ՀԱՊԿ-ը հրաժարվում է ՀՀ-ում ֆիքսել իր պատասխանատվության գոտին․ Նիկոլ Փաշինյան (տեսանյութ)

ՀԱՊԿ-ն իր ունեցած դե-յուրե պարտադիր պարտավորությունների պատշաճ արձագանք չի տվել Հայաստանի անվտանգային մարտահրավերներին, և դա կրկնվել է մի քանի անգամ։ Ազգային ժողովում կառավարության անդամների հետ հարց ու պատասխանի ժամանակ այս մասին ասաց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Ագնեսա Խամոյանի հարցին, թե ինչո՞ւ է Հայաստանը հրաժարվում մասնակցել ՀԱՊԿ-ի և ԱՊՀ-ի ձևաչափերով տարբեր հանդիպումներին և ի՞նչ է այս ամենը նշանակում. արդյոք ՀԱՊԿ-ից դուրս գալու հող է նախապատրաստվում։

Ի պատասխան այս հարցերին, վարչապետը ասաց, որ Հայաստանը չի հրաժարվում հանդիպումներից, այլ որոշում է կայացվել կոնկրետ այդ միջոցառումներին ներկա չգտնվել տարբեր պատճառներով։

«Ինչ վերաբերվում է այն հարցին, թե արդյոք որևէ բանի համար հող եմ նախապատրաստում՝ ես որևէ բանի համար հող չեմ նախապատրաստում, որովհետև այդ հողը կամ կա, կամ չկա՝ անկախ մեր նախապատրաստելուց։

Դուք հարց տվեցիք նաև, թե ի՞նչ անվտանգության համակարգով ենք աշխատել կամ ապահովել երկրի անվտանգությունը։

ՀԱՊԿ-ում տեղի ունեցող գործընթացների հետ կապված և մեր դիրքորոշումների հետ կապված ամենակարևոր արձանագրումն այն է, որ, ցավոք, ՀԱՊԿ-ը իր ունեցած դե-յուրե պարտադիր պարտավորությունների պատշաճ արձագանք չի տվել Հայաստանի անվտանգային մարտահրավերներին, և դա կրկնվել է մի քանի անգամ։ Մենք ամենայն հարգանքով վերաբերվելով մեր բոլոր գործընկերներին,  ուղղակի արձանագրում ենք, որ նաև մեր հանրության համար էլ հասկանալի չէ, թե ինչու ենք ամեն անգամ գնում նույն բաները կրկնում, նույն բաները ասում՝ չստանալով ոչ մի արձագանք, թողնում հետ վերադառնում։ Հետո հաջորդ անգամ գնում, նույն կերպ հետ վերադառնում՝ չստանալով ոչ մի արձագանք»,- ասաց Փաշինյանը։

Վարչապետը ամենամեծ ֆունդամենտալ խնդիրը համարում է այն, որ դե-յուրե ՀԱՊԿ-ը հրաժարվում է արձանագրել իր պատասխանատվության գոտին Հայաստանի Հանրապետությունում։

«Սա կարող է նշանակել, որ մենք այդ պայմաններում, ուղղակի լուռ մասնակցելով, կարող ենք միանալ այն տրամաբանությանը, որը կասկածի տակ կդնի Հայաստանի տարածքային ամբողջականությունը և ինքնիշխանությունը։ Մենք մեզ նման բան թույլ տալ չենք կարող այն առումով, որ մենք նաև այսպիսի որոշումներ ենք կայացնում, որպեսզի մեզ և ՀԱՊԿ-ին մտածելու ժամանակ տանք հետագա անելիքների մասին»,- նշեց Փաշինյանը։

Նրա խոսքով՝ Հայաստանը չի հրաժարվել, որ ՀԱՊԿ-ը առաքելություն ուղարկի, այլ ցանկացել է, որպեսզի ՀԱՊԿ-ը առաքելությունը ուղարկելուց առաջ հստակ արձանագրի Հայաստանի տարածքային ամբողջականությունը։

«Մեզ ցույց չի տրվել Հայաստանի Հանրապետությունը, մենք ենք ցույց տվել Հայաստանի Հանրապետությունը և ասել ենք, որ այս արձանագրումը պետք է արվի, ինչը ՀԱՊԿ-ը չի արել։ Չենք կարող նման առաքելություն ընդունել, որովհետև կստացվի, որ Հայաստանի Հանրապետության լղոզված պատկերացումը լեգիտիմացնում ենք և այդ պայմաններում նաև Ադրբեջանին ներխուժումներն ենք լեգիտիմացնում»,- ընդգծեց Փաշինյանը։

Նրա խոսքով՝  Հայաստանն իր անվտանգային հարաբերությունները դիվերսիֆիկացնում է, որովհետև անվտանգային ոլորտում իր գործընկերները, այդ թվում՝ օբյեկտիվ պատճառներով, զենք-զինամթերք չեն վաճառում։

«Մենք փնտրում ենք այլ անվտանգային գործընկերներ։ Եվ մենք փնտրում ենք և գտնում ենք այլ անվտանգային գործընկերներին, փորձում ենք կնքել պայմանագրեր, ձեռք բերել ինչ-որ սպառազինություն, ռազմական տեխնիկա։ Դա է մեր քաղաքականությունը։ Իսկ ռազմավարական առումով մեր քաղաքականության փոփոխության մասին չենք պատրաստվում հայտարարել, քանի դեռ չենք որոշել լքել ՀԱՊԿ-ը»,-եզրափակեց Փաշինյանը։

Այս թեմայով Չուլ Նիկոլ, դատարկ փողոցում ո՞ւմ էիր բարև տալիս. չե՞ս ամաչում, որ ապրում ես. Գևորգ Պետրոսյան (տեսանյութ) Մարուքյանը պայմա՞ն է դնում, թե՞ գործարք է առաջարկում Փաշինյան-Սրբազան բանակցության համար (տեսանյութ) Վահե Ղազարյան, մենք պիտի ԱԳՆ բարձրանանք. էս պատասխանատվության տակ չմտնես. Սրբազան (տեսանյութ) Հայաստանը չի մասնակցում Ալմաթիում ընթացող ՀԱՊԿ պաշտպանության նախարարների հանդիպմանը Նիկոլ Փաշինյանը Սփյուռքի գործերի հանձնակատարներ է նշանակել Ծնողները երեխաներին տանում են մանկատուն, բայց պաշտոնապես չեն հրաժարվում, որդեգրման խնդիր է լինում. Մանասյան (տեսանյութ) Այս ջրհեղեղի հետևանքով նոր պետք է անդրադառնանք ճանապարհաշինական ստանդարտներին. Փաշինյան (տեսանյութ) Կղերաֆեոդալական համակարգը բունտ է անում հիմա. Փաշինյան (տեսանյութ) Սահմանազատված հատվածներում ապահովված է անվտանգության հնարավոր ամենաբարձր երաշխիքը. Փաշինյան (տեսանյութ) Եթե հարկ լինի` Կիրանցում նոր դպրոց կկառուցենք, ծնողների հետ կքննարկենք անվտանգության հարցը․ Փաշինյան (տեսանյութ)