Ռուսաստանը դեմ է իր գործընկերներին ինչ-որ բան թելադրելուն. Պեսկով

Ռուսաստանը դեմ է իր գործընկերներին ցանկացած պայմաններ թելադրելուն և կողմ է միասին ավելի երջանիկ ու հարուստ դառնալուն, հայտարարել է ՌԴ նախագահի մամուլի քարտուղար Դմիտրի Պեսկովը «Գիտելիք. Առաջինը» կրթական մարաթոնում, գրում է ՏԱՍՍ-ը։

Նա հայտարարել է, որ հայ ժողովուրդը շահում է Ռուսաստանի Դաշնության հետ համագործակցությունից և Եվրասիական տնտեսական միությանը Հայաստանի անդամակցությունից, քանի որ աճում են ապրանքաշրջանառությունը, նպաստները, տրանսպորտային ծառայությունները և ֆինանսական հատվածը։

«Մենք դեմ ենք, որ ինչ-որ մեկին ինչ-որ բան թելադրեն, մենք միասին գումար վաստակելու, միասին ավելի երջանիկ ու հարուստ դառնալու կողմնակից ենք: Վստահ ենք, որ մեր հայ ընկերները նույնպես դա հասկանում են»,- ասել է Պեսկովը:

Նա հավելել է, որ նախկին Խորհրդային Միության տարածքում Հայաստանն ամենադինամիկ զարգացող երկիրն է, քանի որ 2023 թվականին ՀՆԱ-ի աճը կազմել է ավելի քան 15 տոկոս։ «Նույնիսկ համաշխարհային չափանիշներով կարելի է ասել, որ Հայաստանը առաջատար է»,- ընդգծել է Պեսկովը՝ հավելելով, որ դա մասամբ պայմանավորված է Ռուսաստանի Դաշնության հետ «շատ սերտ փոխշահավետ համագործակցությամբ»։

Այս թեմայով Կհստակեցնենք Հայաստանի դիրքորոշումը ՀԱՊԿ-ի վերաբերյալ. Պեսկով Ռուսաստանը շատ բան է կորցրել՝ փորձելով ուշադրություն չդարձնել Փաշինյանի քաղաքականությանը. Զատուլին Գերմանիայի պաշտպանության նախարարությունը զգուշացրել է՝ Ռուսաստանը կարող է հարձակվել ՆԱՏՕ-ի վրա Ռուսաստանն երկու տարով հեռացվել է Շախմատի միջազգային ֆեդերացիայից Ռուսաստանը ավելի քան 20 անգամ ավելացրել է զինամթերքի արտադրությունը. Պուտին Ռուսաստանը կարող է հարվածել Ուկրաինային զենք մատակարարող երկրներին. Պուտին Ռուսաստանը պատրաստ է խորհրդատվական օգնություն ցուցաբերել Հայաստանին և Ադրբեջանին. Բաքվում ՌԴ դեսպան Զելենսկին հայտնել է՝ մեկ շաբաթվա ընթացքում Ռուսաստանը քանի հարված է հասցրել Ուկրաինային Պուտինը հայտարարել է, որ Ռուսաստանը երբեք չի հրաժարվել Ուկրաինայի հարցով բանակցություններից Ռուսաստանը մոտ ապագայում կհասնի հաղթանակի. Մեդվեդև