Ուր են և ինչու են լռում Հայաստանի խոշոր գործարարներն ու պաշտոնյաները. մաս 10. Էդվարդ Նալբանդյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք  2008-2018 թթ․ ՀՀ արտաքին գործերի նախարարի պաշտոնը զբաղեցրած ԱԳՆ նախարար Էդուարդ Նալբանդյանին, ով երկար տարիներ փաստացի գլխավորել է Արցախի հարցի կարգավորման բանակցային գործընթացը և, ըստ էության, այսօր ջուրը թափվեց հենց նրա բանակցային ողջ ժառանգությունը:

2015-ին նա ահա այսպիսի կարծիք ուներ Արցախյան հիմնախնդրի վերջնական կարգավորման վերաբերյալ․

Նալբանդյանը մշտապես հրապարակավ հայտարարել է, որ համապարփակ և երկարաժամկետ կարգավորումն անհնար է առանց Լեռնային Ղարաբաղի մասնակցության։ Եվ այդ դրույթն արտացոլվեց բանակցային գործընթացի բոլոր աշխատանքային փաստաթղթերում։

2017-ին հենց նույն Նալբանդյանը հայտարարեց, որ բացառված չէ մինչև տարեվերջ Հայաստանը ճանաչի Արցախի անկախությունը։ «Ադրբեջանը տանուլ է տալիս բանակցություններում: Այդ երկրի ղեկավարությունը իրեն փակուղու մեջ է դրել և փորձում է ուժի կիրառման միջոցով հաջողության հասնել: Բայց ի պատիվ մեր Զինված ուժերի՝ ապարդյուն են դառնում նաև նման մտադրություններն ու մեծ իլյուզիաները»,-ասել էր Է. Նալբանդյանը:

Նույն 2017-ին նա հայտարարում էր, որ Հայաստանը և Սփյուռքը կանգնած են Արցախի կողքին և մշտապես օժանդակելու են վերջինիս: Պնդում էր, որ իր ջանքերի շնորհիվ Արցախի միջանկյալ ստատուսի հարցը առկա է բոլոր բանակցային փաստաթղթերում:

Նալբանդյանը տարբեր երկրներից բլոգերների էր հրավիրում Արցախ, որպեսզի բարձրաձայնեն Արցախի ժողովրդի ձայնն իրենց լսարաններում: Այսօր, սակայն, անգամ ինքն է լռում և մեկ հայտարարություն էլ չի արել կապված Արցախում ստեղծված կատաստրոֆիկ իրավիճակի հետ:

Այս թեմայով Կյանքից հեռացել է գեղանկարիչ Էդվարդ Վարդանյանը Մահացել է գեղանկարիչ Էդվարդ Վարդանյանը Հիմա․ ԳՇ պետ Էդվարդ Ասրյանի ճեպազրույցը Էդվարդ Ասրյանը հետևել է՝ ինչպես են բասկետբոլ խաղում կենտրոնական ապարատի Էդվարդ Ասրյանը հետևել է ՀՀ ԶՈՒ-ի ռազմավարական հրամանատարաշտաբային զորավարժության գործնական փուլին Էդվարդ Ասրյանը հետևել է ռազմավարական հրամանատարաշտաբային զորավարժության հերթական փուլին ԶՈՒ ԳՇ պետ Էդվարդ Ասրյանը բացառապես ՀՀ քաղաքացի է. ՊՆ-ն հերքում է վերջինիս՝ ՌԴ քաղաքացի լինելու լուրը ՃՏՊ Կորյունի և Նալբանդյան փողոցների խաչմերուկում «Մահմուդ Սաադին վռնդել եմ աշխատանքից՝ խաբեության ու չարաշահումների համար». Նարեկ Նալբանդյան. «Փաստ» Էդվարդ Ասրյանը հանդիպել է հանրապետության արևելյան սահմանագոտու պաշտպանությունն իրականացնող զորամասերի սպայական կազմերի հետ