ՌԴ դեսպանը Գեղարքունիքի մարզ կատարած այցի շրջանակներում այցելել է Գանձակ գյուղի թիվ 2 հիմնական դպրոց

Փետրվարի 20-ին Հայաստանում Ռուսաստանի արտակարգ և լիազոր դեսպան Սերգեյ Կոպիրկինը Գեղարքունիքի մարզ կատարած այցի շրջանակներում այցելել է Գանձակ գյուղի թիվ 2 հիմնական դպրոց, որտեղ ՌԴ ֆինանսավորմամբ ՄԱԿ-ի ՊՀԾ իրականացնում է «Կայուն դպրոցական սննդի զարգացում» ծրագիրը, որի նպատակն է ստեղծել հանրակրթական ուսումնական հաստատություններում տաք սնունդ տրամադրելու մեխանիզմ։

ՄԱԿ-ի ՊՀԾ ծրագիրը Հայաստանում մեկնարկել է 2010 թվականին և այսօր ընդգրկում է ավելի քան 1000 դպրոց հանրապետության 10 մարզերում՝ տաք սնունդ ապահովելով 1-4-րդ դասարանների ավելի քան 100 հազար աշակերտի: ՌԴ-ն ծրագրի համար հատկացրել է 25 մլն դոլար, ինչպես նաև մեթոդական և տեխնիկական աջակցություն ցուցաբերել կադրային խնդիրների լուծման գործում։ 2023 թվականի ամառվանից ծրագրի կառավարումը փոխանցվել է ՀՀ կառավարությանը, որի նախաձեռնությամբ քննարկվում է Երևանի դպրոցները նախագծում ընդգրկելու հարցը։

Գանձակ գյուղի թիվ 2 հիմնական դպրոցում ՄԱԿ-ի ՊՀԾ ծրագրով հատկացված միջոցներով 2020 թվականին վերանորոգվել և վերազինվել է ճաշարանը, իսկ 2023 թվականին ուսումնական հաստատության տարածքում հիմնվել է ոռոգման ժամանակակից համակարգով հագեցած պտղատու այգի և բանջարանոց։

Դպրոց կատարած այցի ընթացքում Կոպիրկինը հանդիպել է նաև ՊՀԾ հայաստանյան գրասենյակի տնօրեն Նաննա Սկաուի հետ, ում հետ քննարկել են Հայաստանում դպրոցական սննդի ծրագրի հեռանկարները, ինչպես նաև համագործակցության զարգացման նոր հնարավորությունները։

Այս թեմայով ՈՒՂԻՂ․ Բագրատ Սրբազանն այցելել է Իրանի դեսպանատուն աղետալի ավիավթարի առիթով «Կիրանցում մարդիկ մի բան են ասել, որ փոխանցեմ ձեզ․ ասել են՝ ժողովրդին ասեք, որ ձեր մեջքին կանգնած ենք»․ Բագրատ Սրբազան Սուրեն Պապիկյանն այցելել է կառուցման փուլում գտնվող ամրաշինական մի շարք շրջաններ Բրյուսելում Հայաստանի դեսպանը հանդիպել է Բելգիայի ընտրություններին առաջադրված հայ թեկնածուների հետ Իրանի նախագահը նախատեսում էր կիրակի այցելել Հայաստան․ ՏԱՍՍ Երևանյան պատվիրակությունն այցելել է Միսաք Մանուշյանի և կնոջ՝ Մելինե Մանուշյանի շիրիմներին Լուկաշենկոն Ալիևի հետ այցելել է օկուպացված Արցախ Կրակոցներ՝ Արարատի մարզի Ոստան գյուղի գերեզմանոցներում. կա 1 զոհ, 1 վիրավոր Հռոմի պապը մտադիր է հաջորդ տարի Թուրքիա այցելել Ճանապարհը մենք չենք փակել, վարչապետն է փակել, մարզպետը թող էստեղ գա, գյուղի շնչառությունը փակում են