Մահացել է աշխարհի ամենատարեց տղամարդը

115 տարեկանում մահացել է աշխարհի ամենատարեց տղամարդը` Վենեսուելայի բնակիչ Խուան Վիսենտե Պերես Մորան։ Այս մասին հայտարարել է երկրի նախագահ Նիկոլաս Մադուրոն, փոխանցում են միջազգային ԶԼՄ-ները։

«Մահացել է Խուան Վիսենտե Պերես Մորան, ով գրանցվել է Գինեսի ռեկորդների գրքում` որպես աշխարհի ամենատարեց տղամարդ: Իմ ցավակցությունն եմ հայտնում Էլ Կոբրե քաղաքի բոլոր բնակիչներին»,- գրել է Մադուրոն X-ում:

Պերես Մորան մահացել է 114 տարեկան և 339 օրական հասակում՝ 115-ամյակից կարճ ժամանակ առաջ՝ շնչառական բարդությունների պատճառով, հայտնում է El Nacional թերթը։ 2022 թվականի փետրվարի 4-ին նա գրանցվել է Գինեսի համաշխարհային ռեկորդների գրքում՝ որպես աշխարհի ամենատարեց տղամարդ՝ 112 տարեկան 253 օրական՝ շրջանցելով իսպանացի Սատուրնինո դե լա Ֆուենտե Գարսիային, ով մահացել է 112 տարեկանում։

Պերես Մորան իր երկարակեցությունը վերագրել է «անընդհատ աշխատանքին, լավ հանգստին, վաղ քնելուն և ամենօրյա մեկ բաժակ կոնյակին»: Միաժամանակ, թերթը նշում է, որ տղամարդը լավ է սնվել, աղոթել է, շատ ջուր է խմել ու վաղ է քնել։

Պերես Մորան ծնվել է 1909 թվականի մայիսի 27-ին՝ Վենեսուելայի Էլ Կոբրում։ Նա 10 երեխաներից 9-րդն է։ Ամենաերկարակյաց տղամարդը 11 երեխա ունի։ Ինչպես նշում է թերթը, Պերես Մորան վերջերս ապրում էր Սան Խոսե դե Բոլիվարի ֆերմայում։

Այս թեմայով Էլինա Ավանեսյանը հաղթելով աշխարհի 8-րդ ռակետին` «Ռոլան Գարոս»-ի 1/8 եզրափակիչում է Պոլսո Հայոց պատրիարքարանն իր զորակցությունն է հայտնում Մայր Աթոռ Սուրբ Էջմիածնին Տղամարդը փորձել է թռիչքի ժամանակ բացել Երևան-Մոսկվա ինքնաթիռի դուռը Շինաշխատանքների ժամանակ բետոնե պանելն ընկել է քաղաքացու վրա. վերջինս տեղում մահացել է Մահացել է գեղանկարիչ Էդվարդ Վարդանյանը Շամլուղի կապը արտաքին աշխարհի հետ ամենագնացների միջոցով է իրականացվում. Համայնքապետ Աշխարհի բրոնզե մեդալակիր Նարեկ Մանասյանը 5։0 հաշվով պարտության մատնեց մակեդոնացի Բոբան Իլիոսկիին Մահացել է դերասանուհի Անաստասիա Զավորոտնյուկը 3 կանայք սարում կայծակնահարվել են. մեկը տեղում մահացել է, երկուսը տեղափոխվել են հիվանդանոց ԱՄՆ-ում փոթորիկների հետևանքով՝ առնվազն 18 մարդ է մահացել (լուսանկարներ)