Արմավիրի մարզում բախվել են Nissan-ն ու բեռնատարը

Այսօր՝ փետրվարի 6-ին, խոշոր ավտովթար է տեղի ունեցել Արմավիրի մարզում: Ժամը 09:10-ի սահմաններում Երևան-Արմավիր ավտոճանապարհի «Դվին» ռեստորանային համալիրի հարևանությամբ բախվել Nissan X-Trail մակնիշի ավտոմեքենան և HOWO մակնիշի բեռնատարը:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Nissan-ի վարորդը մարմնական վնասվածքներով տեղափոխվել է «Վաղարշապատ» բժշկական կենտրոն:

Նրան առաջինը օգնության է հասել այդ պահին նշված վայրով անցնող Հայաստանի քննչական կոմիտեի Արմավիրի մարզային քննչական վարչության Վաղարշապատի քննչական բաժնի պետի տեղակալ Արամ Ղուկասյանը, ով ավտոմեքենայից դուրս է բերել վիրավորին, ապա տեղում առաջին բուժօգնությունն է ցուցաբերել՝ օգտագործելով իր ավտոմեքենայում պահվող դեղատուփի մեջ եղած բժշկական պարագաները, ապա ահազանգել է «Վաղարշապատ» բժշկական կենտրոն, որտեղից օպերատիվորեն ժամանած շտապօգնության բժիշկների հերթապահ խումբը՝ Արամ Ղուկասյանի, քաղաքացիների հետ վիրավորին մոտեցրել են շտապօգնության ավտոմեքենային, ով տեղափոխվել է «Վաղարշապատ» բժշկական կենտրոն, որտեղից էլ նրան տեղափոխել են Երևանի հիվանդանոցներից մեկը:

Օպերատիվորեն դեպքի վայր են ժամանել ՀՀ Ներքին գործերի նախարարության ոստիկանության Արմավիրի մարզային վարչության պետ Արթուր Բդոյանը, վարչության պետի օպերատիվ գծով տեղակալ Հովհաննես Արիստակեսյանը, ոստիկանության Վաղարշապատի բաժնի պետ Արսեն Ոսկանյանն ու բաժնի պետի օպերատիվ գծով տեղակալ Գևորգ Միքայելյանը:

 Ահազանգով ժամանել են նաև ՀՀ ՆԳՆ ոստիկանության Պարեկային ծառայության Արմավիրի մարզի գումարտակի 1-ին վաշտի պարեկները՝ գումարտակի հրամանատարի տեղակալ Հայկ Հակոբյանի, նույն  գումարտակի 2-րդ վաշտի հրամանատար Մանուկ Սարգսյանի, 1-ին վաշտի հրամանատար Արսեն Բաղդասարյանի և դասակի հրամանատար Կարեն Մանուկյանի գլխավորությամբ:

Տարածքը սահմանազատել են նույն վաշտի պարեկներ Էդգար Վերդոյանը, Արամայիս Սարգսյանն ու կրտսեր պարեկ Նարեկ Սարգսյանը:

Պարեկների այսքան շատ ժամանման պատճառը նրանում է, քանի որ վթարի հետևանքով ճանապարհը մասամբ դարձել է երթևեկության համար միակողմանի:

Վթարի մասին ոստիկանության Վաղարշապատի բաժնից տեղեկությունը փոխանցել են Հայաստանի քննչական կոմիտեի Արմավիրի մարզային քննչական վարչության Վաղարշապատի քննչական բաժին, ոտեղից ժամանել է քննչական խումբը՝ վարչության պետ Սամվել Սիմոնյանի, Վաղարշապատի քննչական բաժնի պետ Դավիթ Բարոյանի և օրվա պատասխանատու հերթապահ քննիչի գլխավորությամբ:

Վթարի փաստով Վաղարշապատի քննչական բաժնում նախաձեռնվել է քրեական վարույթ, որտեղ պարզվում է HOWO-ի վարորդի և Nissan-ի՝ հիվանդանոց տեղափոխված վարորդի ինքնությունը:

Այս թեմայով «Չայնիի» ոլորաններում բախվել են «ԳԱԶ» բեռնատարն ու «Nissan»-ը Գեղարքունիքի մարզում քաղաքացին մնացել էր հողաշերտի և փլատակների տակ Խոշոր ավտովթար՝ Արարատի մարզում Ավտովթար՝ Սյունիքի մարզում. բախվել են «Toyota Camry»-ն ու «Toyota Corolla»-ն. կա վիրավոր Լոռու մարզում գետերի վարարումից տուժել է նաև «Լոռի» ՋՕԸ-ն Թիվ 23 երթուղին սպասարկող ավտոբուսը Ռուբինյանց փողոցում բախվել է գազատար խողովակին. կան վիրավորներ Ցավով հետևում եմ Լոռու մարզում ստեղծված իրավիճակին, Երևանը պատրաստ է օգնել․ Ավինյան Խոշոր ավտովթար՝ Տավուշում. հանքանյութով բարձված բեռնատարը կողաշրջվել է Ողբերգական վթար՝ Արագածոտնում․ բախվել են ՎԱԶ 2107-ն ու Renault բեռնատարը, զnh ու վիրավnրներ կան Խոշոր ավտովթար՝ Գեղարքունիքի մարզում․ կա 5 վիրավոր