«Ժողովուրդ». Սերգեյ Չիչոյանի դուստրերն աշխատում են դատական համակարգում. ինչ ունեցվածք ունեն նրանք

«Ժողովուրդ» օրաթերթը գրում է. Եզրափակելով Չիչոյանների ընտանիքի մասին պատմող շարքը՝ այս անգամ հերթը Սերգեյ Չիչոյանինն է։ Սերգեյ Չիչոյանը Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավոր է, նաեւ Բարձրագույն դատական խորհրդի անդամ է։

Ինչպես Չիչոյանի եղբայրը՝ Արմեն Չիչոյանը, ինքն էլ պակաս համբավ եւ կարիերա չունի։ Չիչոյանը հայտարարագրել է 4 անշարժ գույք՝ 3 հողամաս եւ 1 անհատական բնակելի տուն։ Հողամասերից մեկը եւ անհատական բնակելի տունը ձեռք է բերել 2015 թվականին. դրանք գտնվում են Երեւանի Դավիթաշեն վարչական շրջանում։ Այդ ժամանակ Չիչոյանը եղել է ՀՀ արդարադատության խորհրդի անդամ։

Մյուս 2 հողամասերը գտնվում են Գեղարքունիքի մարզի Շորժա համայնքում, որոնք ձեռք են բերվել 2007 թվականին, երբ եղել է Գեղարքունիքի մարզի առաջին ատյանի դատարանի նախագահը։ Չիչոյանը 5 անշարժ գույք է հայտարարագրել՝ 1 հողամաս, 1 ավտոտնակ, 1 անհատական բնակելի տուն, 2 հողին ամրակցված անշարժ գույք, որոնք գտնվում են Գավառ համայնքում. դրանք 90 օրից ավելի փաստացի տիրապետում է Չիչոյանը, սակայն սեփականության իրավունքով գույքերը նրան չեն պատկանում։ Ուսումնասիրելուց հասկանում ենք, որ այս գույքը 2022 թվականին Չիչոյանի մայրը՝ Օֆիկ Չիչոյանը, նվիրատվություն է արել Սերգեյ Չիչոյանի որդուն՝ Գոռ Չիչոյանին։ Չիչոյանը սեփական մեքենա չունի, սակայն շահագործում է 2011 թվականի արտադրության, Toyota մակնիշի մեքենա։

Դատավորի բանկային ավանդները կազմել են 6 մլն դրամ, բանկային հաշիվների մնացորդները կազմել են 2 մլն 282 հազար դրամ, կանխիկ դրամական միջոցները կազմել են 6 մլն 500 հազար դրամ։ Դատավոր Չիչոյանի տարեկան եկամուտները կազմել են 32 մլն 275 հազար դրամ, որից 19 մլն 98 հազար դրամը աշխատանքի վարձատրություն է ՀՀ բարձրագույն դատական խորհրդի աշխատակազմ դատական դեպարտամենտից։ Չիչոյանն ունի նաեւ հիփոթեքով բնակարան, որի մայր գումարի մնացորդը հաշվետու տարվա ընթացքում կազմել է 38 մլն 96 հազար դրամ։ Հենց այս բնակարանի հիփոթեքի մայր գումարը մարելու համար Չիչոյանը ՊԵԿ-ից եկամտահարկի վերադարձի սկզբունքով ստացել է 4 մլն 171 հազար դրամ։ Դատավորի եկամուտների մյուս մասը՝ շուրջ 8 մլն դրամը, կազմում են վարկերը։

Վարկերի մարմանն ուղղվել է 8 մլն դրամ, այնքան, որքան կազմում են վարկերի մնացորդները։ Ինչպես հայտնի է, ԲԴԽ նախագահ Ռուբեն Վարդազարյանի լիազորությունների կասեցման համար անհրաժեշտ էր 6 ձայն: 5 ձայն ապահովել էին ԲԴԽ նախագահ Ռուբեն Վարդազարյանի լիազորությունների կասեցման համար իշխող քաղաքական մեծամասնության կողմից ընտված իրավաբան-գիտնականները, իսկ մյուս մեկ ձայնը տվել է դատավոր Սերգեյ Չիչոյանը:

Ստացվում է՝ Չիչոյանի շնորհիվ՝ Գագիկ Ջհանգիրյանը կարողացավ ազատվել Ռուբեն Վարդազարյանից եւ նշանակվել ԲԴԽ նախագահի ժամանակավոր պաշտոնակատար: Պարզվում է, որ Չիչոյանի երկու դուստրերը դատական համակարգում են աշխատում, մասնավորապես՝ դուստրը՝ Լիլիա Չիչոյանը, դատական դեպարտամենտում՝ դատավորների ընդունելության վարչությունում, աշխատում է որպես գլխավոր մասնագետ: Չիչոյանը անգամ հարսին՝ Սոնա Խաչատրյանին է լավ տեղով ապահովել. վերջինս ԲԴԽ անդամ Մեսրոպ Մակյանի օգնականն է»:

Այս թեմայով Պետական համակարգում հավաքում են մարդկանց, սպառնում, որ անգամ բարեկամները չմասնակցեն շարժմանը. Դանիելյան (տեսանյութ) Փաշինյանն է թշնամու բերանի մեջ լեզու դրել, բացել դռները, նրանք էլ օգտվում են. Մանվելյան Սերգեյ Լավրովն ու Իսրայելի ԱԳ նախարարը հեռախոսազրույց են ունեցել Քննիչները հեռացան․ նրանք չառգրավեցին Արցախի նախագահին սպասարկող ծառայողական մեքենան 30 մլն դրամ արժողությամբ նոր բնակարան․ ինչ ունեցվածք ունի ՔՊ քարտուղար Արթուր Հովաննիսյանը․ Armlur Կսահմանվի կիբերհանցագործությունների ցանկ, IP հասցեն կտրամադրվի դատական վերահսկողության շրջանակներում ՀԻՄԱ. Ալեն Սիմոնյանն ընդդեմ Աննա Մկրտչյանի. դատական նիստը շարունակվում է Ադրբեջանն և Թուրքիան ունեն անվերջանալի պահանջներ, որոնք անդադար առաջադրվելու են մեզ ՀԻՄԱ. Ալեն Սիմոնյանը ընդդեմ Աննա Մկրտչյանի դատական նիստը Չեմ ուզում հավատալ, որ դատախազներն ուզում են՝ անմեղ մարդիկ դատվեն. Սերգեյ Ասատուրով (տեսանյութ)