Երկու դրվագ Արմավիրի պարեկների հակաթմրամոլային պայքարից

Դեկտեմբերի 13-ին Արմավիրի մարզի պարեկները ծառայություն էին իրականացնում Մուսալեռ գյուղում, երբ մոտեցան կայանված «ԲՄՎ» մակնիշի մի մեքենայի: Վարորդը դրսևորում էր կասկածելի վարքագիծ, և թմրանյութ ու զենք պահելու վերաբերյալ կասկածանքով պարեկները մեքենան ու վարորդին տեղափոխեցին ոստիկանության Վաղարշապատի բաժին: Այստեղ վարորդը հայտնեց, որ կասկածները ճիշտ են:

Վաղարշապատի քննչական բաժնում նախաձեռնվեց քրեական վարույթ, որի շրջանակում էլ դեկտեմբերի 15-ին մեքենան խուզարկվեց: Հայտնաբերվեց օդաճնշիչ ատրճանակ, որի համար մուսալեռցի 29-ամյա վարորդը թույլտվություն չուներ, նաև՝ մարիխուանային նմանվող 15 գրամ զանգվածով ապակյա տարա ու կաթուցիչ: Վարորդը հայտնեց, որ կանեփն ինքը քաղել է վայրաճ թփերից և պատրաստել թմրանյութ` անձամբ օգտագործելու համար:

Էջմիածնում ծառայություն իրականացնող Արմավիրի մարզի պարեկները դեկտեմբերի 15-ի երեկոյան Հունան Ավետիսյան փողոցում ստուգման նպատակով կանգնեցրել են «Լադա» մակնիշի մի մեքենա: Վարորդը դրսևորել է կասկածելի վարքագիծ, իսկ բեռնախցիկում պարեկները նկատել են ծխախոտի տուփ: Կասկածը, որ մեքենայում թմրանյութ կա, հաստատվեց վարորդին ձերբակալելուց և ոստիկանության Վաղարշապատի բաժին տեղափոխելուց հետո: Բացատրական աշխատանքից հետո Էջմիածնի 32-ամյա բնակիչ վարորդը ներկայացրեց ծխախոտի տուփը և մարիխուանայի նմանվող զանգվածով փաթեթ՝ հայտնելով, որ թմրանյութն իրենն է` անձնական օգտագործման համար:

Մեքենան տեղափոխվել է բաժնի պահպանվող հատուկ տարածք, իսկ կազմված փաստաթղթերն ուղարկվել են Վաղարշապատի քննչական բաժին:
Երկու դեպքով էլ հանգամանքները պարզվում են:

Այս թեմայով Ադրբեջանում կայծակի հարվածից երկու սահմանապահ է մահացել Ռուսաստանն երկու տարով հեռացվել է Շախմատի միջազգային ֆեդերացիայից Հայկական մրգերի արտահանումը Ռուսաստան ավելացել է առնվազն երկու անգամ. ՍԱՏՄ «Անցեք դուրս», «Ժողովրդի ճամփան ա, կուզենք՝ կփակենք». ընդհարում՝ պարեկների ու նորատուսցիների միջև (տեսանյութ) Կալանավորվել են Սրբազան Շարժման երկու մասնակից Իշխանությունը որպես մարդկանց բերանները փակելու և պայքարից հետ կանգնեցնելու միջոց ընտրել է ծեծն ու ազատազրկումը. Տիգրան Աբրահամյան Կիրանցի երկու բնակչի վերջնաժամկետ է տրվել. նրանց սեփականությունը հանձնում են Ադրբեջանին Արմավիրի մարզպետը «ՔՊ»-ին շնորհակալություն է հայտնել Գյուլնազարյանին Փարաքարի ղեկավար ընտրելու համար Որպես ԱԺ նախագահ՝ ես իմ լիարժեք պատրաստակամությունն եմ հայտնում էլ ավելի խթանելու երկու երկրների կապերը՝ ի շահ մեր ժողովուրդների․ Սիմոնյանը՝ Սլովենիայի ԱԺ նախագահին Պորտուգալիայում ավիաշոուի ժամանակ երկու ինքնաթիռ է բախվել․ իսպանացի օդաչուն զոհվել է