Մեղադրանքից է կախված՝ վնասազերծված ադրբեջանցուն կվերադարձնեն իր երկիր, թե՞ ոչ. Անդրանիկ Քոչարյան

Լրագրողների հետ զրույցում ԱԺ ՔՊ խմբակցության պատգամավոր Անդրանիկ Քոչարյանը պատասխանել է այսօր լուսադեմին ադրբեջանցի զինծառայողի՝ Սյունիքի Տեղ գյուղի հատվածում հայկական տարածք անցնելու մասին հարցերին․

«Թե գյուղացիներն ինչ են տեսել կամ ինչ են ասում, դա դեռ ճշտելու խնդիր ունի, բայց փաստն այն է, որ զինված մեկ հոգի ադրբեջանական կողմից սահմանն անցել է և մեր կողմից վնասազերծվել է: Շուտով Քննչական կոմիտեն հայտարարություն կանի: Ադրբեջանն էլ չի հերքում, որ խոսքը մեկ հոգու մասին է»,-ասաց նա:

Դիտարկմանը, ինչպե՞ս է զինված ադրբեջանցին կարողացել հատել սահմանը, Քոչարյանը պատասխանեց.

«Բազմաթիվ հատվածներ կան մեր պաշտպանական բնագծերի միջակայքում, որ կարող են ցանկության դեպքում անցնել, բայց շատ կարևոր է, որ անցնելուց հետո մեր համապատասխան կառույցները նրան վնասազերծել են: Այսինքն՝ հիմա շատ դժվար է աննկատ մեր բնագծերն անցնել: Ամեն անգամ մենք այդ բնագծերի կարողություններն ավելացնելով՝  համարյա հնարավորություն չենք թողնելու նման թափանցումները դառնան իրականություն»:

Լրագրողի մեկ այլ հարցի՝ արդյո՞ք ադրբեջանցուն կվերադարձնեն իր երկիր, Քոչարյանն արձագանքեց, որ կախված է, թե ի՞նչ հոդվածով է նա մեղադրվելու․

«Մենք էլ գերիներ ունենք և գերիների հետ կապված էլի լուծումներ կան․ ադրբեջանական կողմը առաջարկով էր դիմել, որպեսզի Արցախյան առաջին պատերազմի ընթացքում զոհվածների հուղարկավորության  տեղերի մասին տեղեկություններով փոխանակվենք, սա հնարավորություն է մեր գերիների, անհետ կորածներին վերադարձնելու»։ 

Եվ վերջին հարցին՝ ստացվում է՝ Տեղ գյուղն այլևս անվտանգ չէ՞, իշխանական պատգամավորը հակադարձեց․

«Եթե նայենք ընդդիմադիր դաշտի խոսույթին՝ Երևանն էլ անվտանգ չի, ոչ մի տեղ անվտանգ չի։ Եվ ընդհանրապես, այսօր տիեզերքից շատ բաներ են կառավարվում, ոչ մի միլիմետր երկրագնդի վրա անվտանգ տեղ չկա»,- իր խոսքն այս կերպ եզրափակեց նա։ 

Այս թեմայով ՀՀ-ն վաղուց չի համարվում ցածր եկամուտ ունեցող երկիր, միջինից ավելի բարձր ենք ստանում (տեսանյութ) Եթե ժամանակին ոստիկանության ապօրինությունները ճիշտ քննվեին, այսօրվա վայրագությունները չէին լինի․ Լևոն Քոչարյան (տեսանյութ) ՀՀ-ում ամեն ինչ 1 մարդու քմահաճույքից է կախված, ոստիկանությունն էլ 40 հոգով մի մարդ է ծեծում. Սրբազան (տեսանյութ) Բանակը պիտի կոչված լինի հայրենապաշտպանությանը, ոչ թե հայրենահանձնմանը, ինչպիսի՞ երկիր ենք ուզում (տեսանյութ) Մալդիվներն արգելել են Իսրայելի քաղաքացիների մուտքը երկիր Բագրատ Սրբազանի մասին մի փաստ ուղղակի ինձ համար որոշիչ եղավ․ Տիգրան Քոչարյան Մեզնից է կախված, թե ինչպիսի մարդ երեխաները կմեծանան ու ինչպիսի աշխարհում կապրեն. Տավուշի մարզպետ Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» Շնորհակալություն ՆԳՆ-ին՝ սրբազան ծառայության համար, կարող եք խաչակնքվել. Անդրանիկ Քոչարյանը՝ Արփինե Սարգսյանին Անդրանիկ Քոչարյանն էս շանսը պտի օգտագործի, հետո էլ ուրիշ շանս չի լինելու. Գառնիկ Դանիելյան (տեսանյութ)