ՀՀ–ն հնարավորություն կունենա տեղեկություններ փոխանցել և ստանալ այլ երկրներից կրիպտոակտիվների վերաբերյալ․ Բադասյան

ՀՀ ՊԵԿ նախագահ Ռուստամ Բադասյանը նոյեմբերի 29-ից դեկտեմբերի 1-ը մասնակցում է Պորտուգալիայի մայրաքաղաքում անցկացվող Տնտեսական համագործակցության զարգացման կազմակերպության (ՏՀԶԿ) Հարկման նպատակով թափանցիկության և տեղեկությունների փոխանակման Գլոբալ ֆորումի տարեկան ժողովին։ Այդ մասին Ռուստամ Բադասյանը հայտնել է ֆեյսբուքյան իր էջում։

«ԱՄՆ, Իսպանիայի և Կայմանյան կղզիների գործընկերներիս հետ մասնակցել եմ կրիպտոակտիվների վերաբերյալ տեղեկությունների փոխանակման մասին պանելային քննարկմանը և հանդես եկել որպես զեկուցող՝ վերահաստատելով «Կրիպտոակտիվների հաշվետվողականության շրջանակ» (CARF) նախաձեռնությանը միանալու Հայաստանի հարկային մարմնի տեսլականը։

Ելույթի ժամանակ կարևորել եմ CARF ստանդարտի առավելությունները և ակնկալվող արդյունքները՝ կոչ անելով Գլոբալ ֆորումի մյուս անդամներին ակտիվորեն միանալ ստանդարտի ներդրման հանձնառությանը։ Վերջինիս շրջանակներում Հայաստանի Հանրապետությունը հնարավորություն կունենա տեղեկություններ փոխանցել և ստանալ այլ երկրներից նաև կրիպտոակտիվների վերաբերյալ։

ՏՀԶԿ Գլոբալ ֆորումի տարեկան ժողովի շրջանակում քննարկվել են հարցումների հիման վրա տեղեկությունների փոխանակման, ֆինանսական հաշիվների ավտոմատ փոխանակման, ինչպես նաև կրիպտոակտիվների մասին տեղեկությունների փոխանակման վերաբերյալ թեմաներ։

Քննարկված թեմաների շրջանակում Հայաստանն առաջիններից է, ով արտահայտել է իր պատրաստակամությունը աշխատանքների մասնակցության վերաբերյալ։

Հայաստանի Հանրապետությունը արդեն իսկ միացել է ֆինանսական հաշիվների ավտոմատ փոխանակման համակարգին, որի շրջանակներում առաջին փոխանակումը տեղի կունենա 2025 թվականին: Սա նշանակում է, որ այդ ժամանակահատվածից սկսած հարկային մարմինը կստանա տեղեկություններ Հայաստանի Հանրապետության ռեզիդենտների՝ արտասահմանյան ֆինանսական կազմակերպություններում ունեցած հաշիվների վերաբերյալ»,- գրել է նա։

Այս թեմայով Շուրջ 2600 եզդի կանայք դեռ գերության մեջ են, ցեղասպանությունը շարունակվում է. Ռուստամ Բաքոյան Հայաստանը գնում է ժողովրդավարության ճանապարհով. Ռուստամ Բաքոյան «Ժողովուրդ». Էդգար Ղազարյանը դատարանում հաղթել է Ռուստամ Բաքոյանին. վերջինս ներողություն կխնդրի և կվճարի 1 մլն դրամ Քաղաքացին, հարկ վճարելով, փողը աջ գրպանից ձախ գրպան է տեղափոխում, չպետք է ափսոսա. Բադասյան Առևտրի օբյեկտները տեսախցիկ կունենան հսկիչ դրամարկղային մեքենաների համար. Բադասյան Սոցցանցերում գովազդ անողների նկատմամբ վարչարարություն կկիրառվի, եթե նրանք հարկեր չվճարեն. Բադասյան Նախատեսում եմ օրենսդրական փոփոխությունների գործընթաց սկսել ամուսնության տարիքային շեմը բարձրացնելու նպատակով․ Բաքոյան Ռուստամ Բադասյանն ընտրվել է ՏՀԶԿ-ի Ասիայի նախաձեռնության համանախագահ Հաշվարկում են, թե ինչ եկամուտ կբերի Մարգարայի կամրջի բացումը, բայց հստակ ասել հնարավոր չէ. Բադասյան Ռուստամ Բաքոյանը գերեվարված Վագիֆ Խաչատրյանի գործով գրություններ է ուղարկել միջազգային գործընկերներին