«Խաղալու ենք աշխարհի լավագույն հավաքականներից մեկի հետ». Պետրակով

ՈՒԵՖԱ Եվրո-2024-ի որակավորման խմբային փուլի վերջին տուրի Խորվաթիա - Հայաստան հանդիպմանն ընդառաջ՝ նոյեմբերի 20-ին կայացավ Հայաստանի ազգային հավաքականի գլխավոր մարզիչ Ալեքսանդր Պետրակովի և թիմի կիսապաշտպան Էդուարդ Սպերցյանի նախախաղային մամուլի ասուլիսը, հայտնում է ՀՖՖ–ն:

(հարցեր Էդուարդ Սպերցյանին)

-Քո կարծիքը մրցակցի ու վաղվա խաղի մասին։
-Մենք խաղալու ենք ուժեղ հավաքականի հետ։ Դա նշանակում է, որ որ հետաքրքիր խաղ է սպասվում։ Տեսնենք, թե որքանով ենք պատրաստ այդ հանդիպմանը։ Այնպես որ թիմն անհամբեր սպասում է այդ խաղին։

(հարցեր Ալեքսանդր Պետրակովին)

-Ի՞նչ եք սպասում վաղվա խաղից։
-Ես ակնկալում եմ լավ խաղ։

-Դուք այլևս չեք կարող որակավորվել ԵՎՐՈ 2024, արդյո՞ք ունեք մոտիվացիա վաղվա խաղում, թե՞ դիմակայությանը կարևորություն չեք տալիս։
-Մի քիչ տարօրինակ հարց է։ Ինչպե՞ս կարող է որակավորման փուլի հանդիպումն ազգային հավաքականի կազմում չլինել բավարար մոտիվացիա։ Մենք խաղում ենք աշխարհի լավագույն ընտրանիներից մեկի հետ։ Տղաներն անհամբեր սպասում են, ես էլ սպասում եմ վաղվա խաղին, ու մենք պատրաստ ենք ցույց տալ մեր լավագույն որակները վաղվա հանդիպման ընթացքում։

-Հնարավորություն կտա՞ք նաև ավելի քիչ խաղաժամանակ ստացող ֆուտբոլիստներին, անեք փորձարկումներ՝ ապագայում հասկանալու համար, թե ինչ սպասել կազմի մյուս ֆուտբոլիստներից։  
-Մարզչական շտաբի հետ մենք որոշում կկայացնենք մարզումներից հետո։ Շատ քիչ է անցել բարդ հանդիպումից: Կնայենք GPS սարքավորումների տվյալները և դրանից հետո արդեն վերջնական որոշումները կկայացնենք։

Այս թեմայով Արդյունքը բացասական է, նշանակում է ես, որպես գլխավոր մարզիչ, թերի եմ աշխատել. Պետրակով Թիմը վերականգնվել է, պատրաստ է վաղվա խաղին. Պետրակով (տեսանյութ) Այս պահին չկա որակապես այնպիսի ֆուտբոլիստ, որ կուժեղացնի մեր հավաքականը․ Պետրակով Պետրակովը հրապարակել է Հայաստանի ազգային հավաքական հրավիրված ֆուտբոլիստների ցանկը Ըստ իս, մեր խմբում ֆավորիտը Հյուսիսային Մակեդոնիան է․ Պետրակով Պետրակովը հաշվետվություն է ներկայացրել Չեմ ընդունում, երբ ասում են՝ բախտը չբերեց․ Պետրակովը մեկնաբանել է Հայաստան-Ուելս խաղը Ալեքսանդր Պետրակովի հետխաղային ասուլիսը (տեսանյութ) Ունենք հնարավորություն պայքարելու Եվրոպայի առաջնության ուղեգիր ձեռք բերելու համար․ Պետրակով Հույս ունեմ, որ մեր ֆուտբոլիստները հասկանում են նոյեմբերի 18-ի հանդիպման նշանակությունը. Պետրակով