Ադրբեջանը մեր ուշադրությունը հրավիրեց այն փաստի վրա, որ ՀՀ տարածքը 29․743 քկմ է․ Փաշինյան

Այսօր հրավիրված ասուլիսի ընթացքում ՀՀ վարչապետ Նիկոլ Փաշինյանը անդրադարձել է Ադրբեջանի և Հայաստանի կողմից միմյանց տարածքային ամբողջականությունները ճանաչելու հարցին։ Մասնավորապես նա ասել է․ 

«Բրյուսելում հարց ծագեց՝ իսկ ի՞նչ նկատի ունի Ադրբեջանը՝ ՀՀ տարածքային ամբողջականություն ասելով, իսկ ի՞նչ նկատի ունի Հայաստանը՝ Ադրբեջանի տարածքային ամբողջականություն ասելով: Եվ խոսակցությունը զարգացավ դեպի այն կետը, որ երևի կան օբյեկտիվ տվյալներ և պետք է հղում անել մասնավորապես տարածքի տվյալի վրա: Պատկերացնում եք չէ՞ իրադրության լարումը, որ կողմերը պետք է ասեն՝ մեր երկրի տարածքը էսքանա։ Եվ այդտեղ առաջացավ գաղափար, որ հայտարարենք այն թիվը, որը ֆիքսված է Խորհրդային հանրագիտարանների վերջին հրատարակության մեջ»,- թեմայի վերաբերյալ նման տեղեկություններ է փոխանցել վարչապետն ու հայտնել՝ այդ ժամանակ կապվել է ՀՀ գործընկերների հետ և ասել, որպեսզի նկարեն հանրագիտարանում ՀՀ և Ադրբեջանի տվյալները և ուղարկեն իրեն։

«Այդ տվյալները փոխանցվեցին Եվրամիության խորհրդի նախագահին, սակայն հետո ավելի մանրամասն դիտարկեցինք, տեսանք, որ հանրագիտարանում ուրիշ թվեր էլ կան․ տիտղոսին գրած է 29․800 քկմ, հետո պարզվեց, որ դա կլորացրած թիվ է, տեքստի մեջ կա ուրիշ թիվ՝ 29․743 քկմ։

Այդ թվում՝ Ադրբեջանը մեր ուշադրությունը հրավիրեց այն փաստի վրա, որ ՀՀ պետական մի շարք մարմինների կայքերում ՀՀ տարածքը 29.800 քկմ-ից պակաս թիվ՝ 29․743 քկմ է գրած: Եվ նույնն էլ վերաբերում է Ադրբեջանին: Այս հարցի շուրջ քննարկումների պատճառով էր, որ որոշակի լարումներ և փոխադարձաբար շատ խորը կասկածներ առաջացան»,- թեման ամփոփելով՝ ասաց նա։

Այս թեմայով Փաշինյան-Պուտին հեռախոսազանգ՝ երկար դադարից հետո․ ի՞նչ հարցեր են քննարկվել Մարուքյանը պայմա՞ն է դնում, թե՞ գործարք է առաջարկում Փաշինյան-Սրբազան բանակցության համար (տեսանյութ) Ադրբեջանը սպառնում է 250․000 ադրբեջանցու անուն հրապարակել, որոնք, իբրև, ապրել են Հայաստանում․ նոր անակնկալներ են սպասվում Սեփական ժողովրդին ոչնչացնող Ադրբեջանը մեղադրում է հայերին․ «Գեղարդ» հիմնադրամի հայտարարությունը Այս ջրհեղեղի հետևանքով նոր պետք է անդրադառնանք ճանապարհաշինական ստանդարտներին. Փաշինյան (տեսանյութ) Կղերաֆեոդալական համակարգը բունտ է անում հիմա. Փաշինյան (տեսանյութ) Սահմանազատված հատվածներում ապահովված է անվտանգության հնարավոր ամենաբարձր երաշխիքը. Փաշինյան (տեսանյութ) Եթե հարկ լինի` Կիրանցում նոր դպրոց կկառուցենք, ծնողների հետ կքննարկենք անվտանգության հարցը․ Փաշինյան (տեսանյութ) Դուրս եմ եկել Փաշինյան-Ալիև դուետի դեմ. վերստին ասում եմ՝ Ալիև՛, գլուխդ պատին ես տվել. Սրբազան (տեսանյութ) Էդ էլիտաները իրենց «Բրաբուսներով» պատերազմների ժամանակ էլ, խաղաղության ժամանակ էլ չեն տառապում․ Փաշինյան (տեսանյութ)