Մարզերից մեկում տնօրենը կնոջը բռնել է մեկ այլ տնօրենի առանձնատանը, երկաթե ձողով ծեծել է ու սպառնացել

Հունվարի 26-ին կողոպուտի դեպք է տեղի ունեցել մարզերից մեկում։ Ինչպես հայտնում է ֆոտոլրագրող Գագիկ Շամշյանը, տվյալ մարզի ոստիկանության տարածքային բաժնի պրոֆիլակտիկայի ավագ տեսուչը օպերատիվ տեղեկություններ է ստացել, որ իր կողմից  սպասարկվող  վարչական տարածքի բնակիչներ ոմն Մ․ Տ․-ի և Վ․ Մ․-ի միջև անձնական հարցերի շուրջ վիճաբանություն է տեղի ունեցել, որի ժամանակ Մ․ Տ․-ն ծեծի է ենթարկել Վ․ Մ․-ին։

Ոստիկանության տարածքային բաժնի ծառայողների կողմից ձեռնարկվում է անհրաժեշտ օպերատիվ հետախուզական միջոցառումներ և պարզվում է, որ Վ․ Մ․-ն 34 տարեկան է, ով աշխատում է տեղամասերից մեկում տնօրեն, իսկ Մ․ Տ․-ն 32 տարեկան է, ով աշխատում է մարզում հայտնի ընկերություններից մեկի տնօրեն։Գ․ Շամշյանի տեղեկություններով պարզվել է, որ Վ․ Մ․-ն «Ինստագրամ» սոցիալական կայքի միջոցով նամակագրական կապի մեջ է մտել  Մ․ Տ․-ի կնոջ հետ և 1 օր առաջ կնոջը ժամադրել է իր առանձնատանը։

Հանդիպումը տեղի է ունեցել ժամը 23։00-ի սահմաններում և Վ․ Մ․-ն այցելել է նշված վայր, որտեղ էլ Մ․ Տ․-ն ձեռքին եղած երկաթե ձողով հարվածներ է հասցրել Վ․ Մ․-ի գլխին ապա ձեռքերով և ոտքերով հարվածներ հասցրել մարմնի տարբեր մասերին, ինչից վերջինս ուշագնաց է եղել ապա Մ․ Տ․- ն կապել է Վ․ Մ․-ի ձեռքերը, այդ վիճակում նորից ծեծի ենթարկել իսկ հետո բացահայտ հափշտակել նրան պատկանող բջջային հեռախոսը, իսկ որոշ ժամանակ անց մեկ այլ անձի միջոցով հեռախոսը հետ է վերադարձրել։

Պարզվել է նաև, որ Մ․ Տ․-ն հրազենի փողը ուղղել է Վ․ Մ․-ի սեռական օրգանի ուղղությամբ և սպառնացել է, որ կսպանի։

Ոստիկանության մարզային վարչության և ոստիկանության տարածքային բաժնի ծառայողների կողմից Մ․ Տ․-ն հայտնաբերվել է և տեղափոխվել ոստիկանություն, որտեղից էլ նրան ներկայացրել են Հայաստանի Քննչական կոմիտեի տվյալ մարզային քննչական վարչության տարածքային քննչական բաժին, որտեղ կողոպուտ կատարելու փաստով նախաձեռնվել է քրեական վարույթ։

Մ․ Տ․-ն քննիչի որոշմամբ ձերբակալվել է և տեղափոխվել ձերբակալվածների պահման վայր։ Նախաքննության շահերից ելնելով որոշ մանրամասներ չենք հայտնում։

Այս թեմայով Արմաշի տներից մեկում հրդեհ է բռնկվել. երեխաները տեղի ուժերով դուրս են բերվել տնից Արատես գյուղի հանդամասերից մեկում արջը վնասել է քաղաքացուն Ջրհեղեղից փրկված հղի կնոջը կեսարյան հատում են կատարել. ծնվել է առողջ տղա Ալավերդու գազալցակայաններից մեկում կոմպրեսորները հայտնվել են ջրի տակ, տեղի է ունեցել պայթուն Աշոտ Ահարոնյանը նշանակվել է Կարեն Դեմիրճյանի անվան մետրոպոլիտենի տնօրենի գլխավոր խորհրդական Եվրահանձնակատարներից մեկը Վրաստանի ղեկավարին սպառնացել է Սլովակիայի վարչապետի ճակատագրով Երևանից ու ՀՀ այլ մարզերից նույնպես պատրաստակամություն են հայտնել հանդիպել Միքայել Սրբազանին «Երևանի ավտոբուս»-ի տնօրենի պաշտոնակատարը չի ազատվել աշխատանքից․ քաղաքապետարանից հերքում են Չեմ սպառնացել, ասել եմ, բա որ մենք էլ անենք. Սուքիասյան (տեսանյութ) Սանկտ Պետերբուրգի բուհերից մեկում պայթյուն է տեղի ունեցել, կան տուժածներ