Ուր են և ինչու են լռում Հայաստանի խոշոր գործարարներն ու պաշտոնյաները. Վասակ Վարդանյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք Կոտայքի մարզպետի տեղակալ Վասակ Վարդանյանին, ով նույնպես նորեկ չէ պետական կառավարման համակարգում և երկար տարիներ շարունակ ավագանու անդամի պաշտոն է զբաղեցրել: Վարդանյանը, ի դեպ, ԵԿՄ նախագահ Սասուն Միքայելյանի փեսան է, պաշտոնին նշանակվելուց ի վեր էլ հայտնի է միայն նրանով, որ ընդամենը վեց ամիս ղեկավարելուց հետո  460 հազար 334 դրամի պարգևավճար էր ստացել մարզպետարանի բյուջեից: Բացի այդ, ակնհայտորեն բարելավվել է նաև Վարդանյանի սոցիալ-ֆինանսական վիճակը: 2022 թվականի իր հայտարարագրում Վասակ Վարդանյանը նշել է համատեղ սեփականության իրավունքով Հրազդան քաղաքում ձեռք բերված բնակարանի և դարձյալ նույն համայնքում 2016 թվականի որպես նվիրատվություն ստացած և բաժնային սեփականության իրավունքով տնօրինվող 3 հողամասի մասին:

Ուշագրավ է, որ Վարդանյանի ֆեյսբուքյան էջի հետնանկարը Մոնթեն է կնոջ՝ Սաթենիկի հետ, իսկ ահա գլխավոր նկարը՝ Չե Գևարան, թվում էր թե հեղափոխական փոխմարզպետը անգամ սիմվոլիզմի լեզվով ի ցույց է դնում իր արժեքները, սակայն իրականությունը լրիվ այլ է: Փաստացի, Վարդանյանը շարունակում է պաշտոնավարել այն թիմի կազմում, որի վարած քաղաքականության արդյունքում Մոնթեի բոլոր նվաճումները և ձեռքբերումները զրոյացվեցին: Նրա էջում կարելի է հանդիպել նկարներ, որոնցում պատկերված են Շուշիի ազատագրման դրվագները և Վարդանյանը հպարտորեն ընդգծել է, որ հայոց բերդաքաղաքի ազատագրման գործում իր մեծ ավանդն ունեցավ նաև Սասուն ջոկատը: Այսօր, երբ իր թիմի քաղաքական ղեկավարը հայտարարում է, որ Շուշին դժգույն քաղաք է, արդյո՞ք Վարդանյանի մոտ կոգնիտիվ դիսոնանս չի առաջանում: Վարդանյանը իր էջում կիսվում էր նաև ապրիլյան պատերազմի հերոսների լուսանկարներով և նշում, որ նրանց անունը մեր սրտերում է: Այսօր, երբ իր քաղաքական թիմի վարած քաղաքականության հետևանքով ապրիլյան պատերազմի հերոսների բոլոր սխրագործությունները փաստացի ջուրը նետվեցին, արդյո՞ք Վարդանյանը ոչինչ չունի ասելու: Հասկանալի է, որ Կոտայքի մարզը թերևս միակ մարզն է, որ արտաքին սահման չունի և չի գտնվում թշնամու անմիջական թիրախում, սակայն արդյո՞ք ժամանակին իրեն որպես հայրենասեր անձնավորություն դիրքավորած Վարդանյանը չի ցանկանում գեթ մեկ գնահատական տալ այն ամենին, ինչ այսօր կատարվում է երկրում: Թե պաշտոնը առավել թանկ ու կարևոր է, քան հայրենիքը:

Շարունակելի....

Այս թեմայով Ինչպես համոզվել, որ Փաշինյանինն ինքնիշխանություն չէ, թուրքիշխանություն է. Քրիստինե Վարդանյան Եթե մեր հայրենիքի ազատությանը հասնելու ճանապարհը անցնում է բանտերով՝ ես ևս մեկ անգամ պատրաստ եմ անցնել դրանով․ Վարդանյան Հայաստանում կա դիմադրություն. բոլորը չէ, որ համաձայն են հանձնվելուն. Վարդանյան (տեսանյութ) Արսեն Թորոսյանի մոտ ինչ-որ խնդիր կա մարմինը կառավարող օրգանի և անսանձելի լեզվի միջև. Տեր Գաբրիել քահանա Վարդանյան Իշխանության համար ոստիկանի վահանը՝ ժեշտի կտորը, ավելի բարձր արժեք է, քան մարդու իրավունքը. Վարդանյան (տեսանյութ) Սասուն Խաչատրյանը՝ Սերժ Սարգսյանի գործի «փլուզման» մասին (տեսանյութ) Ունեցել ենք այն համոզմունքը, որ տեղի է ունեցել հանցանք․ Սասուն Խաչատրյանը՝ Սերժ Սարգսյանի գործի մասին Գո՞հ եք ոստիկանության ձեր բարեփոխումներից, գո՞հ եք ձեր ստեղծած համակարգից. Էլինար Վարդանյան (տեսանյութ) Ես և հոգևոր արժեքային համակարգ ունեցող բոլոր մարդիկ միշտ էլ Հայ Առաքելական Եկեղեցու և Վեհափառ Հայրապետի կողքին ենք. «Միասնություն» շարժման ղեկավար Արման Վարդանյան «Մանդատս դնում եմ, դուք կդնե՞ք», «Ելնենք Սասուն, մտնենք Մուշ, գիտենք». Մինասյանի ու Սիմոնյանի վեճը