Արմավիրի մարզպետը շրջայց է կատարել Արմավիրի մարզի շինարարական հրապարակներում

«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը և Արմավիրի մարզպետ Դավիթ Խուդաթյանը շրջայց են կատարել Արմավիրի մարզի շինարարական հրապարակներում՝ ծանոթանալով ճանապարհաշինական աշխատանքների ընթացքին։ Շինարարական և տեխնիկական հսկողություն իրականացնող ընկերությունների ներկայացուցիչները շինտեղամասերում ներկայացրել են աշխատանքների ընթացիկ վիճակը։ 

Առաջին կանգառը Ծիածան բնակավայրում էր։ Այստեղ նորոգվում է Տ-3-44, /Մ-5/ – Ծիածան – Աղավնատուն – Լեռնամերձ ավտոճանապարհի 7.3կմ հատվածը։ Կապալառուի կողմից կատարվում են հողային աշխատանքներ‚ հանույթ‚ տեղադրվում է հարթեցնող շերտ։ Այս հատվածում նախատեսված է նաև կամրջի‚ արհեստական այլ կառույցների նորոգում‚ կկառուցվեն մայթեր‚ գյուղտեխնիկայի անցումներ‚ ճանապարհը երկշերտ ասֆալտապատումից հետո կկահավորվի անվտանգության տարրերով։ 

Տ-3-11 /Հ-15/ (Արմավիր գ.) – Նալբանդյան – Գետաշեն – Նոր Կեսարիա – /Մ-5/ ավտոճանապարհի կմ6+000-կմ10+000 հատվածի հիմնանորոգումն ավարտական փուլում է‚ այստեղ որոշ հատվածներում կատարվում են մայթերի սալիկապատման և այլ աշխատանքներ։ 

Հ-15, /Մ-5/ (Նորապատ) -Արգավանդ –/Մ-3/ (Վարդանաշեն) հանրապետական նշանակության ավտոճանապարհի առաջինից երրորդ կմ հատվածում այս պահին կատարվում են մայթերի կառուցման աշխատանքներ։ Ճանապարհին առկա են մի շարք կամուրջներ‚ որոնք նույնպես կնորոգվեն։ Շինարարը նշեց‚ որ որոշ տեղամասերում ճանապարհի երթևեկության մեծ ինտենսիվությունը որոշակիորեն խոչընդոտում է շինարարական աշխատանքներին։ 

Գոռ Ավետիսյանը և Դավիթ Խուդաթյանն իրենց նկատառումները ներկայացրին շինարարներին ու տեխհսկողներին։ Ճանապարհային դեպարտամենտի գործադիր տնօրենը շեշտեց‚ որ աշխատանքների ընթացքում խստագույնս պետք է առաջնորդվել շինարարական նորմերով‚ ցանկացած շեղում շիննորմերից ունենալու է համարժեք արձագանք։ Պարոն Ավետիսյանը կապալառուներին հանձնարարեց նաև աշխատանքների ընթացքում հետևել անվտանգության նորմերին‚ կատարել շինհրապարակների պատշաճ կահավորում։

Ճանապարհային դեպարտամենտի ղեկավարը և Արմավիրի մարզպետը քննարկեցին նաև մարզով անցնող ճանապարհների ներկա վիճակը‚ առանձնացվեցին որոշ ճանապարհահատվածներ‚ որոնք նորոգման կարիք ունեն։

Այս թեմայով Չեմ ուրանալու ձեզ, մնալու ենք հրապարակներում և փողոցներում, հաղթանակից մի քանի քայլ ենք հեռու (տեսանյութ) «Դուք սխալ մարդու վրա եք խաղադրույք կատարել». Արդյո՞ք Ելցինը դեմ էր Քոչարյանի թեկնածությանը (տեսանյութ) Հանցավոր խումբը թմրամիջոցների ապօրինի շրջանառությամբ ձեռք է բերել 231 մլն դրամ, կատարել է խոշոր չափերով փողերի լվացում. ՔԿ Գեղարքունիքի խոպանչի մարզպետը որոշել է, որ մարդիկ այստեղ չպետք է մասնակցեն մեր հանրահավաքին․ Դանիելյան (տեսանյութ) Գեղարքունիքի մարզպետը տնօրեններին հրահանգել է՝ բացառել աշխատակիցների հանդիպումը Սրբազանի հետ. Yerkir.am Գեղարքունիքի մարզի բուժհաստատություններում մայիս ամսին ծնվել է 108 երեխա Արմավիրի մարզպետը «ՔՊ»-ին շնորհակալություն է հայտնել Գյուլնազարյանին Փարաքարի ղեկավար ընտրելու համար Որոշ դպրոցներ կկառուցվեն քանդվող հին շենքերի տեղում․ Սյունիքի մարզպետը քննարկում է կազմակերպել «Կառավարությունը մեր ընդունած օրենքը չի կատարել», «Դրա համար նախարար է փոխվել». ԱԺ նիստ (տեսանյութ) ՄԻՊ-ը շրջայց է իրականացրել հեղեղումներից տուժած վայրերում, հանդիպել է բնակիչների հետ