Ջրածնով աշխատող գնացքը համաշխարհային ռեկորդ է սահմանել

Կոլորադոյի Պուեբլոյում գտնվող ENSCO Proving Ground-ում ջրածնային վառելիքով աշխատող Flirt H2 գնացքը նոր համաշխարհային ռեկորդ է սահմանել առանց վառելիքի լիցքավորման ամենաերկար ճանապարհը անցնելու համար: Stadler Rail-ի շվեյցարացի ինժեներների մտահղացումը 2803 կմ ճանապարհ է անցել 46 ժամում: Նվաճումը գրանցվել է Գինեսի ռեկորդների գրքում, գրում է Tehkult-ը։

Ռեկորդային գնացքը կառուցվել է ստանդարտ մոդելի հիման վրա, որը պատվիրվել է Կալիֆորնիայի Սան Բերնարդինո շրջանի տրանսպորտային վարչության կողմից: Փաստաթղթերի համաձայն՝ այն կարող է զարգացնել 125 կմ/ժ արագություն և մեկ լիցքավորումով անցնել 460 կմ։ Անհայտ է, թե ինչ ռեժիմով է գնացքը շարժվել փորձարկման վայրում և ինչ ծանրաբեռնվածությամբ։

Նույն ընկերությունը նախորդ ռեկորդը սահմանել էր 2021 թվականին, երբ նրա ջրածնային գնացքը 224 կմ անցավ Բեռլինից Վառնեմյունդե, թեև հեռահարությունը գնահատվել էր ընդամենը 80 կմ: Stadler Rail-ից գնացքները բաղկացած են գնացքի երկու կողմերում գտնվող երկու մոտորանոց վագոններից, որոնց միջև կա ջրածնի և վառելիքի բջիջների մատակարարմամբ վագոն։ Նրանք արտադրում են էլեկտրաէներգիա, որը սնուցում է բոլոր համակարգերը։

Ջրածնային գնացքի դիզայնը նախատեսված է առավելագույն ինքնավարության հասնելու համար: Նման գնացքները նախատեսված են հեռավոր և դժվարամատչելի վայրերում աշխատելու համար, որտեղ ձեռնտու չէ էլեկտրաֆիկացնել ամբողջ երկաթուղին։ Հաղորդվում է, որ ընկերությունն արդեն ստացել է այս գնացքներից 15-ը իտալական փոխադրողների համար կառուցելու պատվերներ։ Կալիֆորնիայում նույնպես պատվերներ կան։

Այս թեմայով ԱՄՆ-ն պատժամիջոցներ է սահմանել Իրանի դեմ Էկոնոմիկայի նախարարը կարևորել է Համաշխարհային բանկի հետ արդյունավետ համագործակցությունը 200-ից ավելի արցախյան կազմակերպությունների նամակը փոխանցվել է ԵԱՀԿ գործող նախագահին Չինաստանը պատժամիջոցներ է սահմանել ամերիկյան 12 պաշտպանական ընկերությունների նկատմամբ Գնել Սանոսյանն ընդունել է Համաշխարհային բանկի պատվիրակությանը Համաշխարհային բանկը աղետների ռիսկի կառավարման ոլորտում կաջակցի ՆԳ նախարարությանը Իշխող ուժը ցանկանում է հարկ սահմանել փաստաբանների կողմից անվճար ծառայությունների մատուցման վրա Չինաստանը պատժամիջոցներ է սահմանել ԱՄՆ-ի ևս երեք պաշտպանական կոնցեռնների նկատմամբ Ռուսաստանն ու Չինաստանը կարող են ջրածնով աշխատող ավտոմեքենաների արտադրություն հիմնել Ալեն Սիմոնյանը Ժնևում մասնակցել է IPU խորհրդարանների նախագահների վեցերորդ համաշխարհային համաժողովին