Մեծ քանակությամբ զենք-զինամթերք է հայտնաբերվել Կոտայք գյուղի մոտ

Հոկտեմբերի 13-ին ոստիկանության Կոտայքի բաժին է զանգել մի քաղաքացի և հայտնել, որ Արցախյան պատերազմների մասնակից է, իր հետ զենք-զինամթերք է բերել և թողել Կոտայք գյուղից Կապուտան տանող ճանապարհի կամրջի մոտ:

Հաղորդման հետքերով դեպքի վայր են մեկնել ոստիկանության Կոտայքի բաժնի ծառայողները, Կոտայքի պարեկները և փրկարար ծառայության, ինչպես նաև Աբովյանի քննչական բաժնի աշխատակիցներ:

Տղամարդու հայտնածը հաստատվեց:

Դեպքի առթիվ նախաձեռնվեց քրեական վարույթ, որի շրջանակում զննություն կատարվեց նշված հասցեում:

Հայտնաբերվեցին ինքնաշեն, կարճեցված փողով ողորկափող հրացան, ակոսափող, առանց գործարանային համարների ինքնաձիգ, ակոսափող երկու հրազեն, «Կալաշնիկովի» ինքնաձիգ՝ փամփշտատուփով, «ПК» տեսակի գնդացիր՝ ոտնակով, որին ամրակցված ժապավենում կար 7,62 մմ տրամաչափի գնդացրի համար նախատեսված 95 փամփուշտ, «АГС» տեսակի նռնականետ՝ ոտնակներով և փամփշտատուփով, «Մակարով» տեսակի նմանվող և առանց գործարանային համարների երեք ատրճանակ, առանց գործարանային համարի թմբուկավոր ատրճանակ, 5,45 մմ տրամաչափի 1793 փամփուշտ, փայտե կոթով արբալետ, ինքնաձիգի գազամխոցով փակաղակի շրջանակ, հրացանի համար նախատեսված զարկանաձգային մեխանիզմ, ինքնաձիգի փակաղակ, հրազենի երկու դետալ, նռնականետի արկ և արկի երեք դետալ, ինքնաձիգի պիտույքների համար նախատեսված տարաներ, ականանետի տարբեր տրամաչափերի երկու արկ, տարբեր տրամաչափերի 209 փամփուշտ, հակատանկային նռնակների մեկ պարկ վառոդ, Ֆ1 տեսակի 21 նռնակ, 3 արկ, ձեռքի 2 նռնակ, առանց բռնակների 5 սվին-դանակ, ինքնաձիգի երկու դետալ, 7,62 մմ տրամաչափի 788 փամփուշտ, ինքնաձիգի 10 փամփշտատուփ, որոնցից 3-ի մեջ կային 5,45 մմ և 7,62 տրամաչափի ընդհանուր 74 փամփուշտ:

Հայտնաբերված զենք-զինամթերքը առգրավվել է՝ հետագա քննության համար:

Հանգամանքները նախաքննությամբ պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Հատիս-Կապուտան բնակավայրերի միջնամասի դժվարանցանելի հատվածում հրազենային վնասվածքով տղամարդու դի է հայտնաբերվել Ամբերդ գյուղի բնակչի սպանության կասկածանքով ձերբակալվել է տուժողի համագյուղացին Հայտնաբերվել է պայմանագրային զինծառայող Արմեն Գասպարյանի դին՝ հրազենային վնասվածքով․ ՊՆ Կիրանց գյուղի Սուրբ Երրորդություն եկեղեցին կվերականգնվի. Կառավարությունը հատկացրեց 66 մլն դրամ Այո՛, մեծ քանակությամբ զենք է գալիս ՀՀ, բայց համակարգը 2020-ից հետո էապես չի փոխվել (տեսանյութ) Պենտագոնը հայտնել է՝ ՆԱՏՕ-ն 2022-ից ի վեր որքան զենք է մատակարարել Ուկրաինային Հարթագյուղ գյուղի «Սուրբ Հովհաննես» մատուռի մոտակայքում քաղաքացին ընկել և վնասել է ոտքը Ամբերդ գյուղի դպրոցի մոտ կրակոցներ են հնչել. կա զոհ Բերման ենթարկված երիտասարդի մոտ լիցքավորված գազային ատրճանակ է հայտնաբերվել Նախիջևանում հայտնաբերվել է անհետ կորած ադրբեջանցի զինծառայողի մարմինը