի, Արցախի տնտեսությունում ստվերի կրճատմանն ուղղված ծրագրերի իրականացման մասին: Ի վերջո, Հարությունյանը ներկայացնում էր այն քաղաքական թիմը, որը հայտարարում էր, որ Արցախի ինքնորոշմանը այլընտրանք չկա և Արցախը չի կարող լինել Ադրբեջանի կազմում:

Այսօր Վարդան Հարությունյանը զլանում է անգամ քաղաքացիական դիրքորոշում հայտնել Արցախի շուրջ տեղի ունեցող գործընթացների մասին: Ըստ որոշ տեղեկությունների՝  ՊԵԿ նախկին նախագահը բարձր պաշտոնի է նշանակվել «Գազպրոմ» ՀԲԸ-ում: Նա կզբաղեցնի «Գազպրոմ»-ի Վարչության նախագահի տեղակալի խորհրդականի պաշտոնը: Նա երկար տարիներ աշխատել է «Գազպրոմ Արմենիա» ՓԲԸ-ում (նախկինում՝ «ՀայՌուսգազարդ»)՝ ղեկավարելով ընկերությունը 2010-2016 թվականներին: Մինչ այդ զբաղեցրել է «ՀայՌուսգազարդ» ՓԲԸ-ի Գլխավոր տնօրենի տեղակալի պաշտոնը, իսկ 2002–2009թթ. ղեկավարել է «ՀայՌուսգազարդ» ՓԲԸ- Երևանի գազիֆիկացման և գազամատակարարման մասնաճյուղը:

Բացի այդ, Հարությունյանի ընտանիքը նաև բիզնեսներ ունի, մասնավորապես նրա որդիներին է պատկանում «Գրին ֆարմեր» ընկերությունը և, ընդհանրապես, Հարությունյանը իր ունեցվածքի մասին խոսելիս երբեք ավելորդ համեստություն չի դրսևորել

Այսօր նրան պատկանող ընկերությունները որևէ կերպ ցանկություն չեն հայտնել աջակցելու Արցախից բռնի տեղահանված մեր հայրենակիցներին, չնայած որ նրանց մեծամասնությունը թերևս հետաքրքրված կլիներ գյուղատնտեսական ոլորտում աշխատանք գտնելու հարցում: Ինքը՝ Հարությունյանը, լինելով նախկին բարձրաստիճան քաղաքական գործիչ, այսօր նախընտրում է լռել և չտեսնելու տալ այն մղձավանջը, որին հասցրել են Հայաստանն ու Արցախը գործող իշխանությունները: 

Այս թեմայով ՔՊ-ի յուրաքանչյուր անդամ պատասխանատվություն է կրում անվտանգային սպառնալիքների խորացման համար․ Հարությունյան (տեսանյութ) Ինչպես ցանկացած բռնապետական համակարգ, արհեստածին Ադրբեջանը ևս խիստ խոցելի է. Վարդան Ոսկանյան Հայաստանում առաջնային խնդիրը ոչ թե «լավ ապրելն» է, այլ անվտանգությունը. Վարդան Ոսկանյան Սրբազանին հաջողվեց ապահովել կոնսոլիդացիա. այն պետք է վերածել քաղաքական կապիտալի. Խոսրով Հարությունյան (տեսանյութ) Բաց կառավարման բարեփոխումների առաջընթացը կարևոր նշանակություն ունի մեր տարածաշրջանի համար. Արայիկ Հարությունյան Եզրահանգումը մեկն է․ Սերժ Սարգսյանը ճիշտ է. Վարդան Պողոսյան Իմ քաղաքական փորձառությամբ և այն ընթացքով, որ տեսնում եմ` Բագրատ սրբազանի շարժումը մարում է. Արայիկ Հարությունյան Կայացել է երջանկահիշատակ Վարդան Դևրիկյանի վերջին գրքի շնորհանդեսը (տեսանյութ) 450 թ․ Վարդան Մամիկոնյանի հաղթական ռազմերթն անցնում էր Բաքվի միջով․ Արմեն Այվազյան Մեղրին կհանձնեն Ալիևին. ռազմավարական բարձունքները նրան տալու հետևանքը դա է լինելու. Հարությունյան (տեսանյութ)