«ԵՄ-Հայաստան-ԱՄՆ համատեղ համաժողովը կարող է դրդել Հայաստանին նոր սադրանքների». Բայրամով

Ադրբեջանի արտաքին գործերի նախարար Ջեյհուն Բայրամովն ընդունել է Ռուսաստանի Դաշնության արտաքին գործերի նախարարության հատուկ նշանակության դեսպան Պավել Կնյազևին։

Ինչպես APA-ին հայտնել են Ադրբեջանի ԱԳՆ-ից, հանդիպմանը քննարկվել են Ադրբեջանի և Ռուսաստանի միջև երկկողմ և բազմակողմ համագործակցության օրակարգային հարցեր, ինչպես նաև տարածաշրջանում տիրող իրավիճակը։

Բայրամովը նշել է, թե «մի շարք քայլեր, որոնք նոր մարտահրավերներ են ստեղծում խաղաղ գործընթացի առաջխաղացման համար, այդ թվում՝ տարածաշրջանից հեռու գտնվող երկրների փորձերը և նրանց միակողմանի դիրքորոշումը տարածաշրջանում նախագծելը, դանդաղեցնում են այդ գործընթացը»։

Հանդիպման ընթացքում Բայրամովը հայտարարել է, թե «ԵՄ-Հայաստան-ԱՄՆ համատեղ համաժողովը կարող է դրդել Հայաստանին նոր սադրանքների», ինչպես նաև պնդել է, թե Հայաստանում «գերակշռում են ռեւանշիստական ​​տրամադրությունները»։

Նշվել է, որ «չնայած առկա դժվարություններին և մարտահրավերներին, Ադրբեջանը վճռական է շարունակել աշխատանքը տարածաշրջանային խաղաղության և կայունության ապահովման ուղղությամբ»։

Հանդիպման ընթացքում մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։

Այս թեմայով Բաքուն գոհ է Երևանից ստացած առաջարկներից. Բայրամով Ադրբեջանին 4 գյուղի փոխանցումը դրական ներդրում է կարգավորման գործընթացում. Բայրամով Սահմանային սյուների տեղադրումը գրեթե ավարտված է. Բայրամով Ողջունում ենք մայիսի 10-ին նախատեսված Միրզոյան-Բայրամով հանդիպումը. ՌԴ ԱԳՆ Բայրամովը ԵԱՀԿ նախագահի հետ քննարկել է հայ-ադրբեջանական հարաբերությունները Բայրամովը ՌԴ նախագահի հատուկ ներկայացուցչի հետ քննարկել է տարածաշրջանում տիրող իրավիճակը Միրզոյան-Բայրամով հանդիպումը կնպաստի Հարավային Կովկասում ամուր և երկարաժամկետ խաղաղության շուտափույթ հաստատմանը. Տոկաև ՀՀ-ն չի հաստատել Միրզոյան-Բայրամով հանդիպումը. Ղազախստանի ԱԳՆ Միրզոյան-Բայրամով բանակցություններում մենք, որպես միջնորդ, հանդես չենք գալու. Ղազախստանի ԱԳՆ Բայրամովը կոչ է արել օրինակ վերցնել Իտալիայի դիրքորոշումից