350 ընտանիք բնակապահովության պետական աջակցության ծրագրի շահառու է սահմանամերձ գյուղական բնակավայրերում

Շարունակվում է սահմանամերձ գյուղական բնակավայրերում բնակապահովության պետական աջակցության ծրագիրը: Ինչպես տեղեկացնում է Աշխատանքի և սոցիալական հարցերի նախարարությունը, այս պահի դրությամբ ծրագրի շահառու է 350 ընտանիք, որից 180-ն արդեն վարկավորվել են։

Միջոցառման շրջանակում քաղաքացիները հնարավորություն ունեն հիփոթեքային վարկավորմամբ կառուցել իրենց տունը սահմանամերձ գյուղական բնակավայրում՝ պետության աջակցությամբ՝ 16 մլն դրամի շրջանակում։

Ծրագրի շահառու դառնալու համար անհրաժեշտ է բավարարել հետևյալ հիմնական պայմաններին.

ամուսինները պետք է գրանցված ամուսնություն ունենան Քաղաքացիական կացության ակտերի գրանցման գործակալությունում,

 ամուսիններից առնվազն մեկը պետք է ունենա Հայաստանի Հանրապետության քաղաքացիություն։

Միջոցառման շրջանակում տարիքային սահմանափակում նախատեսված չէ, երեխա ունենալու հանգամանքը ևս պարտադիր պայման չէ։ 

Այսպիսով, քաղաքացիները կարող են միջոցառման շահառու դառնալ, եթե ունեն՝

սեփականության իրավունքով իրենց պատկանող հող կամ կիսակառույց շինություն՝ սահմանամերձ գյուղական բնակավայրում,

շինարարական աշխատանքներ իրականացնելու թույլտվություն,

նախագիծ/նախահաշիվ։

Ծրագրից օգտվելու համար առաջին քայլով անհրաժեշտ է դիմել գործընկեր բանկ՝

Կոնվերս Բանկ,

Էվոկաբանկ,

ԱԿԲԱ բանկ,

Ամերիա բանկ։

Սահմանամերձ գյուղական բնակավայրերի ցանկը հաստատվել է ՀՀ կառավարության 2014 թվականի դեկտեմբերի 18-ի 1444-Ն որոշման N 1 հավելվածով։ 

Ցանկը՝ ստորև․

ՀՀ Արարատի մարզի գյուղեր՝ Երասխ, Պարույր Սևակ, Տիգրանաշեն,

ՀՀ Գեղարքունիքի մարզի գյուղեր՝ Վահան, Ներքին Շորժա, Վերին Շորժա, Սոթք, Ազատ, Կութ, Նորաբակ,

ՀՀ Վայոց ձորի մարզի գյուղեր՝ Արենի, Խաչիկ, Խնձորուտ, Սերս, Նոր Ազնաբերդ, Բարձրունի,

ՀՀ Տավուշի մարզի գյուղեր՝ Բաղանիս, Բարեկամավան, Բերդավան, Դովեղ, Կոթի, Ոսկեպար, Ոսկեվան, Այգեձոր, Այգեպար, Արծվաբերդ, Մովսես, Ներքին կարմիր աղբյուր, Չինարի, Չորաթան, Պառավաքար, Վերին կարմիր աղբյուր, Ազատամուտ, Այգեհովիտ, Կայան, Բերքաբեր, Ծաղկավան, Կիրանց, Կողբ, Սարիգյուղ, Սևքար, Վազաշեն,

ՀՀ Սյունիքի մարզի գյուղեր՝ Ագարակ, Գեղանուշ, Գոմարան, Դավիթ Բեկ, Դիցմայրի, Եղվարդ, Խդրանց, Կաղնուտ, Ներքին Հանդ, Շիկահող, Սզնակ, Սյունիք, Սրաշեն, Վարդավանք, Ուժանիս, Ճակատեն, Ծավ, Բարգուշատ, Խորձոր, Խնձորեսկ, Քարահունջ, Հարթաշեն, Ձորակ, Ներքին Խնձորեսկ, Աղբուլաղ, Շուռնուխ, Որոտան, Վանանդ, Բարձրավան, Տեղ, Արավուս, Խնածախ, Խոզնավար, Կոռնիձոր, Վաղատուր, Քարաշեն, Խոտ, Նռնաձոր:

Այս թեմայով Փաշինյանը թե՛ մասնատում է Հայաստանը, թե՛ ահռելի պետական պարտք է կուտակել, թե՛ հարստացրել թիմակիցներին. «Ժողովուրդ» ՀՀ ԱԽ քարտուղարը Դոհայում ելույթի ժամանակ ներկայացրել է «Խաղաղության խաչմերուկ» ծրագրի մանրամասները ՈւՂԻՂ. ԱԺ պետական-իրավական հարցերի հանձնաժողովի նիստ Բյուջեից ևս 3 միլիարդ դրամ կտրամադրվի պետական պատվերով առողջապահական ծառայությունների տրամադրմանը Փաշինյանին որպես մարդ չեմ կարող գնահատել, բայց որպես պետական գործիչ ստախոս է. Սրբազան (տեսանյութ) Տավուշի սահմանամերձ գյուղերի բնակիչները սպասում են ինչ-որ վատ իրադարձության. Կիրանցի բնակիչը նշում է՝ անորոշության մեջ են Կրեմլը հայտնել է մայիսի 16-ին Պուտինի առաջին պետական ուղևորության մասին Արմավիրի մարզում բացվել է Սիմոն Մարտիրոսյանի անվան ծանրամարտի մարզադպրոցը. ծրագրի ընդհանուր արժեքը կազմել է 581.6 մլն դրամ ԱՄՆ-ն Ուկրաինային աջակցության նոր փաթեթ կհատկացնի Պետական որոշ կառույցների աշխատակիցներին զգուշացվել է` կհեռացվեն աշխատանքից, եթե մասնակցեն հավաքներին. Ռուբեն Մելիքյան