Երվանդ Քոչարի տարածանկարը ցուցադրվում է Փարիզի Պիկասոյի թանգարանում

Երվանդ Քոչարի 1934 թվականին ստեղծած տարածանկարը ներկայացված է Փարիզի Պիկասոյի թանգարանի "Dans l'appartement de Léonce Rosenberg: De Chirico, Ernst, Léger, Picabia..." ցուցադրությանը: Այն նվիրված է կուբիզմի և աբստրակտ արվեստի նշանավոր աջակից, կոլեկցիոներ, 1920-1930-ական թվականների ժամանակակից արվեստի հովանավոր Լեոնս Ռոզենբերգի բնակարանի ձևավորմանը:

Լինելով ժամանակի գեղարվեստական ավանգարդի առաջնորդ՝ Ռոզենբերգը վերափոխել է իր փարիզյան տունը՝ ի պատիվ իր սիրելի արվեստագետների: Այդ բնակարանում, որտեղ ապրում էր կնոջ և դուստրերի հետ, նա յուրաքանչյուր սենյակ ձևավորել է որևէ նկարչի աշխատանքներով: 12 նկարիչներ և քանդակագործներ են արժանացել այդ պատվին. նրանց ստեղծագործությունները ցուցադրվել են ննջասենյակներում, հյուրասենյակում, ճաշասենյակում:

Այդ աշխատանքները համադրելով նաև կահույքի հետ՝ Լեոնս Ռոզենբերգը ստեղծել է ժանրերի հետաքրքիր խառնուրդ: Ընտրյալ արվեստագետների շարքում էր նաև Երվանդ Քոչարը. նրա 1934 թ. ստեղծած տարածանկարը, որն այժմ պատկանում է Փարիզի Պոմպիդու կենտրոնի հավաքածուին, նույնպես ներառված է այս ցուցադրությունում: Ցուցահանդեսը բաց է 2024 թ. հունվարի 30-ից մայիսի 19-ը:

Տեղեկացնենք նաև, որ այս օրերին հայ նկարիչ և քանդակագործ Երվանդ Քոչարի ծննդյան 125-ամյակի կապակցությամբ Ֆրանսիայում Հայաստանի դեսպանատան հովանու ներքո Երվանդ Քոչարի թանգարանը Ֆրանսիայի ՀԲԸՄ-ի մասնաճյուղի հետ համատեղ կազմակերպում է «Քոչարյան գծի մոգական փոխհատումները» ցուցահանդես–երեկոն: Միջոցառումը տեղի կունենա փետրվարի 2-4-ը Փարիզի Ալեք Մանուկյան հայկական մշակութային կենտրոնում՝ AKNEYE-ի հովանավորությամբ:

Մինչ միջոցառումն արդեն իրականացվել է Երվանդ Քոչարի «Կինն ու աքաղաղը» ստեղծագործության թվային ռեկոնստրուկցիան՝ անոտացիոն անիմացիայի ուղեկցությամբ: Ստեղծագործության NFT տարբերակն արդեն ներկայացված է FTNFT market place-ում:

Այս թեմայով Մբապեն հրաժեշտի ընթրիք է կազմակերպել Փարիզի կենտրոնում Բաքվի բանտերում պահվող հայերի լուսանկարները ցուցադրվում են Փաշինյանի հետ հանդիպման գնացողներին (տեսանյութ) Երևանում կտեղադրվի ՀՀ ժողովրդական արտիստ Երվանդ Մանարյանի արձանը Ըմբիշներ Արթուր Սարգսյանը և Հայկ Մնացականյանը Փարիզի Օլիմպիական խաղերի ուղեգիր են նվաճել Ֆրանսիական պատվիրակության անդամներն այցելել են Ծիծեռնակաբերդ, շրջել Հայոց ցեղասպանության թանգարանում Առաջին անգամ Ցեղասպանության թանգարանում մարդ չկար, հրաժարվելու հիմքն արդեն դրված է (տեսանյութ) Փարիզի Օլիմպիական խաղերի մեկնարկին մնաց 100 օր Ինչու դեռ հարցաքննված չեն զույգով միզող ոստիկանները, առգրավված չեն նրանց միզուղու մոտակայքի բոլոր տեսախցիկներն ու ձայնագրությունները, առգրավված-զննված չեն նրանց հեռախոսները, ավտոմեքենան եւ ինչու քրգործ հարուցված չէ. փաստաբան Երվանդ Վարոսյան Փարիզի բարձրահարկ շենքում պայթյուն է տեղի ունեցել. կան զոհեր Փարիզի օդանավակայանում քուրդ ակտիվիստին Թուրքիա արտաքսելու փորձի պատճառով՝ զանգվածային ծեծկռտուք է տեղի ունեցել (տեսանյութ)