Պուտինը հրամանագիր է ստորագրել օտարերկրյա պայմանագրային զինծառայողներին քաղաքացիություն տալու մասին
ՌուսաստանՌԴ նախագահ Վլադիմիր Պուտինը հրամանագիր է ստորագրել Զինված ուժերում և այլ զորամասերում զինվորական ծառայության պայմանագիր կնքած օտարերկրացիներին, ինչպես նաև նրանց ընտանիքների անդամներին ՌԴ քաղաքացիություն տալու մասին։ Համապատասխան փաստաթուղթը հրապարակվել է իրավական ակտերի պաշտոնական պորտալում։
Խոսքն այն օտարերկրացիների մասին է, ովքեր պայմանագրեր են կնքել Ուկրաինայում ռազմական գործողությունների սկսվելուց հետո։ Բացի այդ, Ռուսաստանի քաղաքացիություն ստանալու հնարավորություն կունենան այս ժամանակահատվածում ՌԴ ԶՈՒ-ից թոշակի անցած օտարերկրյա քաղաքացիները, ինչպես նաև նրանց կանայք ու երեխաները, նշվում է փաստաթղթում։
Քաղաքացիություն ստանալու համար օտարերկրացիներին անհրաժեշտ կլինեն անձնագրերի և պայմանագրերի պատճեններ: Ներքին գործերի նախարարության ցանկացած տարածքային մարմին հնարավոր կլինի դիմում ներկայացնել։
Դեկտեմբերի կեսերին Պուտինը հայտարարել էր, որ Ռուսաստանի իշխանությունները կողջունեն օրինապաշտ օտարերկրացիներին, ովքեր ցանկանում են տեղափոխվել երկիր: Միաժամանակ, նա ընդգծել է, որ այդ նպատակին հասնելու համար անհրաժեշտ է կատարել մի շարք պայմաններ և ստանալ Ռուսաստանի քաղաքացիություն։