Այսքան ուրախ կյանքը մեր. երջանկության մեջ... ծփում ենք. «Փաստ»

«Փաստ» օրաթերթը գրում է.

Առօրյա-կենցաղային մեր բառուբանում այդպիսի հեգնական արտահայտություն կա՝ «երջանկությունից մեռնում ենք»: Հիմա՝ իսկը այդ դեպքն է: Կա, ուրեմն, «Երջանկության մասին» համաշխարհային զեկույց: Նորն է հրապարակվել, թարմը: Թե այդ զեկույցը կազմողներն ինչ չափանիշներ, չափորոշիչներ են կիրառել, առհասարակ, հայտնի է, բայց... Բայց պետք էր չափազանց ցինիկ լինել՝ Հայաստանը տարածաշրջանում ամենաերջանիկ երկրների, հասարակությունների շարքը խցկելու համար:

Ահավասիկ, ըստ այդ զեկույցի, Հայաստանը 82-րդ տեղում է, իսկ հարևան երկրներից Վրաստանը՝ 2024 թ. աշխարհի ամենաերջանիկ երկրների շարքում զբաղեցնում է 91-րդ հորիզոնականը, Թուրքիան՝ 98-րդ, Իրանը՝ 100-րդ: Ու այս «երջանկավետ» զեկույցը իշխանական քարոզչությունը, ընկալելով որպես երկնային մանանա, անմիջապես սկսեց տարփողել, թե՝ տեսե՜ք, համոզվե՜ք, որ Հայաստանը, Հայաստանի ժողովուրդը Վրաստանից, Թուրքիայից, Իրանից, ամենակարևորը՝ Ադրբեջանից երջանիկ է:

Չէ, լուրջ՝ «երջանկությունից կոտորվում ենք», «երջանկության մեջ լող տալիս», պարզապես մենք՝ Հայաստանում ապրողներս, տեղյակ չենք: Երկիրը, որն իր իշխանությունների վարած «քաղաքականության», վախկոտական «դիրքորոշման» հետևանքով կորցրել է Արցախը, կորցրել է իր անվտանգային վահանը, իր կենսատարածքը... երջանկության ցուցանիշով առաջ է անցել անգամ թշնամուց:

Իմիջիայլոց, երեկ էլ ինչ-որ «Երջանկության համաշխարհային օրն» էր: Ու սարսափելի է պատկերացնել, թե համաշխարհային զեկույցներով Հայաստանը երջանիկ երկրների շարքում ո՛ր տեղը կգրավի, երբ Տավուշը թշնամու ոտի տակ դնելու փաշինյանական ծրագիրն իրագործվի: Երևի «երջանկության ցուցանիշով» աշխարհի չեմպիոն կդառնանք:

Այս թեմայով Հարկատուն հերոս չի, ժողովու'րդ, հերոսն այն մարդն է, ով պատրաստ է կյանքը տալ հայրենիքին. Պողոսյան (տեսանյութ) Այն, որ ՀՀ իշխանությունը հաստատում է ադրբեջանական պահանջն ու իր մտադրությունը` փոխելու ՀՀ Սահմանադրությունը, արդեն փաստ է. Տիգրան Աբրահամյան Բագրատ Սրբազանի մասին մի փաստ ուղղակի ինձ համար որոշիչ եղավ․ Տիգրան Քոչարյան Սարդարապատի ծնունդն ենք մենք. պետք է վերականգնենք մեր կյանքը, ապաքինենք վերքերը. Սրբազան (տեսանյութ) Բագրատաշենցին վտանգելով իր կյանքը հեղեղի ժամանակ լողալով փրկել է իր կովերին (տեսանյութ) Ես իմ կյանքը զոհաբերել եմ, նման նախադեպ կա՞, չկա, ինձ համար վարչապետի պաշտոնը գրավիչ չէ․ Սրբազան (տեսանյութ) Տիգրանաշենո՞ւմ էլ են կադաստրային վկայականները տրվել «ոչ ճշգրիտ տվյալների հիման վրա». «Փաստ» Ինչո՞ւ են անձրևների արդյունքում Երևանում «գետեր» ու «լճեր» առաջանում. «Փաստ» «Բիոլաբորատորիաների գործունեությունը մեծ ռիսկեր ու սպառնալիքներ է պարունակում». «Փաստ» Վատ լուր ունեմ. մեր էներգետիկ համակարգը փլուզման եզրին է, եթե ատոմակայանի կյանքը չերկարացվի (տեսանյութ)