Կստեղծվի Սպորտի կառավարման կենտրոն. նախագիծ․ «Փաստ»

«Փաստ» օրաթերթը գրում է.

Կրթության, գիտության, մշակույթի և սպորտի նախարարությունն առաջարկում է հիմնադրել «Սպորտի կառավարման կենտրոն» ՓԲԸ: Ընկերությունն իրականացնելու է սպորտի զարգացմանը միտված տարբեր ծրագրեր: Հանրային քննարկման ներկայացված նախագծում նշվում է, որ ներկայում Հայաստանի Հանրապետությունում պետական և համայնքային ենթակայությամբ գործում է ընդհանուր թվով 174 մանկապատանեկան մարզադպրոց, այդ թվում՝ 4 մարզական ՀԿ իրենց ենթակառուցվածքներով: Սակայն, ըստ նախարարության, դրանք, որպես ՊՈԱԿ-ներ և ՀՈԱԿ-ներ, չեն կարող կառավարվել «Սպորտի կառավարման կենտրոնի» կողմից: Ներկայում չկա ուսումնամարզական կենտրոն, որը կհամակարգի հանրապետությունում գոյություն ունեցող, նաև հետագայում կառուցվող և կառուցվելիք մարզակառույցները:

Իր իսկ նշանակությամբ ամբողջովին չի օգտագործվում Մանանդյան 41 հասցեի մարզահամալիրը, այդ թվում՝ մարզադաշտը և կից մարզադահլիճները: Ուստի, Սպորտի կառավարման կենտրոնը պետք է դառնա այն միասնական մասնագիտացված կառավարչական կենտրոնը, որը կկառավարի հանրապետությունում կառուցվող և կառուցվելիք մարզակառույցները, այդ թվում՝ յուրաքանչյուր մարզում նախատեսված արագ հավաքվող թեթև մետաղական կոնստրուկցիաներով մարզադահլիճները, ֆիզիկական կուլտուրայի և սպորտի ոլորտների 2023-2030 թթ. ռազմավարության նախագծով յուրաքանչյուր մարզում նախատեսված մարզահամալիրները, Լոռու մարզի Շամուտ գյուղում կառուցվելիք ըմբշամարտի մարզաբազան, Մանանդյան փողոց 41 հասցեի մարզահամալիրը և կառուցվելիք այլ մարզական օբյեկտներ:

Կստեղծվի կառավարման խորհուրդ, որի կազմում կընդգրկվեն ԿԳՄՍ նախարարը, նախարարի՝ սպորտի ոլորտը համակարգող տեղակալը, մեկական ներկայացուցիչ ֆինանսների, տարածքային կառավարման և ենթակառուցվածքների նախարարություններից և մարզաշխարհից: Խորհուրդը կընտրի գործադիր մարմնի ղեկավար և նրան կտա կոմերցիոն գործունեություն ծավալելու քվոտա: Առաջին փուլում ընկերությանը կհանձնվի Մանանդյան 41 հասցեում տեղակայված մարզահամալիրը և Ջրառատում կառուցվող Սիմոն Մարտիրոսյանի անվան մարզակառույցը: Հետագայում դրանում կընդգրկվեն նաև կառուցվող և կառուցվելիք այլ մարզահամալիրներ: Ընկերության եկամուտները կգոյանան նշված մարզակառույցների վարձակալության գումարներից՝ վճարովի մարզական խմբերի, տարբեր մարզաձևերի մարզական միջոցառումների ու հավաքների անցկացման վարձավճարներից:

Այս թեմայով Բագրատ Սրբազանի մասին մի փաստ ուղղակի ինձ համար որոշիչ եղավ․ Տիգրան Քոչարյան Ուսումնասիրում ենք եկեղեցու հազարավոր գույքերը, առաջիկայում հարկման նախագիծ կունենանք. ՔՊ (տեսանյութ) Լոռու և Տավուշի մարզերի աղետի գոտում ստեղծված իրավիճակի լուսաբանման նպատակով հիմնվել է Միասնական տեղեկատվական կենտրոն Աղետի գոտիներում ստեղծվել է միասնական տեղեկատվական կենտրոն Իսրայելական տանկերը հասել են Ռաֆահ քաղաքի կենտրոն․ Reuters Նիկոլ Փաշինյանը Լոռու եւ Տավուշի մարզերում արտակարգ իրավիճակի կառավարման օպերատիվ շտաբի նիստ է անցկացրել Հայաստանում շարունակվում է ԱՊՀ երկրների ֆիզիկական կուլտուրայի և սպորտի համաժողովը Տիգրանաշենո՞ւմ էլ են կադաստրային վկայականները տրվել «ոչ ճշգրիտ տվյալների հիման վրա». «Փաստ» Ինչո՞ւ են անձրևների արդյունքում Երևանում «գետեր» ու «լճեր» առաջանում. «Փաստ» «Բիոլաբորատորիաների գործունեությունը մեծ ռիսկեր ու սպառնալիքներ է պարունակում». «Փաստ»