Ի՞նչ է կատարվում Գյումրու ավագանիում. «Զարթոնք» խմբակցությունը նոր ղեկավար ունի, ինչու է հեռացել Վարդևան Հակոբյանը

Գյումրի քաղաքում տեղի է ունեցել Գյումրի համայնքի ավագանու «Զարթոնք» խմբակցության նիստը, որին մասնակցել են խմբակցության անդամներ Կարեն Վարդգեսի Սոսյանը, Սվետլանա Միշայի Ադամյանը և Գոռ Հովհաննեսի Մանուկյանը:

Կուսակցությունից հայտնում են, որ «Զարթոնք» խմբակցությունը միաձայն որոշել է՝

1. Վարդևան Հակոբյանի՝ որպես «Զարթոնք» խմբակցության ղեկավարի (անդամի), լիազորությունները համարել դադարած:
2. Փոփոխել և հաստատել «Զարթոնք» խմբակցության նոր կազմը՝

1) Կարեն Վարդգեսի Սոսյան.

2) Սվետլանա Միշայի Ադամյան.

3) Գոռ Հովհաննեսի Մանուկյան:

3. «Զարթոնք» խմբակցության ղեկավար ընտրել Գոռ Հովհաննեսի Մանուկյանին:

«Զարթոնք» խմբակցության ղեկավար Գոռ Մանուկյանը 2024թ. հունվարի 29-ին գրությամբ վերոհիշյալ փոփոխության մասին, ըստ օրենքի պահանջի, տեղեկացրել է Գյումրի համայնքի ղեկավարին:

Ավելի վաղ NEWS.am-ը հայտնել էր, որ «Բալասանյան»- «Քաղաքացիական պայմանագիր» իշխող դաշինքի փլուզումից հետո Գյումրիի ավագանիում նոր խմորումներ են. հունվարի 24-ին ընդդիմադիր «Զարթոնք» խմբակցության ղեկավար Վարդևան Հակոբյանը տեղեկացրել էր, թե լքում է իր ղեկավարած 4 հոգանոց խմբակցությունն ու այսուհետ կգործի որպես ավագանու անկախ անդամ։ Խմբակցության նդամները հայտնել են, որ այս որոշումն իրենց համար անակնկալ է եղել:

ՔՊ խմբակցությունից հայտնել են, որ Վարդևան Հակոբյանի հետ համագործակցության պայմանավորվածություն չկա։

Նշենք, որ Գյումրու ավագանու 33 մանդատից 13-ը «Բալասանյան դաշինքինն» են, 11-ը՝ ՔՊ-ինը, 4 մանդատ ուներ «Զարթոնք» դաշինքը, 2-ական՝ ՀՀԿ-ն ու «Ապրելու երկիրը»։ Ախուրյանի ու Ալավերդիի օրինակներով Գյումրիում իշխանություն վերցնելու սցենարը կրկնելու համար ՔՊ-ին 6 մանդատ է պակասում։ Այդ համայնքներում ընտրությունների արդյունքներով մեծամասնություն չստացած «Քաղաքացիական պայմանագիրը» կարողացել էր ավագանու մյուս խմբակցությունների շարքերում համակիրներ գտնել, անվստահություն հայտնել գործող համայնքապետին ու այնուհետև իր թեկնածուին ընտրել համայնքի ղեկավարի պաշտոնում:

Այս թեմայով Մեր ազգն ի՞նչ մեղք է գործել, որ Նիկոլի նման փառասեր ու անգրագետ ղեկավար է իշխում մեր երկրում. Շարմազանով Նիկոլ Փաշինյանի կառավարությունն ունի տարածաշրջանի ամենաաղքատ երկիրը. Պարսյան ԵՊՀ ռեկտորը տեսել է` ինչ է կատարվում երկրում, նա ուզում է անցանկալի աշխատողներին ազատել աշխատանքից. Դանիելյան (տեսանյութ) Այն, ինչ կատարվում է Գազայում, ցեղասպանություն չէ. Բայդեն Սպիտակ տունը մտավախություն ունի, որ Իրանը կարող է ԱՄՆ-ին կամ Իսրայելին մեղադրել կատարվածի մեջ. Politico «Էսքան չի կարելի չհարգել էս ուսադիրը», «Ինչու՞ են առանձին տանում մի լրագրողի», «Ձեռքդ քաշի» Ինչու է Արմեն Գրիգորյանը մեկնում Դոհա Կիրանցում սահմանազատող սյունը տեղադրվեց գյուղի մեջ (տեսանյութ) Մի հատ Լենայի մարդուն բզեք, ասեք՝ հայ-իրանական բարեկամական խմբի ղեկավար ես, ձեն հանի, ամոթ ա․ Հրանտ Սարաֆյան ԱԱԾ-ն պարզաբանել է՝ ինչու, ՆԳՆ-ն պարզաբանել է՝ ինչ օրենքով չեն թույլատրում Կիրանց հասնել