Քննարկվել են ԵԽ կողմից իրականացվող ծրագրերի ընթացքը և գրանցված ձեռքբերումները

Արդարադատության նախարարի տեղակալ Կարեն Կարապետյանը Ստրասբուրգ կատարած այցի շրջանակում հանդիպել է Եվրոպայի խորհրդի Մարդու իրավունքների և իրավունքի գերակայության հարցերով գլխավոր տնօրեն Խրիստոս Ջակումոպուլոսին։

Արդարադատության նախարարությունից տեղեկացնում են, որ Կարեն Կարապետյանը շնորհակալություն է հայտնել ԵԽ-ի կողմից Արդարադատության նախարարությանը մարդու իրավունքների պաշտպանության, մարդու իրավունքների պաշտպանության և օրենքի գերակայության ամրապնդման ուղղությամբ իրականացվող ռազմավարական բարեփոխումների և ժողովրդավարական կառուցակարգերի զարգացման օրակարգին ցուցաբերվող գործուն աջակցության համար։

Քննարկվել են ԵԽ կողմից իրականացվող ծրագրերի ընթացքը և գրանցված ձեռքբերումները, այդ թվում՝ դատաիրավական, հակակոռուպցիոն, քրեակատարողական և պրոբացիայի ծառայությունների բարեփոխումների օրակարգերի և ՄԻԵԴ վճիռների կատարման շրջանակներում:

Կողմերն ընդգծել են նաև ՀՀ-ԵԽ նոր 2023-2026 թթ. գործողությունների ծրագրի շրջանակներում նախարարության համակարգման ոլորտներում մեկնարկված ծրագրերը, մասնավորապես՝ ԼՂ-ից բռնի տեղահանված անձանց իրավունքների և երաշխիքների ապահովման և սահմանադրական արդարադատության համակարգի ամրապնդման ուղղություններով։ Քննարկվել են նաև Արդարադատության նախարարության և ԵԽ մարմինների ու կոմիտեների հետ ընթացիկ աշխատանքները: Մասնավորապես, անդրադարձ է կատարվել Վենետիկի հանձնաժողովի հետ համագործակցությանն ընթացող դատաիրավական, ընտրական և մարդու իրավունքների պաշտպանության բարեփոխումների շրջանակներում: Անդրադարձ է կատարվել Եվրոպայի խորհրդի Կոռուպցիայի դեմ պայքարի պետությունների խմբի (ԳՐԵԿՈ) Հայաստանի վերաբերյալ գնահատման չորրորդ փուլի զեկույցի հանձնարարականների կատարման առաջընթացին և հինգերորդ փուլի զեկույցի մշակման և հաստատման ընթացքին։

Գլխավոր տնօրեն Ջակումոպուլոսը բարձր է գնահատել ՀՀ կառավարության և Արդարադատության նախարարության կատարած աշխատանքները՝ մարդու իրավունքների պաշտպանության, դատաիրավական բարեփոխումների, կոռուպցիայի դեմ պայքարի, ՄԻԵԴ վճիռների կատարման ուղղությամբ և վստահություն հայտնել, որ ԵԽ հետ համագործակցությունը շարունակելու է իր նշանակալի ներդրումը գրանցել Հայաստանում ընթացող բարեփոխումների, ժողովրդավարության ամրապնդման, մարդու իրավունքների պաշտպանության և իրավական ինստիտուտների զարգացման գործում։

Հանդիպման ավարտին կողմերը քննարկել են նաև ԵԽ մարդու իրավունքների և իրավունքի գերակայության հարցերով գլխավոր տնօրինության աջակցության շրջանակների ընդլայնման հնարավորությունները՝ սահմանադրական բարեփոխումների, կոռուպցիայի դեմ պայքարի 2023-2026թթ․ ռազմավարության իրականացման աջակցության, անձնական տվյալների պաշտպանության և մի շարք այլ ուղղություններով։

Այս թեմայով Եկեղեցին հստակ կեցվածք ունի՝ անկախ իր դեմ իրականացվող անհասկանալի հալածանքներից․ Սրբազան (տեսանյութ) Ինչու Սրբազանը․ ում թեկնածություններն են քննարկվել․ «Հրապարակ» Տիգրան Ավինյանն այս պահին «Երևանի ավտոբուս» ՓԲԸ հավաքակայանում է Սգո մատյանում «Պատիվ ունեմ» խմբակցության և ՀՀԿ ԳՄ կողմից ցավակցություն հայտնեցի Իրանի ժողովրդին. Աբրահամյան Սատանայի կողմից հայ ժողովրդին առաջադրած 3-րդ փորձությունը շատ պրոֆեսիոնալ ա, «մաստեր կլաս ա» (տեսանյութ) Նախագահն ու ՄԱԿ-ի գրասենյակի մշտական համակարգողը քննարկել են համատեղ իրականացվող նախաձեռնությունները Իշխանության ռազմական աննախադեպ ձեռքբերումները. ՔՊ-ական պատգամավորի ցանկը Սրբազանը Աստծու կողմից ուղարկված մարդ է, ինչպես Արցախում, այնպես էլ Կիրանցում հանձնում են մեր հողերը (տեսանյութ) Իշխող ուժը ցանկանում է հարկ սահմանել փաստաբանների կողմից անվճար ծառայությունների մատուցման վրա Քննարկվել է Սահմանադրական դատարանի դատավորի ընտրության հարցը