Ուր են և ինչու են լռում Հայաստանի խոշոր գործարարներն ու պաշտոնյաները. Նարե Ղազարյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք Սյունիքի մարզպետի տեղակալ Նարե Ղազարյանին:  Վերջինս 2016 – 2018 թվականներին զբաղեցրել է Սյունիքի մարզի Շիկահող համայնքի ղեկավարի պաշտոնը, 2018-ից 2021-ը Կապան համայնքի Շիկահող գյուղի վարչական ղեկավար է եղել: ՀՀ վարչապետի՝ 2022 թվականի մայիսի 27-ի թիվ 591-Ա որոշմամբ նշանակվել է ՀՀ Սյունիքի մարզպետի տեղակալի պաշտոնում: Նշենք, որ Ղազարյանն անկուսակցական է:

Նարե Ղազարյանի մարզպետի տեղակալ նշանակվելու որոշումից հետո սոցցանցերում գրոհ էր սկսվել։ Նրան «մեղադրում» են ընդդիմադիր լինելու մեջ։ Հետաքրքիր է, որ իրենց քաղաքական թիմի ղեկավարի՝ վարչապետ Փաշինյանի որոշման հետ համաձայն չէին «Քաղաքացիական պայմանագիր» կուսակցության Սյունիքի կառույցի որոշ անդամներ։ 

Պատերազմից հետո Շիկահողն այն բնակավայրերից մեկն է, որը դարձել է Ադրբեջանի հետ սահմանակից, և պատահական չէ, որ Նարե Ղազարյանը, որպես համայնքի ղեկավար, պարբերաբար հայտնվում էր ԶԼՄ-ների ուշադրության կենտրոնում։ Ի սկզբանե նա, կարծես, ընդդիմադիր հայացքներ ուներ. 2020 թվականին Ղազարյանը մի խումբ գյուղացիների հետ ճանապարհ էր փակել և իշխանությունից պահանջում էր զորք ուղարկել՝ գյուղի անվտանգությունն ապահովելու համար։ Նա հայտարարում էր, որ գյուղացիները միայնակ չեն կարողանում գյուղը պահել, իսկ ադրբեջանական ուժերն այն բարձունքների վրա են, որոնք ունեն կենսական նշանակություն։ Իսկ ահա դրանից մեկ տարի անց արդեն  Նարե Ղազարյանի կյանքում իրավիճակ փոխվեց։ Երբ 2021-ին նա լրագրողների հետ զրուցում էր Գորիս-Կապան միջպետական ճանապարհի վրա արդբեջանական մաքսակետի տեղակայման մասին և արձագանքում իրենց գյուղի շրջափակման լուրերին, համառորեն պնդում էր, որ որևէ խնդիր չկա:

Ինքը՝ Ղազարյանը, մամուլի ներկայացուցիչներին բավական հետաքրքիր պատասխան է տվել՝ նշելով․ «Ես չեմ եղել ո’չ ընդդիմադիր, ո’չ իշխանական։ 2016 թվականին ընտրվել եմ Շիկահողի համայնքի ղեկավար, ապա  նշանակվել վարչական ղեկավար։ Մոտ 5 տարի աշխատել եմ ու այդ տարիներին եղել եմ շիկահողցիների կողքին, իմ գործառույթների սահմանում պաշտպանել նրանց իրավունքները»։ Սակայն, ինչպես երևում է, բարձր պաշտոնի նշանակվելուց հետո Ղազարյանն սկսել է չնկատել իր ղեկավարած մարզի գլխին դամոկլյան սրի պես կախված վտանգը և այժմ չի ցանկանում գնահատականներ հնչեցնել, կամ ավելին՝ ճանապարհներ փակել ի նշան անհամաձայնության՝ իշխանությունների քննադատից ճկուն վերածվելով իշխանությունների սրտի փոխմարզպետի...

Շարունակելի...

Այս թեմայով Մեր բոլոր լուծումները ԵՄ-ում չեն, Հայաստանում են, չպետք է ծայրահեղությունների մեջ ընկնել. Ղազարյան (տեսանյութ) Փաշինյանը տանը երևի ինտերնետ չունի, մենակ հեծանիվ ունի. Էդգար Ղազարյան (տեսանյութ) Պտի իրան «բագաժնիկը» գցեն, ծնկաչոք գա Սրբազանի առաջ ու մեղքերի թողություն խնդրի. Ղազարյան (տեսանյութ) ՔՊ-ն այսօր ժողովրդի պահանջի հետ պետք է հաշվի նստի. Ղազարյան (տեսանյութ) Աճարկուտում ճանապարհի կողքի պատերն են քանդում արդեն. Կարեն Ղազարյան (տեսանյութ) Վահե Ղազարյան, մենք պիտի ԱԳՆ բարձրանանք. էս պատասխանատվության տակ չմտնես. Սրբազան (տեսանյութ) Վահե Ղազարյան, Կաթողիկոսի ու պատգամավորի նկատմամբ արվածը հանցագործություն է, ափսոս եք. Վարդանյան (տեսանյութ) Փրկության կարիք ունեցող փրկարարները ծակ նավակով մարդ են փորձում փրկել. Էդգար Ղազարյան (լուսանկարներ) Վահե՛ Ղազարյան, որպեսզի հրահրումներ չլինեն, ասեք՝ բացեն ճանապարհը, խաղաղ գնանք գյուղ, գանք. Բագրատ Սրբազան (տեսանյութ) «Վահե Ղազարյան, ուշադիր լսեք, ուղիղ ասում եմ՝ հանցագործություն եք անում»․ Բագրատ Սրբազանը խոսք ուղղեց ՆԳ նախարարին