Դետեկտիվ ժանրի հետապնդում՝ Վանաձորում. փորձել են թալանել Վանաձորում հայտնի «Ֆուլ հաուս» սուպերմարկետը

SHAMSHYAN.com-ի տեղեկություններով՝ մարտի 6-ին արտակարգ դեպք է տեղի ունեցել Լոռու մարզում։ Այդ օրը անհայտ անձը ժամը 05:00-ի սահմաններում Վանաձոր քաղաքի Մոսկովյան փողոցում գործող «Ֆուլ հաուս» սուպերմարկետը փորձել է թալանել։

Ինչպես հայտնում է ֆոտոլրագրող Գագիկ Շամշյանը, գողության պահին խանութի սեփականատիրոջ բջջային հեռախոսին ձայնային ազդանշանի ահազանգ է ստացվել, ու խանութի տերը շտապ մեկնել է խանութ և այնտեղ նկատել գողություն կատարող քաղաքացուն, ով, տեսնելով նրան, դիմել է փախուստի։

Խանութի սեփականատեր, 40-ամյա Արտակ Բ.-ն, վտանգելով իր կյանքը, հետապնդել է տականքին ու բռնել, որի ժամանակ նրանց միջև քաշքշուկ է տեղի ունեցել ու ստահակը մի քանի հարվածներ է հասցրել Արտակ Բ.-ին, ապա դիմել փախուստի:

Դեպքի վայր են ժամանել ՀՀ Ներքին գործերի նախարարության Ոստիկանության Պարեկային ծառայության Լոռու մարզի գումարտակի պարեկները։

Ֆոտոլրագրողի տեղեկություններով երբ պարեկները մոտեցել են դեպքի վայր, վիրավոր վիճակում գտնվող Արտակ Բ.-ն պարեկներին ցույց է տվել փախնող հանցագործին՝ ասելով խ, որ նա խանութը փորձել է թալանել, սակայն պարեկներին նույնպես չի հաջողվել բռնել նրան։

 Դեպքի վայր են ժամանել Ոստիկանության Լոռու մարզային վարչության պետ Արթուր Զաքարյանը, ոստիկանության Տարոնի բաժնի պետ Արսեն Աղումյանը։Ահազանգով ժամանել է նաև Հայաստանի քննչական կոմիտեի Լոռու մարզային քննչական վարչության խումբը։

Դեպքի փաստով քննչական վարչությունում նախաձեռնվել է քրեական վարույթ։ Արտակ Բ.-ն մարմնական վնասվածքներով տեղափոխվել է «Վանաձոր» բժշկական կենտրոն։

Նա ստացել է «ոտնաթաթի մատի կոտրվածք, արմնկի հոդի կոտրվածք և դեմքի քերծվածքներ» վնասվածքները։

Ոստիկանությունն ունի նաև օպերատիվ տեղեկություններ, որ գողը միայնակ չի եղել, և նրանք եղել են դիմակավորված։

Այդ տեղեկատվությունները օպերատիվ ճանապարհներով պարզվում են։Ֆոտոլրագրողի տեղեկություններով՝ երբ խանություն տեղադրված անվտանգության ձայնային ազդանշանը միացել է, տերը բահով եկել է խանութ և տեսել, որ ապակին կոտրած է. նա մտել է ներս, այդ ժամանակ հարձակվել են նրա վրա, բահը ձեռքից խլել, նրան գցել գետնին ու սկսել հարվածել, ապա դիմել են փախուստի:

Այս թեմայով Տղամարդը փորձել է թռիչքի ժամանակ բացել Երևան-Մոսկվա ինքնաթիռի դուռը «Դխկ» մականունով հայտնի ոստիկանը հուշում է` Սրբազանից պահանջել, «չվիրավորել» իրավապահներին (տեսանյութ) Հայաստանի իշխանությունները փոխանակ պատասխանեն Ադրբեջանին, փորձել են ճնշել սեփական ժողովրդին․ Սրբազան Հայտնի են ֆուտզալի Հայաստանի հավաքականի մրցակիցները ԵՎՐՈ-2026-ի որակավորման փուլում Օդանավակայանում հացադուլ հայտարարած Լեո Նիկոլյանին քնեցրել են և փորձել փոխադրել Ֆրանսիա․ «Իրավունք» Հայտնի են դարձել EWC 2024 Հայաստանի ազգային հաղթողները Հայտնի օլիգարխի գլխավորությամբ մարտական խմբեր են կազմվում՝ ըստ լուրերի. Սրբազան (տեսանյութ) Խ. Սուքիասյանը կարող է փորձել ինձնից սկսել՝ սպանել, ունեզրկել և այլն, բարի ժամանց իրեն. Մամիջանյան (տեսանյութ) «Զվարթնոց» օդանավակայանում հացադուլ անող ֆրանսահայ լրագրողը հայտնել է, որ փորձել են իրեն թալանել Հայտնի է Ռաիսիի ու Աբդոլլահիանի հուղարկավորության օրը