«Նոա» ֆուտբոլային ակումբը համագործակցություն է սկսել պորտուգալացի մասնագետների հետ

«Նոա» ֆուտբոլային ակումբը բացառիկ համագործակցություն է սկսել միջազգային պրոֆեսիոնալ մարզչական թիմի հետ, որոնք Հայաստան են ժամանել Պորտուգալիայից և կաշխատեն «Նոա» ակումբում և ակադեմիայում։

Այս մասին հայտնում է «Նոա» ակումբի մամուլի ծառայությունը: Մարզիկների և զարգացման գծով մենեջերներ Պաուլո Լեյտաուն, Նունո Մոտան, որակի ապահովման և գործառնությունների մասնագետ Խորխե Ռաֆայել Սանտոսն ու ֆուտբոլիստների հավաքագրման մենեջեր Պաուլո Մորեյրան փորձառու մասնագետներ են։

Նրանք համագործակցել են եվրոպական մի շարք երկրների ակադեմիաների և ակումբների հետ, կրթել և աշխատել են մի շարք անվանի ֆուտբոլիստների հետ, ինչպիսիք են՝ Լուիշ Ֆիգուն, Կրիշտիանու Ռոնալդուն, Ռիկարդու Կուարեժման, Ռաֆայել Լեաուն, Գոնսալու Գուեդեշը, Նունու Մենդեշը և այլք։

«Մենք միշտ համագործակցել ենք այնպիսի ակումբների սեփականատերերի հետ, որոնց հետ կունենանք ընդհանուր գաղափար ու նպատակին հասնելու տեսլական։ «Նոա»-ի հետ համագործակցության հիմքում հենց այս սկզբունքներն են։ Ակումբի ղեկավարության հետ քննարկել ենք ակումբի և հատկապես ակադեմիայի զարգացման ռազմավարությունն ու եկել ենք ընդհանուր հայտարարի։ Երկար տարիներ աշխատելով ֆուտբոլային էլիտար կառույցներում, ունենալով բարձր արդյունքներ՝ պատրաստ ենք մեր փորձն ու գիտելիքները ներդնել «Նոա»-ի ու հայկական ֆուտբոլի զարգացման համար»,-«Նոա»-ին միանալուց հետո ասել է ֆուտբոլիստների զարգացման գծով պատասխանատու Նունո Մոտան։

«Նոա»-ի նախագահ Վարդգես Վարդանյանը նշում է. «Մենք հավաքագրել ենք այնպիսի միջազգային մասնագետների, որոնք մանկապատանեկան և պրոֆեսիոնալ ֆուտբոլի զարգացման ինստիտուցիոնալ հիմքեր ստեղծելու լուրջ փորձ ունեն: Այս պահին նրանք ուսումնասիրում են Ակադեմիայի ներկայիս դրությունն ու երկարաժամկետ զարգացման ռազմավարություն կազմում մեզ հետ: «Նոա»-ն միջազգային փորձը Հայաստան է բերում խելամիտ ձևով՝ հաշվի առնելով հայաստանյան իրավիճակը, բայց շարժվելով դեպի միջազգային գերազանցություն։ Վստահ եմ, որ մեր նոր գործընկերների ջանքերն ու գիտելիքն արդյունավետ կլինեն ոչ միայն «Նոա»-ի, այլև ոլորտի համար առհասարակ»։

Այս թեմայով Հայաստանը սկսել է խուսափել ՌԴ-ի հետ շփումներից ԱԳՆ-ի և ՊՆ-ի գծով. ՌԴ փոխարտգործնախարար Շվեյցարիան ՀՀ է գործուղել Մարդասիրական օգնության կորպուսի մասնագետների Գնել Սանոսյանի մայրը առանձնատուն է կառուցում․ Հակակոռուպցիոն կոմիտեն ստուգումներ է սկսել․ «Հետք» Այսօրվանից դիվանագետների խորհուրդը հանդիպումների շարք է սկսել օտարերկրյա ներկայացուցիչների հետ (տեսանյութ) Փաշինյանի թիմն արշավ է սկսել Հայ Առաքելական Եկեղեցու դեմ․ LES NOUVELLES D'ARMÉNI Մարդաորս ԱԳՆ-ի դիմաց․ կարմիրբերետներն իրենց վայրագությունները սկսել են բանեցնել ցուցարարների հանդեպ (տեսանյութ) Գուցե հարգարժան սրբազանների սրտերն այնքան են լցվել ատելությամբ, որ սա սկսել է մթագնել նրանց բանականությունը. Ռուբինյան Մասնագետների հետ դիտարկել ենք հեղեղից վնասված կամուրջները․ Սանոսյան Հոգևորականը ծոմ է սկսել հրապարակում` ի աջակցություն Սրբազանի Շարժման (տեսանյութ) Խ. Սուքիասյանը կարող է փորձել ինձնից սկսել՝ սպանել, ունեզրկել և այլն, բարի ժամանց իրեն. Մամիջանյան (տեսանյութ)