Ուր են և ինչու են լռում Հայաստանի խոշոր գործարարներն ու պաշտոնյաները. Զավեն Մանուկյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք ընդամենը վերջերս Շիրակի մարզի Ախուրյան համայնքի ղեկավար ընտրված Զավեն Մանուկյանին: Թեև 2021-ի ընտրությունների արդյունքում իշխանական կուսակցությունն ամենամեծ թվով ձայներն էր հավաքել, այդուհանդերձ դա բավարար չէր համայնքի ղեկավար ընտրելու համար և ի վերջո «Ախուրյան» և «Հաղթանակ» դաշինքները միավորվելով համայնքապետ էին ընտրել իրենց թեկնածու Արծրուն Իգիթյանին։ «Քաղաքացիական պայմանագրի» համայնքապետի թեկնածու Ալբերտ Այվազյանն «Ազատությանն» ավելի վաղ ասել էր՝ երբ իրենց 49 տոկոս ձայն հավաքած թիմը ունենա պակասող մեկ մանդատը՝ իրենք կվերցնեն իշխանությունն։ Շաբաթներ առաջ ընդդիմադիր «Ախուրյան» դաշինքի անդամներից մեկը վայր է դրել մանդատը, իսկ նրան փոխարինած Արիստակես Չալոյանը դուրս է եկել ընդդիմադիր թիմից ու միացել «Քաղաքացիական պայմանագրին»: Արդյունքում ՔՊ-ն համայնքի ղեկավարի պաշտոնում առաջադրեց համայնքի բժշկական կենտրոնի ղեկավար Մանուկյանին;

Վերջինս մինչ հեղափոխությունը որևէ առնչությունը ՔՊ-ի և առհասարական քաղաքականության հետ չի ունեցել: Ահա նրա կենսագրական տվյալներից որոշ դրվագներ: 2007-2008թթ. համալսարանական թիվ 1 կլինիկական հիվանդանոցում մասնագիտացել է ինտերնատուրայում՝ ստանալով ընդհանուր գործունեության բժշկի որակավորում: 2008 թվականին նշանակվել է ՀՀ ՊՆ N զորամասի /ք. Գորիս/ բուժկետի բժիշկ: 2009 թվականին նշանակվել է ՀՀ ՊՆ N զորամասի /ք. Գյումրի/ բուժ. ծառայության պետ: 2018 թվականին զորացրվել և անցել է ՀՀ զինված ուժերի պահեստազոր: 2018 թվականի նոյեմբերից նշանակվել է «Ախուրյանի բժշկական կենտրոն» ՓԲԸ-ի տնօրեն: Բժշկական ծառայության կապիտան: Պարգևատրվել է բազմաթիվ պատվոգրերով և շնորհակալագրերով, «ՀՀ զինված ուժեր 20 տարի» հոբելյանական մեդալով, «Ամբասիր ծառայության համար» մեդալով, «Ծովակալ Հ. Ս. Իսակով» մեդալով:

Ահա այսքան պատվոգրեր ունեցող անձը փաստացի համաձայնել է դառնալ մի քաղաքական թիմի մաս, որի վարած քաղաքականության արդյունքում կորցրել ենք Արցախը և անվտանգային լուրջ խնդիրներ են ի հայտ եկել արդեն ՀՀ–ի համար: Ի՞նչն է ստիպել Զավեն Մանուկյանին գնալ այս քայլին՝ կարելի է միայն կռահել, սակայն անհասկանալի է, թե ինչն է խանգարում նրան՝ մարդուն, ով իր կյանքը նվիրել է կյանքեր փրկելուն, ով անբասիր վարքով է աչքի ընկել զինվորական ծառայության ընթացքում, այսօր քաղաքացիական դիրքորոշում հայտնել հայրենիքի առջև ծառացած մարտահրավերների մասով: Չենք ուզում հավատալ, որ վերջինս կաշկանդված է իր պաշտոնով, քանի որ հենց ՔՊ-ում բազմիցս հայտարարել են, որ իրենք ժողովրդավար են և բազմակարծությունը ողջունելի է:

Շարունակելի...

Այս թեմայով «Վայոց Ձորի քննչական վարչությունում պատանդ են պահում քաղաքացիներին, այդ թվում՝ կանանց»․ Մանուկյան Բերետավորները ճանկել են քաղաքացիներին ու քացով հարվածելով, 30 մետր քարշ տալով՝ տարել են․ Մանուկյան Լսեցի՞ք, ՊՊԾ մայորն ասաց՝ ԱԺ ընդդիմադիր պատգամավորները կարող են ԱԺ մտնել միայն Բաղրամյանի մուտքից․ Գեղամ Մանուկյան (տեսանյութ) Այս օրենքով ՀՀ բոլոր քաղաքացիները կգտնվեն ոստիկանության թիրախում. Գեղամ Մանուկյան (տեսանյութ) Գեներալական կոչում է տրվել մի ծառայության պետի, որի պաշտոնը բարձրագույն սպայական չէ. Մանուկյան (տեսանյութ) 15 միլիարդ դրամ է հատկացվել Ոստիկանությանը՝ Փաշինյանի անվտանգությունն ապահովելու համար. Մանուկյան (տեսանյութ) Փաշինյանի «սարդարապատյան» փախուստն ու փրկության զուր «ճիգերը». Մանուկյան ՀՀ ԶՈՒ սպաներ և ավագ սպաներ, ձեզ արժեզրկում ու ստորացնում են, այս ամենը նո՞ր էիք տեսնում․ Մանուկյան Ոստիկանական բռնությունը չի կարող կանգնեցնել մեր պայքարը. Գեղամ Մանուկյան (տեսանյութ) Նիկոլ Փաշինյանի արածը եթե կյանքի կոչվի, այդ դեպքում պատերազմի սպառնալիք կլինի. Գեղամ Մանուկյան