Առնետը դուրս է թռել զուգարանից և կծել տղամարդուն․ վերջինս հոսպիտալացվել է

Մոնրեալի բնակիչը վարակվել է լեպտոսպիրոզով այն բանից հետո, երբ առնետը դուրս է թռել զուգարանից ու կծել կանադացուն։ Այս մասին հայտնում է Metro-ն։

76-ամյա մոնրեալցին գնացել է զուգարան և զուգարանակոնքում հայտնաբերել առնետ, փորձել է դուրս շպրտել կրծողին, սակայն առնետը երկու անգամ կծել է նրան։ Տուժածը դիմել է բուժհաստատություն, հիվանդին ներարկում են արել և ուղարկել տուն։

Սակայն երեք շաբաթ անց կանադացու ինքնազգացողությունը վատացել է, արյան ճնշումը կտրուկ իջել, և սկսել է ուժեղ գլխացավեր ունենալ։ Հիվանդանոցում բժիշկները նրա մոտ ախտորոշել են լեպտոսպիրոզ և երիկամների ախտահարում, և մի քանի օրվա ընթացքում նրա մոտ սեպսիս է զարգացել, որը վտանգ է ներկայացնում կյանքի համար:

Հաղորդվում է, որ տղամարդը փրկվել է և դուրս գրվել։

Այս թեմայով Նյու Յորքում ընտանիքն ուտելիք է պատվիրել կորեական ռեստորանից և ստացել առնետով ապուր Առնետը ոսկերչական խանութից վզնոց է գողացել (տեսանյութ) Բրիտանիայում թոշակառուն կես մետրանոց հսկա առնետ է բռնել Ամերիկուհին առնետից հեռախոսի պատյան է պատրաստել և ապշեցրել համացանցի օգտատերերին Մեխիկոյի կոյուղագծերում հսկայական առնետ է հայտնաբերվել (տեսանյութ) Չինաստանում խուճապ է. առնետներից նոր վարակ է տարածվում, իսկ վարակվածների թիվը հասել է 11-ի