Եվրախորհրդարանը բանաձև է ընդունել, որով ԵՄ-ին կոչ է անում պատժամիջոցներ սահմանել Ադրբեջանի դեմ

Այսօր Ստրասբուրգում կայացած լիագումար նիստում Եվրախորհրդարանը բանաձև է ընդունել, որով կոչ է անում ԵՄ-ին պատժամիջոցներ կիրառել Ադրբեջանի դեմ, գրում է Ռիա Նովոստին։

Բանաձևին կողմ է քվեարկել 491, դեմ՝ 9, ձեռնպահ է մնացել 36 պատգամավոր։ Արտաքին քաղաքականության հարցերի վերաբերյալ Եվրախորհրդարանի բանաձևերը իրավաբանորեն պարտավորեցնող չեն, սակայն եվրոպական մյուս կառույցները պետք է լսեն Եվրախորհրդարանի պատգամավորների կարծիքը։

Փաստաթղթում, մասնավորապես, ասվում է, որ «Եվրախորհրդարանը կոչ է անում ԵՄ-ին և անդամ երկրներին նպատակաուղղված պատժամիջոցներ սահմանել Ադրբեջանի կառավարության այն անձանց դեմ, որոնք պատասխանատու են Լեռնային Ղարաբաղում հրադադարի բազմաթիվ խախտումների և մարդու իրավունքների խախտումների համար»:

Պատգամավորները կոչ են անում «արտաքին քաղաքականության հարցերով ԵՄ բարձր ներկայացուցչին դադարեցնել բանակցությունները Ադրբեջանի հետ գործընկերության համաձայնագրի թարմացման շուրջ, քանի դեռ Ադրբեջանը անկեղծ պատրաստակամություն չի ցուցաբերել հարգելու Լեռնային Ղարաբաղի հայ բնակչության իրավունքներն ու անվտանգությունը»:

Հակառակ դեպքում, պատգամավորները «կոչ են անում ԵՄ-ին և անդամ երկրներին դիտարկել վիզային ռեժիմի դյուրացման մասին համաձայնագրի կիրառումը կասեցնելու և այլ ոլորտներում այս երկրի հետ համագործակցության մակարդակը նվազեցնելու հարցը»։

«Եվրախորհրդարանը հիշեցնում է Ադրբեջանին, որ նա կրում է ամբողջ պատասխանատվությունը Լեռնային Ղարաբաղի բնակիչների անվտանգության և բարեկեցության համար, խնդրում է Ադրբեջանին ապահովել Լեռնային Ղարաբաղի բնակչության անվտանգությունը՝ համաձայն ՄԱԿ-ի կանոնադրության և համապատասխան միջազգային կոնվենցիաների, միջազգային իրավունքի սկզբունքների ու մարդու իրավունքների։ Կոչ է անում Ադրբեջանի իշխանություններին ապահովել հայերի անվտանգ վերադարձը Լեռնային Ղարաբաղ»,- ասվում է բանաձևում։

Այս թեմայով Կոչ ենք անում մեր մարտական ընկերներին միանալ պայքարին․ Ղարաբաղյան պատերազմի վետերանների միություն Դուք ապօրինի կերպով մեքենաները տանում եք, մենք խաղաղ ակցիա ենք անում. Գառնիկ Դանիելյան (տեսանյութ) ՈւՂԻՂ․ կառավարության նիստին զուգահեռ Սրբազանն աջակիցների հետ մեքենաներով ակցիա է անում հրապարակում Բելգիայում Ոստիկանությունը ջրցան մեքենաներ է կիրառել Իսրայելի դեսպանատան մոտ ակցիայի ժամանակ Կղերաֆեոդալական համակարգը բունտ է անում հիմա. Փաշինյան (տեսանյութ) Հլը նայեք՝ լուսամուտներից ոնց են մեզ ձեռքով անում. Սրբազանը՝ ԱԳՆ աշխատակիցներին (տեսանյութ) Քաղաքացիները կոչ են անում ոստիկաններին կատարել օրեքով նախատեսված պարտականնությունները Կոչ ենք անում զերծ մնալ ազգը մասնատող քայլերից․ Արցախի թեմ Գյուղ տանող կենտրոնական ճանապարհը փլված է՝ իսկական աղետ է. մեզ վտանգի ենթարկելով՝ ելումուտ ենք անում. Շնողի վարչական ղեկավար Սիսիանում արցունքաբեր գազ են կիրառել քաղաքացիների նկատմամբ (տեսանյութ)