Մարմնական վնասվածքներ և դանակի բազմաթիվ հարվածներ․ Արաբկիրի քրեական հետախույզների բացահայտումը

Ոստիկանության օպերատիվ կառավարման կենտրոնից Արաբկիրի բաժին հունվարի 24-ի երեկոյան ահազանգ էր ստացվել: Զանգահարած տաքսու վարորդը հայտնել էր, որ մոտեցել է Հրաչյա Քոչար փողոցի հասցեներից մեկը և նկատել, որ պատվիրատուն մարմնական վնասվածք ունի, արնահոսում է։

Չուշացավ նաև հիվանդանոցից ահազանգը։ Շտապօգնության խումբը գանգուղեղային վնասվածքով և կտրած-ծակած վերքերով «Արմենիա» բժշկական կենտրոն էր տեղափոխել մի տղամարդու։

Տուժածը հիվանդանոցում ներկայացել էր ուրիշ անուն ազգանունով։ Սակայն իրավապահների հմուտ աշխատանքի շնորհիվ երիտասարդի ինքնությունը պարզվեց։

Արաբկիրի բաժնի և Երևան քաղաքի վարչության քրեական հետախույզները համադրելով ստացված օպերատիվ տեղեկությունները՝ պարզեցին, որ տուժողը դեռևս ինքնությունը չպարզված մի քաղաքացու հետ գնացել էր Արաբկիր վարչական շրջանի ռեստորաններից մեկը՝ 42-ամյա տղամարդու հետ պարզաբանումների։ Նա էլ համաձայնության չգալով՝ տուժողի և նրա հետ եկած ընկերոջ հետ դուրս է գալիս առանձնասենյակից, զանգահարում ազգականներին ու ընկերներին, որպեսզի գան հաշվեհարդար տեսնելու։ Ժամը 18.45-ին նրանք եկել են ռեստորան, որտեղ վիճաբանություն է սկսվել։

Տղամարդիկ դուրս են եկել ռեստորանի բակ, որտեղ 42-ամյա տղամարդն ու ընկերները կռփազենքով և ոտքերով հարվածներ են հասցրել տուժողին՝ պատճառելով բազմաթիվ մարմնական վնասվածքներ, իսկ 26-ամյա երիտասարդը դանակով հարվածներ է հասցրել նրան։

Ձեռնարկված օպերատիվ-հետախուզական միջոցառումների շնորհիվ պարզվել է 42-ամյա տղամարդու ընկերների և ազգականների ինքնությունը։

Վեճի մասնակիցներից 32-ամյա երիտասարդը Արարատի մարզի Այնթապ գյուղում հայտնաբերվել, ձերբակալվել և տեղափոխվել է ոստիկանության Արաբկիրի բաժին, իսկ փետրվարի 10-ին դանակահարողը և վեճի 26-ամյա մի մասնակից ինքնակամ ներկայացել են բաժին, ապա ձերբակալվել և տեղափոխվել են քննչական բաժին։

Ձեռնարկվում են միջոցառումներ՝ մյուս մասնակիցներին հայտնաբերելու ուղղությամբ։

Հանգամանքները պարզվում են:

Այս թեմայով Գազի լցակայանում տեղի ունեցած պայթյունի դեպքի առթիվ նախաձեռնվել է քրեական վարույթ Աղետի գոտում ենթակառուցվածքների խոշոր վնասվածքներ այլևս չունենք, մեծ մասը վերականգնված է. ՏԿԵ նախարար (տեսանյութ) Տեսագրությունում պատկերված անձինք որոնվում են նախաձեռնված քրեական վարույթի շրջանակներում Սյունիքում 4-ամյա երեխան վերցրել է հոր օդաճնշիչ հրացանը. երեխային պատճառվել է մարմնական վնասվածք Արաբկիրի եկեղեցու հարևանությամբ խոշոր հրդեհ է բռնկվել ԱԳՆ-ի դիմաց ակցիայի ընթացքում խուլիգանություն համար քրեական հետապնդում է հարուցվել 5 անձի նկատմամբ Կառավարության գաղտնի որոշմամբ վաճառքի է հանվել Գիտատեխնիական գրադարանի շենքը. 60 տարվա պատմության փոշիացումը ցեղասպանություն է, քրեական հանցագործություն Շամլուղում վնասվածքներ ստացած 9-ամյա երեխան Երևան տեղափոխվեց սանավիացիայի ուղղաթիռով Ոստիկանության նման վայրագություններ դեռ չեմ տեսել, բոլոր ձերբակալվածներն ունեն վնասվածքներ. Տիգրան Աբրահամյան (տեսանյութ) Զինված անձը վնասազերծվել է. ոստիկանների բացահայտումը