ԱՄՆ-ն չի բացառում զինված հակամարտություն Հարավային և Հյուսիսային Կորեաների միջև. NYT

Հյուսիսային Կորեան առաջիկա ամիսներին կարող է ռազմական գործողություններ ձեռնարկել Հարավային Կորեայի դեմ, հայտնում է The New York Times-ը (NYT)՝ հղում անելով ԱՄՆ վարչակազմի պաշտոնյաներին։ Նրանց կարծիքով, Հյուսիսային Կորեայի առաջնորդ Կիմ Չեն Ընի վերջին հայտարարությունները «ավելի ագրեսիվ» էին, և պետք է լուրջ վերաբերվել։

Ամերիկացի պաշտոնյաները պարզաբանում են, որ իրենք «Կորեական թերակղզում լայնամասշտաբ պատերազմի անմիջական վտանգ չեն տեսնում»։

Այնուամենայնիվ, նրանք կարծում են, որ Փհենյանը «կարող է հարվածներ հասցնել այնպես, որ խուսափի արագ էսկալացիայից»։ Որպես օրինակ՝ նրանք բերում են 2010 թվականին հարավկորեական Եոնպյոնդո կղզու գնդակոծության դեպքը, երբ ԿԺԴՀ-ն և Հարավային Կորեան փոխանակվել են հրետանային կրակով։ Արդյունքում` երկու կողմից զոհվեցին մի քանի զինվորականներ և քաղաքացիական անձինք, սակայն հրետակոծությունն ի վերջո դադարեցվեց։

Ըստ NYT-ի՝ ԱՄՆ պաշտոնյաները կարծում են, որ Կիմ Չեն Ընը «հավանաբար քաջալերվել է Ռուսաստանի հետ իր գործընկերության ընդլայնմամբ»: Միևնույն ժամանակ, ամերիկյան գերատեսչությունները դեռ չեն արձանագրել կոնկրետ նշաններ, որ Հյուսիսային Կորեան պատրաստվում է ռազմական գործողությունների կամ մեծ պատերազմի։

ԿԺԴՀ ղեկավարն ասել է, որ 2024 թվականին Հյուսիսային Կորեան պետք է արագացնի պատերազմի նախապատրաստությունը՝ ԱՄՆ-ի «աննախադեպ» առճակատման քայլերին հակազդելու համար։ Նա Հարավային Կորեան անվանել է ամենաթշնամական երկիրը և կոչ է արել ամրագրել այս սահմանումը ԿԺԴՀ սահմանադրության մեջ, ինչպես նաև պահանջել է այնտեղից հանել Հարավային Կորեայի հետ խաղաղ վերամիավորման մասին հիշատակումը։

Այս թեմայով Սահմանազատման ու սահմանագծման գործընթացը Հայաստանի և Ադրբեջանի միջև հարաբերությունների կարգավորման հիմնական ուղղություններից է․ Գալուզին Պատրաստ ենք՝ աջակցելու Հայաստանի և Ադրբեջանի միջև երկարամյա հակամարտnւթյան էջը շրջելուն. Բլինկեն Միրզոյանը և Սիֆրեդին քննարկել են Հայաստանի և Ֆրանսիայի միջև բազմաշերտ գործընկերության հարցեր Ռուսաստանի և Հայաստանի միջև առևտրում խնդիրներ չկան. Օվերչուկ «Հոգնել եմ, մի քիչ նստեմ, գնամ». Սրբազանը նստեց վահաններով զինված ոստիկանների դիմաց (տեսանյութ) Արարատ Միրզոյանը և Ժոզեպ Բորելը մտքեր են փոխանակել տարածաշրջանային հարցերի շուրջ Մեծ անջրպետ կա հայ ժողովրդի և ՀՀ իշխանությունների շահերի միջև. Օսկանյանը՝ Արցախ վերադարձի մասին (տեսանյութ) Երկխոսություն Ռուսաստանի և աշխարհի միջև. Մոսկվայում կայացած համաժողովում հանդիպել են գիտությունն ու աշխարհաքաղաքականությունը Բայրամովն ու Բերբոքը քննարկել են Հայաստանի և Ադրբեջանի միջև խաղաղության գործընթացը 200-ից ավելի արցախյան կազմակերպությունների նամակը փոխանցվել է ԵԱՀԿ գործող նախագահին