Լուսինե Ղարախանյանը նշանակվել է Թումանյանի տուն-թանգարանի տնօրենի պաշտոնակատար

Լուսինե Ղարախանյանն այսօր նշանակվել է Երևանի Հովհաննես Թումանյանի տուն-թանգարանի տնօրենի ժամանակավոր պաշտոնակատար։ Այդ մասին ասված է նրա Ֆեյսբուքի էջում:

«Գրականություն, իմաստասիրություն, արվեստագիտություն, մարդաբանություն կրող և փոխանցող Թումանյան։ Մանկության և պատանեկության տարիներին նա ինձ համար բարու ուղենիշ ու խորհրդանիշ էր։ Երիտասարդության տարիներին «կտրվեցի» նրանից։ Մտերմացել էի արևմտյան գրողներին ու ստեղծագործություններին։ 

Այսօր Թումանյանին մոտ գտնվելու, Թումանյան քարոզելու, Թումանյան կրելու, Թումանյանին նմանվելու և Թումանյանից դասեր քաղելու արժանապատիվ պայմաններ են ստեղծվել։ Բարեշրջության, խորքային մարդասիրության, ժողովուրդների հոգեբանությունն ու մարդկային իդեալը բացառապես հոգևոր մտակարգում դիտարկող Թումանյանի մեջ կսփոփեմ նաև Արցախի` իմ ցավը։ 

Անհունը կամրջող, համընդհանուր պատճառականությունից ու պայմանականություններից զերծ թումանյանականության մեջ կզգամ գեղեցիկի, բարու և ճշմարիտի հավաքական ներուժը, իսկ բանահյուսական կառուցակերտ ստեղծագործություններում և մշակումներում կնորոգեմ հավատս «ժողովուրդների ազնվացման», «բարոյական մեծության», «կատարելության սահմանի» և թումանյանական այլ արժեքների նկատմամբ։

Թումանյանի հետ հեշտ կլինի մանկություն վերադառնալն ու այն վերաարժևորելը, ցավի հետ ապրելն ու այն իմաստավորելը, կորցրածի հետ չհաշտվելն ու չհրաժարվելը...

Գործել Թումանյանի թելադրանքով Թումանյանին լավագույնս ճանաչող, Ամենայն Հայոց բանաստեղծի ֆենոմենը սերունդներին փոխանցող թանգարանի կոլեկտիվի և ոլորտը համակարգող կառույցի հետ։

 Շնորհակալ եմ Ժաննա Անդրեասյանին առաջարկի համար»,- գրել է Լուսինե Ղարախանյանը։

Այս թեմայով Սալիվանն ու Քըլըչ նշել են Բաքվի և Երևանի միջև խաղաղության համաձայնագրի կարևորությունը. Սպիտակ տուն Մարիամ Գևորգյանը նշանակվել է Ուրուգվայի Արևելյան Հանրապետությունում Հայաստանի դեսպան Պետության աջակցությամբ սահմանամերձ համայնքներում կառուցվում է 1100 տուն. նախարար Ջրահեղձ եղած կոմպոզիտորի մահվան հանգամանքները պարզելու նպատակով նշանակվել է դիակի դատաբժշկական փորձաքննություն․ Գոռ Աբրահամյան Ոստիկաննե'ր, որ տուն եք գնում, ձեզ հարցնու՞մ են՝ ինչ արեցիք, էդ մարդիկ վայրենի՞ էին. Սրբազան (տեսանյութ) Խափանման միջոցը փոխելու միջնորդության քննության համար հրատապ նիստ է նշանակվել Ռաֆայել Գևորգյանը նշանակվել է ՊԵԿ նախագահի տեղակալ Էկոնոմիկայի նախկին փոխնախարարը նշանակվել է ՊԵԿ փոխնախագահ Էն վախկոտը հրահանգել է ժողովրդին ծեծելով տուն ուղարկել. մեզ նման տեղեկություններ են հասել. Սրբազան (տեսանյութ) Արգավանդում 3 հոգով մտել են տուն, կապկպել տանտիրոջը, դանակի և ատրճանակի գործադրմամբ պահանջել գումար և ոսկյա զարդեր