«Ժողովուրդ». Իշխանություններն անհանգստացած են արցախցիների համախմբմամբ ու այսօրվա հանրահավաքով. մանրամասներ

«Ժողովուրդ» օրաթերթը գրում է․ «Արցախի ժողովրդի կարիքների ապահովման նախաձեռնության այսօրվա հանրահավաքը, որը տեղի կունենա Ազատության հրապարակում, ժամը 15:30-ին, մեծ հետաքրքրություն է առաջացրել հայկական տեղեկատվական ու քաղաքական դաշտում:

Ակնհայտ է, որ ՀՀ իշխանությունները որոշակիորեն անհանգստացած են և տարբեր ձևերով փորձում են կանխել արցախցիների համախմբումը, իսկ այս նախաձեռնությունը արդեն բավականին ներքին համախմբում է ապահովել արցախցիների շրջանում:

Ըստ «Ժողովուրդ» օրաթերթի տեղեկությունների՝ ակնկալվում է, որ հազարավոր արցախցիներ ու հայաստանցիներ են մասնակցելու հանրահավաքին՝ իրենց ձայնը բարձրացնելու Արցախի ժողովրդի իրավունքների պաշտպանության համար: Մեզ հետ մասնավոր զրույցում որոշ արցախցիներ նշել են, որ նույնիսկ 10,000-ից ավելի մարդ կարող է մասնակցի հանրահավաքին:

Նշենք, որ բացի տարբեր ճնշումների վերաբերյալ տեղեկություններից, հանրահավաքի մասին հայտարարությունից հետո ՀՀ իշխանությունները մի քանի էական զիջման գնացին բնակարանային ու սոցիալական ծրագրերի՝ նախօրոք հայտարարված մոտեցումներում:

Ըստ որոշ տեղեկությունների հայրենի իշխանությունները սպասում են հանրահավաքին, որ ըստ մարդկանց քանակի ու ստացված ազդակների, վերջնականացնեն իրենց մոտեցումները ոչ միայն բնակարանային, այլև՝ արցախցիներին առնչվող այլ ծրագրերի մասով: Ուստի, վճռորոշ միջոցառում է այսօր արցախցիների համար, որից էլ կախված կլինեն հաջորդ զարգացումները:

Ի դեպ, թեև իշխանությունները փորձում են ներքաղաքական «պիտակ» կպցնել այս շարժմանը, բայց, մեր տեղեկություններով, նախաձեռնության բոլոր անդամները հենց սկզբից պայմանավորվել են, որ այն պահելու են լրիվ հեռու հայաստանյան ներքաղաքական գործընթացներից և զբաղվելու են բացառապես Արցախի ժողովրդի իրավունքների պաշտպանությամբ ու կարիքների ապահովմամբ:

Բացի դրանից, նախաձեռնության մեջ հստակ դիրքորոշում կա, որ իրենց գործողություններով չպետք է նպաստեն հայ ժողովրդի մեջ պառակտման ու Արցախի Հանրապետության պետական մարմինների չեզոքացման ջանքերին, ինչի ուղղությամբ հետևողականորեն աշխատում են հայրենի իշխանությունները»:

Այս թեմայով Հայտնիները հրավիրում են այսօրվա հանրահավաքին (տեսանյութ) Փրկարար ծառայությունը մանրամասներ է հայտնել Մասիս-Այնթապ ավտոճանապարհին տեղի ունեցած ողբերգական վթարից ԼՂ կուտակային համակարգի կենսաթոշակային խնայողությունը կտեղափոխվի ՀՀ ֆոնդ. մանրամասներ Պայթյունից հետո տեղի է ունեցել 3 հեղուկ գազի, 1 դիզելի և 1 բենզինի ցիստեռի արտահոսք՝ հրդեհի բռնկումով․ մանրամասներ Հայաստանում տեղի ունեցող ամեն վատ բանի մեղավորը ՀՀ դե-ֆակտո թուրքական իշխանություններն են. Էդգար Էլբակյան Երևան-Սևան ճանապարհի գազալցակայանում պայթյուն է որոտացել․ մանրամասներ Շուրջ 5 ժամ փակ մնալուց հետո Լարսի անցակետը բացվել է. ՌԴ-ում ՀՀ դեսպանությանը կից մաքսային կցորդը մանրամասներ է հայտնում Սրբազան պայքարի հաջողվելուց հետո սպասում ենք հստակ քայլերի՝ արցախցիների հավաքական վերադարձ դեպի Արցախ. հանրահավաքի մասնակից (տեսանյութ) Գանգի, դիմային ոսկրերի ու այլ կոտրվածքներ. ԲԿ-ն մանրամասներ է հայտնել պատուհանից ընկած երեխայի վիճակից Զգո՛ւյշ երթևեկեք. Սանոսյանը մանրամասներ է հայտնում աղետի գոտում տարվող աշխատանքներից (տեսանյութ)