Ուր են և ինչու են լռում Հայաստանի խոշոր գործարարներն ու պաշտոնյաները. Հայկ Հարությունյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում։

Այսօր կանդրադառնանք Սյունիքի փոխմարզպետ Հայկ Հարությունյանին, ով պետական կառավարման համակարգում բնավ էլ նորեկ չէ, նա 2014-2022 թվականներին Սյունիքի մարզպետարան,  Կրթության, մշակույթի և սպորտի վարչության կրթության բաժնի պետի պաշտոնն է զբաղեցրել, աշխատել նախկին իշխանությունների հետ, իսկ հեղափոխությունից հետո, գնահատելով իրավիճակը, միացել է արդեն ՔՊ-ին:  2021 թվականի նոյեմբերի 14–ին կայացած Կապանի համայնքի ավագանու  ընտրություններում առաջադրված  «Քաղաքացիական պայմանագիր» կուսակցության ընտրացուցակի 4-րդ հորիզոնականում էր։  Հայկ Հարությունյանին վերապահված են  մարզպետի կողմից իրականացվող տարածքային քաղաքականության և մարզպետի աշխատակազմի կառուցվածքային ստորաբաժանումների միջոցով կատարվող աշխատանքների համակարգման լիազորությունները

Արցախի շուրջ ստեղծված իրավիճակը ժամանակին, կարծես թե, Հարությունյանին ավելի շատ էր հուզում, քան այսօր: Դիցուք՝  Կոռնիձոր այցելած Հայաստանում ՄԱԿ-ի գրասենյակի ներկայացուցիչներին հենց Հարությունյանն էր ընդունում և հայտարարում, որ միջազգային գործընկերների այցը Կոռնիձոր փաստում է, որ գործադրված ջանքերը բավարար չեն իրավիճակի կայունացման համար: Ավելին՝ այն ժամանակ փոխմարզպետը հայտարարում էր, որ դժվար թե ինչ-որ մեկը պատկերացներ, որ մենք 21-րդ դարում ականատես կլինենք մի խոսույթի, որն Ադրբեջանն է առաջ քաշել. դա այսպես կոչված՝ «ինտեգրումն» է՝ սովամահության ճանապարհով: Սակայն, այսօր, երբ իր ղեկավարած մարզը դարձել է թշնամու թիվ մեկ թիրախը, երբ այստեղ են հանգրվանել էթնիկ զտման ենթարկված արցախցիների մեծ մասը և երբ արդեն իսկ ակնհայտ է, որ իշխանությունները պատրաստվում են նորանոր զիջումների գնալ և ամեն դեպքում տրամադրել այսպես կոչված՝ «Զանգեզուրի միջանցքը», փոխմարզպետը լռում է: Չի դժգոհում ոչ միջազգային կառույցի գործադրած ջանքերից, ոչ էլ սեփական թիմակիցների անփառունակ քաղաքականության, որի արդյունքում էլ կորցրել ենք Արցախը, իսկ Սյունիքը՝ Հայաստանաի ողնաշարը, հայտնվել է կոտրվելու իրական վտանգի առջև:

Շարունակելի...

Այս թեմայով ԱԺ նախագահի պաշտոնը Ալեն Սիմոնյանի ընտրությունն է, ու նա պիտի հանդուրժող լինի ազատ խոսքի նկատմամբ. Հայկ Ալումյան (տեսանյութ) ՀԱՊԿ-ից դուրս գալը հանգեցնելու է առճակատման ՌԴ-ի հետ, Մոսկվան կդիմի քայլերի. Հայկ Խալաթյան (տեսանյութ) ՔՊ-ն մանդատները չի դնելու, հերթական ընտրությունները 2026-ին են լինելու. Հայկ Կոնջորյան (տեսանյութ) Դուք կուլտուրական մարդ եք, պարոն Մինասյա'ն, ինչի՞ եք հայդուկավարի տեքստեր ասում. Հայկ Կոնջորյան (տեսանյութ) ՔՊ-ի յուրաքանչյուր անդամ պատասխանատվություն է կրում անվտանգային սպառնալիքների խորացման համար․ Հարությունյան (տեսանյութ) Գուցե 96 ժամ հետո հարցը դեռ լուծված չլինի, բայց ակնհայտ լինի, որ հասնելու ենք լուծման․ Հայկ Մամիջանյան (տեսանյութ) Ոստիկանները չեն հասկանում՝ «պագոն» կրե՞ն, թե՞ գողական գնան. բայց իրենք զզվել են Նիկոլից. Հայկ Դերզյան (տեսանյութ) Հայկ Դեմոյանը նկատողություն է արել Ժաննա Անդրեասյանին Սրբազանին հաջողվեց ապահովել կոնսոլիդացիա. այն պետք է վերածել քաղաքական կապիտալի. Խոսրով Հարությունյան (տեսանյութ) Բաց կառավարման բարեփոխումների առաջընթացը կարևոր նշանակություն ունի մեր տարածաշրջանի համար. Արայիկ Հարությունյան