«Հայկական սփյուռքի կենտրոնի» ղեկավար Ամրամ Պետրոսյանի ջանքերով՝ հայկական գյուղմթերքը կարտահանվի Կամերուն

Կամերունն իր դռներն է բացում հայ ձեռներեցների առաջ՝ կենտրոնանալով գյուղատնտեսական մթերք արտադրողների վրա։ Այս նախաձեռնությունն իրականացնելու համար ակտիվանում է «Հայկական սփյուռքի կենտրոնի» գործունեությունը, որն իր ներկայացուցչությունն է բացում երկրի մայրաքաղաք Յուանդայում։ Ներկայացուցչությունը կգլխավորի Կամերունի գործարար համայնքի նշանավոր ներկայացուցիչ, բարերար, հասարակական գործիչ և Աֆրիկայի խոշորագույն տեղեկատվական տեխնոլոգիաների ընկերություններից մեկի ղեկավար Թոնի Սմիթը: Այս որոշումը կայացվել է Թոնի Սմիթի և «Հայկական սփյուռքի կենտրոնի» ղեկավար Ամրամ Պետրոսյանի հանդիպման արդյունքում։

««Հայկական սփյուռքի կենտրոնի» առաջնահերթությունը հայ գյուղմթերք արտադրողներին աջակցելն է։ Գյուղատնտեսությունը մարդկային զարգացման հիմքն է և այնքան կարևոր դեր է խաղում, որ ազդում է երկրի ողջ տնտեսության վրա։ Առանց այս ոլորտի զարգացման՝ պետությունը չի կարող լինել բարգավաճ և անկախ»,- ասել է Ամրամ Պետրոսյանը։

Կամերունի համար արդիական է բարձրորակ և մրցունակ գյուղատնտեսական արտադրանքի մատակարարումը, որը կարող են ապահովել Հայաստանից արտադրողները։ Սմիթի խոսքով՝ Կամերունում հայկական ձեռներեցության ակտիվացումը հայ գյուղմթերք արտադրողների համար բացում է ավելի քան 40 միլիոնանոց սպառողական շուկա։

Սմիթը «Հայկական սփյուռքի կենտրոնի» ղեկավար Ամրամ Պետրոսյանի հետ բանակցությունների շրջանակում այցելել է հայ արտադրողների ձեռնարկություններ՝ ծանոթանալու նրանց արտադրանքին։ Բացի այդ, տեղի են ունեցել առարկայական բանակցություններ հայ ֆերմերների հետ, ցուցադրվել են արտադրանքի նմուշներ, անցկացվել են համտեսներ, հատուկ ուշադրություն է դարձվել ձեռներեցների տեսլականի քննարկմանը հայկական արտադրանքը Կամերունի շուկա ներմուծելու տեխնոլոգիայի վերաբերյալ։

Կամերունի աշխարհագրական դիրքը, երկաթուղիների և օդանավակայանների զարգացած ցանցի առկայությունը նպաստավոր պայմաններ են ստեղծում լոգիստիկայի համար։ Կամերունի տնտեսական ներուժը մեծ է։ Մասնավորապես, նավթի պաշարների շնորհիվ երկիրը Աֆրիկայում ֆինանսապես ամենաանկախներից է։ Նաև այս պահին հանրապետությունում տեղի է ունենում գիտատեխնիկական և տեղեկատվական հեղափոխություն, որն արդեն նկատելիորեն փոխել է երկրի տնտեսական զարգացման պայմաններն ու բնույթը։ Ձևավորվում է նոր տեխնոլոգիական և տնտեսական կառույց, որտեղ գիտելիքն ու տեղեկատվությունը խաղում են հիմնական արտադրական ռեսուրսի դերը։ Ըստ այդմ, Կամերունը կարող է նաև շահագրգռված լինել հայկական ՏՏ ընկերությունների հետ փոխգործակցությամբ, ինչը կարող է խթան հանդիսանալ համագործակցության այլ ոլորտների զարգացման համար։

«Ես աջակցում եմ «Հայկական սփյուռքի կենտրոնի» աշխատանքին Կամերունում հայ գործարար համայնքի գործունեությունը հիմնելու համար: Մեր երկրի համար շատ կարևոր է ունենալ հուսալի և ուժեղ գործընկերներ գյուղատնտեսության և ՏՏ ոլորտներում։ Ես պաշտպանում եմ «Հայկական սփյուռքի կենտրոնի» ղեկավար պարոն Պետրոսյանի որոշումը՝ մեր երկրում «Հայկական սփյուռքի կենտրոնի» ներկայացուցչություն հիմնելու վերաբերյալ։ Ինձ համար մեծ պատիվ է նման դժվարին ժամանակներում լինել  հայկական և կամերունական բիզնեսների միջև համագործակցության ամրապնդմանն ուղղված աշխատանքի մի մասը: Ի վերջո, հենց գործարար համայնքն է, որ կարող է հիմք ստեղծել մեր երկրների և ժողովուրդների արդյունավետ և բարգավաճ ապագայի համար»,- եզրափակել է Թոնի Սմիթը:

Այս թեմայով Ես և հոգևոր արժեքային համակարգ ունեցող բոլոր մարդիկ միշտ էլ Հայ Առաքելական Եկեղեցու և Վեհափառ Հայրապետի կողքին ենք. «Միասնություն» շարժման ղեկավար Արման Վարդանյան Դեռ լիքը աշխատանք կա, որ հասնենք Փաշինյանի հրաժարականին, իսկ Սրբազանը կարող է ղեկավար լինել. Րաֆֆի Հովհաննիսյան Այս պահին առկա պաշտոնական տեղեկատվությամբ` Լոռիում ու Տավուշում աշխատանքները տարվում են միայն տեղի փրկարարների ջանքերով ՀՀ այս իշխանությունը դատարկում է Հայաստանը հայկական բովանդակությունից. Իշխան Սաղաթելյան (տեսանյութ) Արցախը, միանշանակ, հայկական է, այստեղ քննարկելու հարց չկա. Ստեփան Գրիգորյան (տեսանյութ) Դանիել Դավթյանը՝ Սփյուռքի գործերի հանձնակատար Փաշինյանը կադաստրի կոմիտեի ղեկավար Սուրեն Թովմասյանին 3 օրով գործուղում է Ժնև Զգուշացում․ հայկական բանկերի անունից հավելվածները չներբեռնել, եթե դրանք հենց պաշտոնական մարքեթից չեն․ Սամվել Մարտիրոսյան Դանիել Դավթյանը՝ Սփյուռքի գործերի հանձնակատար Մեր ազգն ի՞նչ մեղք է գործել, որ Նիկոլի նման փառասեր ու անգրագետ ղեկավար է իշխում մեր երկրում. Շարմազանով