Խոշորները՝ «փաս». հարկատուների ցանկի ուշագրավ փոփոխությունները

Առաջին 1000 խոշոր հարկ վճարողների կողմից 2023 թվականի հունվար-սեպտեմբեր ամիսների ընթացքում պետական բյուջե ընդհանուր առմամբ վճարվել է ավելի քան 1 տրիլիոն 266 միլիարդ 911 միլիոն դրամ կամ մոտ 3 միլիարդ 174 միլիոն դոլար: Հայաստանի պետական եկամուտների կոմիտեի հաղորդագրության համաձայն՝ հարկային մարմին կատարված վճարումների գումարը կազմել է ավելի քան 967 միլիարդ 676 միլիոն դրամ, իսկ մաքսային մարմին կատարված վճարումների գումարը՝ շուրջ 299 միլիարդ 235 միլիոն դրամ։

ՊԵԿ-ը հրապարակել է տվյալ ժամանակահատվածի 1000 խոշոր հարկ վճարողների ցանկը, խոշոր հարկ վճարողների ցուցակը գլխավորում է «Զանգեզուրի պղնձամոլիբդենային կոմբինատ»-ը։ Ընկերության կողմից պետական բյուջե է վճարվել 52,4 մլրդ դրամ։ Երկրորդ տեղում «Գազպրոմ Արմենիան» է, որը վճարել է  39 մլրդ 491,6 մլն դրամ հարկ, երրորդ տեղում ծխախոտի արտադրությամբ ու արտահանմամբ զբաղվող «Գրանդ Տոբակո»-ն է՝ 31 մլրդ դրամ վճարված հարկերով: Չորրորդ հորիզոնականում «Մոբայլ սենթր արթ» ՍՊԸ-ն (մոտ 30,1 մլրդ), հինգերորդում՝ «Փրիթի ուեյ»-ը  (մոտ 23 մլրդ ,354,4 մլն դրամ), վեցերորդում հորիզոնականում՝  «Ամերիաբանկ»-ը (մոտ 22,9 մլրդ դրամ), յոթերորդը՝ «Արդշինբանկ»-ը (21,3 մլրդ), ութերորդում՝ «Սի փի էս էներջի գրուպ»-ը (16 մլրդ 587,1 մլն դրամ), իներորդում՝ «Ինտերնեյշնլ Մասիս Տաբակ»-ը (մոտ 15,7 մլրդ դրամ)»։ «Ջեյ թի այ Արմենիա»-ն եզրափակում է տասնյակը։ Ընկերությունը պետական բյուջե է վճարել 13,4 մլրդ դրամ։ Նշենք նաև, որ առցանց առեւտուր իրականացնող «Վայլդբերիզ» ընկերությունը 2023 թվականի երրորդ եռամսյակի արդյունքներով Հայաստանում 13-րդ խոշոր հարկատուն է։ Ընկերությունը այս տարվա 9 ամիսներին Հայաստանի պետական բյուջե է վճարել 12 մլրդ 507,5 մլն դրամի հարկեր։ 2022 թվականի երրորդ եռամսյակում «Վայլդբերիզ»-ը Հայաստանի խոշոր հարկատուների ցանկում 528-րդ տեղում էր՝ վճարելով 366,2 մլն դրամ հարկ։

Բարսեղ Բեգլարյանի ընտանիքին պատկանող «Ֆլեշ» ընկերությունն ընդամենը 14-րդն է՝ 12,216,815 դրամ վճարած հարկերով, Սամվել Ալեքսանյանի «Սիթին»՝ 17-րդն է, 10,836,332 դրամ վճարած հարկերով, «Ալեքս ընդ Հոլդինգը» 20-րդն է՝ 8,649,534 դրամ հարկերով, Աշոտ Արսենյանին պատկանող «Ջերմուկ Գրուպը» 89-րդն է՝ 2,629,892 դրամ հարկերով, Սամվել Բալասանյանի ընտանիքին պատկանող «Գյումրի-գարեջուրը» 140-րդն է՝ 1,666,591 դրամ հարկերով:  Հարություն Փամբուկյանին պատկանող «Մաքս Օիլը» 23-րդն է՝ 8,243,377 դրամ վճարած հարկերով:

Նախորդ տարվա այս նույն ժամանակահատվածում «Ֆլեշը» 8-րդ հորիզոնականում էր, Սամվել Ալեքսանյանի «Սիթին»՝ 15-րդն էր, «Մաքս Օիլը»՝ 16-րդ հորիզոնականում էր, «Ջերմուկ Գրուպը» 169-րդն էր, «Գյումրի-գարեջուրը» 180-րդ հորիզոնականում էր:

2021-ի երկրորդ եռամսյակում պատկերը հետևյալն էր՝ «Ֆլեշը» 9-րդն էր, «Ալեքս Ընդ Հոլդինգը» 16-ը, «Սիթին»՝ 18-րդը, «Մաքս Օիլը»՝ 19-րդը, «Գյումրի-գարեջուրը» 114-րդ հորիզոնականում էր, «Ջերմուկ Գրուպը»՝ 149-րդ հորիզոնականում։

Եթե էլ ավելի հեռուն գնանք և դիտարկենք հետհեղափոխական առաջին տարվա՝ 2019 թվականի երկրորդ եռամսյակի տվյալները, ապա պատկերը հետևյալն էր․ «Ֆլեշը» 7-րդ հորիզոնականում էր, «Սիթին»՝ 18-րդը, «Ջերմուկ Գրուպը»՝ 67-րդը, «Գյումրի-գարեջուրը» 112-րդ հորիզոնականում էր:

Ինչպես տեսնում ենք՝ օլիգարխներն ու մեծահարուստները զիջում են իրենց դիրքերը խոշոր հարկատուների ցանկում:

Այս թեմայով Ուժի մեջ են մտել ուշ վճարումների կարգավորմանն ուղղված օրենսդրական փոփոխությունները Ովքե՞ր են գլխավորում խոշոր հարկատուների ցուցակը Հայաստանի պատմության թանգարանի 32 ուշագրավ ցուցանմուշներ ներկայացված են Վենետիկի հեղինակավոր թանգարաններից մեկում «Ժողովուրդ». Մի դեպքում դատավորները դասի են, մյուս դեպքում բենզին չկա․ իրավիճակը դատարաններում Մի քանի ուշագրավ դրվագ Բլինքեն-Ալիև հեռախոսազրույցի վերաբերյալ. Տաթևիկ Հայրապետյան Ուշագրավ քաղաքական իրադարձություն. ո՞վ կդառնա նորաստեղծ կուսակցության նախագահ. «Փաստ» Խորհրդարանը քննարկել է «Բաժնետիրական ընկերությունների մասին» օրենքում առաջարկվող փոփոխությունները Լրագրողների հետ քննարկվել են «Տարվա 10 լավագույն մարզիկներ» մրցույթի կարգի փոփոխությունները ՈՒՂԻՂ. Անվճար բժշկական օգնության համակարգի փոփոխությունները. ասուլիս Ուշագրավ արդյունքներ հետխորհրդային երկրների ու Ռուսաստանի հարաբերությունների մասով. «Փաստ»