Ուր են և ինչու են լռում Հայաստանի խոշոր գործարարներն ու պաշտոնյաները. Արմեն Ավետիսյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Հաջորդիվ կանդրադառնանք ՀՀ Կառավարությանն առընթեր մաքսային պետական կոմիտեի նախկին ղեկավար Արմեն Ավետիսյանին: ՀՀ կառավարության սեպտեմբերի 26–ի նիստում որոշվեց ընդունել Մաքսային կոմիտեի նախկին նախագահ Արմեն Ավետիսյանին պատկանող Ծաղկաձորի «Գոլդեն Փելես» հյուրանոցը` որպես նվիրատվություն։ Նախկին պաշտոնյան նման առաջարկ էր արել այն բանից հետո, երբ ԱԱԾ–ն բացահայտել էր նրան պատկանող երեք հյուրանոցներն անօրինական գումարներով կառուցելու փաստը։ 2018թ.–ի նոյեմբերին ԱԱԾ քննչական վարչությունում հարուցվել էր քրեական գործ` Մաքսային պետական կոմիտեի նախկին նախագահ Արմեն Ավետիսյանի կողմից ձեռնարկատիրական գործունեությանն ապօրինի մասնակցելու և հանցավոր ճանապարհով ստացված առանձնապես խոշոր չափերով գումարներն օրինականացնելու (փողերի լվացում) փաստով։ Ըստ մեղադրանքի` Արմեն Ավետիսյանն իր երեք հյուրանոցները կառուցել է ապօրինի ձեռք բերված միջոցներով, իսկ դրանց ծագումը թաքցնելու համար ներկայացրել իբրև արտասահմանյան ներդրում։ Երևանի Ազատության պողոտայում գտնվող «Գոլդեն Փելես» հյուրանոցային համալիրի կառուցումը, օրինակ, վերագրվել է Կիպրոսի օֆշորային գոտում հիմնադրված «Ռիվերհիլ Հոլդինգս» ընկերությանը։

Ինչպես հասկանում ենք՝ երկար տարիներ նման յուղոտ պաշտոն զբաղեցնելու հանգամանքըն անչափ բարերար ազդեցություն է ունեցել Արմեն Ավետիսյանի սոցիալական վիճակի վրա: Բացի այդ, նա մշտապես ջերմ հարաբերություններ է ունեցել գործող իշխանությունների վերին էշելոններում հանգրվանած պաշտոնյաների հետ, եղել է քաղաքական թիմի մի մասնիկը: Մինչ մաքսայինում տեղավորվելը, Ավետիսյանը ԱԱԾ-ում էր՝ տնտեսական հանցագործությունների դեմ պայքարով զբաղվող ստորաբաժանման ղեկավարի պաշտոնում: Արդյունքում՝ մի քանի տարում Ավետիսյանը դարձավ Հայաստանի ամենահարուստ մարդկանցից մեկը:

Սակայն, ո՞ւր է այսօր Ավետիսյանը: Միթե նրա դեմ հարուցված քրեական գործերը այն աստիճան են ազդել վերջինիս քաղաքացիական գիտակցության և քաղաքացիական պատասխանատվության զգացումի վրա, որ անգամ հայրենիքից դուրս գտնվելով՝ ի վիճակի չէ գեթ մեկ քաղաքական հայտարարություն անել կամ առնվազն դիրքորոշում հայտնել: Ի վերջո, Արցախի կորստից հետո վտանգված է այն պետությունը, որի սահմանները նա հսկել է: Չենք խոսում այն մասին, որ Ավետիսյանը, լինելով Հայաստանի ամենահարուստ մարդկանցից մեկը և ակնհայտորեն պահպանելով իր ունեցվածքի մեծ մասը, մինչ այսօր օգնության ձեռք չի մեկնել Արցախից բռնի տեղահանված արցախահայերին:

Այս թեմայով Սա կորուստ է բոլորիս համար. առաջին անգամ է, որ Արցախի հանրային հեռուստատեսության օրը Արցախում չենք նշում. Հրայր Ավետիսյան 8 տարի ինձ այնքան են հետազոտել, երևի մենակ «պոչկիս քարը» չեն գտել. Արմեն Աշոտյան (տեսանյութ) ՈՒՂԻՂ․ ընթանում է Արմեն Աշոտյանի գործով դատական նիստը Ճշմարտության հաղթանակի և ստի ավարտի համար ես կլինեմ Հանրապետության հրապարակում մայիսի 26-ին՝ ժամը 16:00-ին. Ջազ երաժիշտ, դիրիժոր, արվեստի վաստակավոր գործիչ Արմեն Հյուսնունց (տեսանյութ) Հարթակում չկա ապագա վարչապետի թեկնածուն. պայքարը դիտվում է որպես «ռոբասերժական» և «փաշինյանական» ուժերի բախում. Արմեն Այվազյան Արմեն Խաչիկյանն ազատ է արձակվել Մի գեղեցիկ օր Ադրբեջանի հայասպանները ևս կարող են ՄՔԴ կանչվել. Արմեն Այվազյան Այս պահին ԻԻՀ-ն, փաստացիորեն, ՀՀ-ի անվտանգության երաշխավորն է․ ճիշտ կլինի` ՀՀ-ում մեկօրյա սուգ հայտարարվի․ Արմեն Այվազյան Ինչու է Արմեն Գրիգորյանը մեկնում Դոհա Պիտի համակերպվեն, որ կառավարել չեն կարողանում, պիտի հեռանան, թողեք Հայ մնանք. Մխիթար Ավետիսյան (տեսանյութ)