Սևանում իրականացվող ուժեղացված միջոցառումների շրջանում առգրավվել է 623 կգ սիգ

Սիգի ձվադրման ժամանակահատվածով պայմանավորված հսկողության ուժեղացված միջոցառումները Սևանա լճում կշարունակվեն մինչև 2024 թվականի հունվարի 20-ը։ 2023 թվականի նոյեմբերի կեսից մինչև 2024 թվականի հունվարի 20-ը սիգի որսն արգելված է։ Ուժեղացված աշխատանքներում ներգրավված են ՀՀ բնապահպանության և ընդերքի տեսչական մարմինը, ՀՀ ոստիկանությունը, «Սևան» ազգային պարկը, Գեղարքունիքի մարզպետարանը, Երևանի քաղաքապետարանը։ Ուշադրության կենտրոնում  սիգի որսն է, լճից դուրս են բերվում ապօրինի որսագործիքներ։  

ՀՀ բնապահպանության և ընդերքի տեսչական մարմնի ղեկավար Հովհաննես Մարտիրոսյանը տեղեկացրեց, որ դեկտեմբերի 15-ից իրականացվող ուժեղացված միջոցառումների շրջանում առգրավվել է 623 կգ սիգ տեսակի ձուկ, Սևանա լճից հանվել է 181 ձկնորսական ցանց, 13 խեցգետնաորսիչ, 20 միավոր լողամիջոց։

«Խստացված միջոցառումները շարունակվում են, մեր անձնակազմը բավականին մեծ ներգրավվածություն ունի այդ աշխատանքներում։ Ըստ էության դժվարություններ չկան, պարզապես չենք թողնում ձկան որս այս փուլում։ Առաջին հայացքից տպավորություն է, որ պետությունն ուզում է ինչ-որ բան արգելել, սակայն նշված ավազանում ձկնորսությամբ զբաղվող ձկնորսների շահերից է բխում այս միջոցառումը, նշված ժամանակում որս չիրականացնելը։ Եթե հիմա չարգելենք, ապա հաջորդ տարի ձկան այն քանակությունը չի լինի, որ ձկնորսները հնարավորություն ունենան շարունակել իրենց գործունեությունը»,-ասաց Հովհաննես Մարտիրոսյանը։

2020 թվականից ձկնորսները հնարավորություն են ստացել ձկնորսությամբ զբաղվել օրինական ճանապարհով։

Այս թեմայով ՀՀ նախագահը և ԱԳ նախարարը քննարկել են արտաքին քաղաքական մարտահրավերների չեզոքացման ուղղությամբ իրականացվող քայլերը ՊԵԿ-ը ներկայացրել է մայիսի 1-ից 31-ն իրականացված համալիր օպերատիվ-հետախուզական միջոցառումների արդյունքները Անահիտ Մնացականյանին ծննդյան առթիվ ծնողներն էին նվեր արել, որ Սևանում հանգստանար Սևանում ջրասուզակները հայտնաբերել են ջրահեղձ եղած կոմպոզիտոր Անահիտ Մնացականյանի դին Ոստիկանության լկտի պահվածքը վկայում է պետական մակարդակով իրականացվող ահաբեկչության մասին․ ՀՅԴ Աղետի գոտիներում իրականացվող աշխատանքներում կա կամավորների ներգրավման անհրաժեշտություն. ԱՍՀՆ Ճանապարհը փակած երիտասարդը գլխի շրջանում վնասվածք է ստացել Սանոսյանը մանրամասներ է ներկայացրել հեղեղումների գոտուց (տեսանյութ) Արարատ Միրզոյանը և Ժոզեպ Բորելը մտքեր են փոխանակել տարածաշրջանային հարցերի շուրջ Եկեղեցին հստակ կեցվածք ունի՝ անկախ իր դեմ իրականացվող անհասկանալի հալածանքներից․ Սրբազան (տեսանյութ)