Ռումինիայում մեկնարկել է ՆԱՏՕ-ի ամենամեծ ռազմաբազայի շինարարությունը

Ռումինիայում մեկնարկել է Եվրոպայում ՆԱՏՕ-ի ամենամեծ ռազմաբազայի շինարարությունը։ Փոքր քաղաքի չափ և մոտ 3000 հեկտար տարածք ունեցող բազան կկարողանա տեղավորել ՆԱՏՕ-ի մինչև 10 միլիոն զինծառայող և նրանց ընտանիքներին: 2,5 միլիարդ եվրո արժողությամբ նախագիծը ներառում է թռիչքուղիներ, զենքի հարթակներ, ռազմական ինքնաթիռների համար նախատեսված անգարներ, դպրոցներ, մանկապարտեզներ, խանութներ և հիվանդանոց, գրում է Euronews-ը։

Շինարարությունը սկսվել է բազայի ենթակառուցվածքով, այսինքն՝ մուտքի ճանապարհներով և էլեկտրական ցանցերով, և շուտով կսկսվի գործողին զուգահեռ նոր երթուղու կառուցումը։ Արևելյան մասում կգործի օդանավակայան՝ տարբեր տեսակի ինքնաթիռների ընդունման, կայանման և առաքման համար։

Շինարարության համար հիմք է հանդիսանալու Սև ծովի ափին գտնվող Կոնստանտա քաղաքը։ Ռումինական բազան ավելի մեծ կլինի, քան Գերմանիայի «Ռամշտայն» ավիաբազան։

Մարտի 12-ին Շվեդիայի արտաքին գործերի նախարար Թոբիաս Բիլստրյոմը հայտարարեց, որ իր երկիրը դեմ է իր տարածքում ՆԱՏՕ-ի մշտական ​​բազաների ստեղծմանը։ Միջուկային զենքի տեղակայման հարցում նման դիրքորոշում է ցուցաբերում Շվեդիայի կառավարությունը։

Մարտի 11-ին ՆԱՏՕ-ի գլխավոր քարտուղար Յենս Ստոլտենբերգը հայտարարել էր, որ Շվեդիայի՝ ՆԱՏՕ-ին անդամակցելուց հետո դաշինքը մտադիր չէ ընդլայնել միջուկային զենք ունեցող երկրների թիվը։ Ստոլտենբերգն ընդգծել է, որ դաշինքը հասկանում է պաշտպանական բոլոր հնարավորությունների, այդ թվում՝ միջուկային ռազմավարության անհրաժեշտությունը։ Միևնույն ժամանակ, ՆԱՏՕ-ն չի տեսնում խաղաղ ժամանակ Շվեդիայում մշտական ​​բազաներ կամ միջուկային զենք տեղակայելու անհրաժեշտություն։

Այս թեմայով Մոլդովայում մեկնարկել են ՆԱՏՕ-ի շտաբային զորավարժությունները․ մասնակցելու է նաև Հայաստանը ՆԱՏՕ-ի անունից X-ում ցավակցական գրառում է արվել՝ Իրանի նախագահի մահվան կապակցությամբ Ոչնչացված «Ղազանչեցոցի» կողքին Բաքվի վանդալները նախագծում են ամենամեծ մզկիթը կառուցել ՆԱՏՕ-ում հաստատել են, որ Ուկրաինայի զինված ուժերը գտնվում են ծանր իրավիճակում Մեկնարկել է Հայաստան-Ղազախստան խաղի տոմսերի վաճառքը Լիտվայում մեկնարկել են նախագահական ընտրություններն ու երկքաղաքացիության ներդրման հանրաքվեն ՆԱՏՕ-ն գնահատել է Ուկրաինա զորքեր ուղարկելու հնարավորությունը Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ) Մեծ Բրիտանիան հայտարարել է Ուկրաինային տրամադրվող ռազմական օգնության ամենամեծ փաթեթի մասին ՆԱՏՕ-ի համաժողովում հայկական կողմը համագործակցության ընդլայնման պայմանավորվածություն է ձեռք բերել