Փաշինյանն ուզում է հաղթել Զելենսկուն. Անդրանիկ Թեւանյան

Փաշինյանն ուզում է հաղթել Զելենսկուն: Այս մասին Facebook-ի իր էջում գրել է «Մայր Հայաստան» շարժման առաջնորդ Անդրանիկ Թևանյանը:

Նա, մասնավորապես, նշել է. «Անխոհեմության, անհեռատեսության ու ինքնաոչնչացման հարցում մի ներքին սփոփանք կար մոտս (դա կոչվում է «համապատասխան» սրտի անհամապատասխան մխիթարանք), որ չնայած Փաշինյանի բերած մղձավանջին, մենք այդուհանդերձ աշխարհում առաջին տեղում չենք: Ներքին «փիլիսոփայական» ուրախություն կար, որ ուկրաինացիներից հետ ենք գտնվում համաժողովրդական մազոխիզմի ու պետականակործան էֆտանազիայի գնալու հարցում:

Դատելով ամենից՝ Փաշինյանն ուզում է առաջ անցնել Ուկրաինայի տխրահռչակ նախագահ Զելենսկուց՝ սեփական պետությունն այլոց ձեռքում մանրադրամ դարձնելու, սեփական երկրի գյուղերն ու քաղաքներն ավերակ դարձնելու, սեփական ժողովրդին թնդանոթի միս սարքելու հարցում:

ՆԱՏՕ-ի գլխավոր քարտուղարը Երևանում արձանագրեց այդ ամենը՝ Հայաստանի համար կանխատեսելով ավելի վատ հեռանկար, քան Ուկրաինայի դեպքում է: Այսինքն՝ կրկին «չեմպիոն» դառնալու գծի վրա ենք: Ինչպես 1915-ին:

Ստոլտենբերգը հաճելիորեն զարմացած է, որ ի դեմս Նիկոլ Փաշինյանի իրենք գտել են Հայաստանը հակառուսական պայքարի և համաշխարհային աջ-տրոցկիզմի զոհասեղանին դնելու պատրաստ մեկին: Դրանից չօգտվելը հիմարություն կլիներ և չի կարելի մեղադրել դրսի մարդկանց, թե ինչու մեր փոխարեն Հայաստանի մասին հոգ չեն տանում:

Ինչ մնում է Թուրքիային ու Ադրբեջանին, ապա դրանք Փաշինյանի պես նվերի մասին նույնիսկ չէին կարող երազել:

Հայ ժողովուրդը պետք է Ուկրաինա չդառնա: Ամո՛թ է: Հետո ի՞նչ, որ գերեզման ուղարկելուց առաջ մեզ պլպլան եվրոպական դագաղ են ցույց տալիս: Սևրում էլ էին ցույց տվել: Հետո ի՞նչ: Պատմության նույն դասարանում քանի՞ անգամ կարելի է մնալ:

Հ.Գ.: Մեր տարածաշրջանում հակապետական, էքսցենտրիկ, արկածախնդիր ու մարազմատիկ ղեկավարներ բոլորն էլ ունեցել են: Ադրբեջանն Էլչիբեյ ունեցավ, Վրաստանը՝ Գամսախուրդիա և Սահակաշվիլի: Բոլորի դեպքում էլ եղան տարածքային կորուստներ:

Փաշինյանը գերազանցեց սրանց՝ պետությանը տված իր վնասով:

Ամբողջ խնդիրն այն է, որ Էլչիբեյը, Գամսախուրդիան, Սահակաշվիլին իրենց տված վնասից հետո արագ դուրս շպրտվեցին պետական համակարգից: Փաշինյանը 2020-ից հետո դեռ մնացել է: Այս խարանից պարտավոր ենք ազատվել՝ վատ իմաստով համաշխարհային ռեկորդակիր չդառնալու համար:

Այս թեմայով Որպեսզի չգուշակենք, Փաշինյանն ինքը թող հայտարարեր, թե այդ ո՞ր երկրներն են պատրաստվել ԼՂ-ի պատերազմին. Զախարովա (տեսանյութ) Ես մասնակցելու եմ մայիսի 26-ի հանրահավաքին. չեմ ուզում իմ երկիրը դառնա թուրքական վիլայեթ. մշակույթի վաստակավոր գործիչ Դավիթ Սահակյանց Անբացատրելի գումարներ են առաջարկել կիրանցեցիներին, ասել են՝ ինչ թիվ ուզում եք, թղթին գրեք. Դանիելյան (տեսանյութ) Փաշինյանն ասում ա՝ Արցախը «պավադոկ» էր ՀՀ-ի վզին, փաստորեն, եթե թոկ էր, պետք էր կտրել (տեսանյութ) «Հրապարակ»․ Նիկոլ Փաշինյանն անձամբ է հետևում լայվերին ԵՊՀ ռեկտորը տեսել է` ինչ է կատարվում երկրում, նա ուզում է անցանկալի աշխատողներին ազատել աշխատանքից. Դանիելյան (տեսանյութ) Զգում են, որ իշխանությունը կորցնում են, ուզում են իրենց թիմակիցներին «դուխ» տան. Արա Ռոստոմյան (տեսանյութ) Անդրանիկ Քոչարյանն էս շանսը պտի օգտագործի, հետո էլ ուրիշ շանս չի լինելու. Գառնիկ Դանիելյան (տեսանյութ) Էդ քուչի շներին նայում եմ ու ուզում, որ երկրի թիվ 1 ամբիոնից սրանք խոսելու հնարավորություն չունենան Նիկոլ Փաշինյանն ընդունել է ԱՄՆ կենտրոնական հետախուզական վարչության ղեկավարի տեղակալին