Փաշինյանի 2 սցենարները 2024-ի համար՝ իշխանության փոխանցում կամ վերարտադրություն

Հայաստանում ստեղծված լարված ներքաղաքական իրավիճակի ֆոնին Նիկոլ Փաշինյանի և նրա թիմի ապագայի հետ կապված երկու հնարավոր սցենարներ են քննարկվում, որոնք կարող են կյանքի կոչվել 2024 թվականին: 

Այդ սցենարներից առաջինն արտահերթ խորհրդարանական ընտրությունների թեման է, որը վերջին շրջանում դաշտ է նետվել հենց իշխանական լրատվամիջոցների կողմից և ակտիվորեն քննարկվում է: Շատերի կարծիքով՝ արտահերթ խորհրդարանական ընտրությունների միջոցով Նիկոլ Փաշինյանը որոշել է միանգամից մի քանի հարց լուծել. նախ՝ չնայած առկա մեծ դժգոհություններին՝ նա եւս մեկ անգամ կլեգիտիմացնի, կերկարաձգի իր իշխանությունը, ինչպես նաեւ խորհրդարան կբերի ՔՊ-ի սատելիտ քաղաքական ուժերին, որոնք ավելորդ խոչընդոտներ չեն ստեղծի իր համար: Եթե Փաշինյանը ցանկանում է խաղաղության պայմանագիր կնքել՝ դե-յուրե նվիրելով Արցախն Ադրբեջանին, կամ եթե ցանկանում է արտաքին քաղաքական վեկտոր փոխել, ապա նրան անհրաժեշտ է նախ և առաջ փոխել խորհրդարանի խճանկարը: Փաշինյանի՝ արտահերթ ընտրությունների գնալու մտադրությունը հաստատում է նաեւ այն, որ վերջին շրջանում նա հաճախակի է հանդիպում կուսակցության վարչության, ինչպես նաեւ մարզային ակտիվի հետ, որպեսզի, նախ տրամադրություններ ստուգի, բացի սա, քննարկի արտահերթ ընտրությունների գնալու հարցը: Մեկ այլ ցուցիչ էլ կարելի է համարել ընդդիմադիր համայնքապետերի դեմ ՔՊ-ականների ծավալած արշավը․ վերջիններիս փորձում են չեզոքացնել, խլել նրանցից իշխանությունը՝ ամրապնդելով ՔՊ դիրքերը նաև մարզերում: Անշուշտ, այս սցենարի քավորը Արևմուտքն է՝ մասնավորապես ԱՄՆ-ն և Մեծ Բրիտանիան, որոնց օգնությամբ էլ Փաշինյանը փորձելու է վերարտադրել իր իշխանությունը, չնայած հանրության լայն շրջանակների մոտ նրա թիմի հանդեպ առկա բացահայտ դժգոհության, եթե չասենք՝ ատելության: Այս սցենարը, սակայն, մի շարք ռիսկեր է պարունակում, քանի որ կարող է ստեղծվել անկանխատեսելի իրավիճակ, որի դեպքում Փաշինյանը պարզապես չի կարողանա պահպանել իշխանությունը, ինչպես դա եղավ Սերժ Սարգսյանի դեպքում, ով, հիշեցնենք, ընտրվելով ՀՀ վարչապետի պաշտոնում՝ օրեր անց ստիպված հրաժարական տվեց:

Մյուս սցենարն էլ կազմված է հենց վերը նշված բացասական հանրային տրամադրությունները հաշվի առնելով:  Ըստ դրա՝ եթե ՔՊ-ականները հասկանան, որ առկա իրավիճակում իշխանությունը պահպանելը դառնում է այլևս անհնարին, ապա Փաշինյանը կգնա ուշագրավ քայլի՝ փոխվարչապետի պաշտոնում նշանակելով Արևմուտքի վստահությունը վայելող թիմակցի՝ փաստացի իշխանությունը փոխանցելով հենց նրան: Այս սցենարի քավորը, ինչպես հասկացաք, կրկին Արևմուտքն է, որն էլ Փաշինյանին անձնական անվտանգության երաշխիքներ է խոստանում՝ ընդհուպ մինչև ապաստարանի տրամադրում: Հիշեցնենք, որ մամուլում առկա բազմաթիվ հրապարակումների համաձայն՝ Նիկոլ Փաշինյանը, ով անձնական լավ հարաբերություններ ունի Կանադայի վարչապետ Ջասթին Թրյուդոի հետ, դեռ մեկ տարի առաջ էր այդ երկրում անշարժ գույք ձեռք բերել: Ավելին՝ համացանցում պտտվում էր նաև  Նիկոլ Փաշինյանի «կանադական անձնագրի» լուսանկարը, որին կից օգտատերերը գրում էին, թե նա շուտով պատրաստվում է փախուստի դիմել։ Ինչպես տեսնում ենք, եթե կյանքի կոչվի Արևմուտքի կողմից մշակված երկրորդ սցենարը, ապա հենց այդպես էլ, ամենայն հավանականությամբ, Փաշինյանը կվարվի:

Թե որ սցենարը ի վերջո կյանքի կկոչվի 2024-ին՝ ցույց կտա ժամանակը, սակայն մի բան ակնհայտ է՝ Փաշինյանի և նրա թիմի համար մանևրելու հնարավորությունները գնալով սպառվում են:

Այս թեմայով Հունիսի 12-ի կատարվածի գլխավոր պատասխանատուն Նիկոլ Փաշինյանի վարչախումբն է. ՀԱԿ Եթե Նիկոլ Փաշինյանը լիներ փողոցում, մահեր էին լինելու, ինչպես դա եղել է 2008-ի Մարտի 1-ին. Մինասյան (տեսանյութ) Ասում են՝ մի տեղից ջուրը 10 կգ ոսկի է քշել տարել, դա մեր գործը չի, բանաձևերով առաջնորդվեք. Փաշինյան (տեսանյութ) Քանի որ մեր տեղեկություններն ավելի գաղտնի են, քան մյուսներինը, դեռ թուղթ ենք օգտագործում. Փաշինյան (տեսանյութ) ՀՅԴ-ն արձանագրում է՝ տեղի ունեցածի անվերապահ մեղավորն ու պատասխանատուն Նիկոլ Փաշինյանն է Եթե 2018-ին լեզուս պտտվեր՝ ասեի ԼՂ-ն Ադրբեջանի կազմում է, ինձ ոչ մեկ չէր թողնի, որ շարունակեի․ Փաշինյան (տեսանյութ) Լևոն Տեր-Պետրոսյանը կղերաֆեոդալական խաբեության մաս է կազմել. Փաշինյան (տեսանյութ) ՀՀ-ի կղեաֆիոդալական էլիտան ԼՂ հարցում ժողովրդին խաբել է, որ իշխանությունը զավթի. Փաշինյան (տեսանյութ) Հաջորդ քայլը լինելու է ՀԱՊԿ-ից դուրս գալը. Փաշինյան (տեսանյութ) Ոստիկանությունը երեկ պրոֆեսիոնալ էր ու իրավաչափ, նրանք պաշտպանում էին ԱԺ-ն․ Փաշինյան (տեսանյութ)