Լիլիթ Մակունցը ԱՄՆ Խաղաղության ինստիտուտում փորձագետների հետ քննարկել է տարածաշրջանի անվտանգության հարցեր
ԱՄՆ![Լիլիթ Մակունցը ԱՄՆ Խաղաղության ինստիտուտում փորձագետների հետ քննարկել է տարածաշրջանի անվտանգության հարցեր](/timthumb.php?src=disc/11-04-24/d0f74dc7a944b00b38c3f4019499f506.jpg&w=780)
Ս․թ․ ապրիլի 8-ին դեսպան Լիլիթ Մակունցը հյուրընկալվել է ԱՄՆ Խաղաղության ինստիտուտում՝ որպես Հայաստանի և Միացյալ Նահանգների միջև երկկողմ հարաբերություններին նվիրված կլոր սեղան-քննարկման գլխավոր բանախոս: Այս մասին հայտնում են ԱՄՆ-ում ՀՀ դեսպանությունից:
Միջոցառմանը, որը վարել է Հայաստանում ԱՄՆ նախկին դեսպան Մարի Յովանովիչը, մասնակցել են փորձագետներ տարբեր վերլուծական կենտրոններից և կազմակերպություններից:
Կլոր սեղանի ընթացքում քննարկված առանցքային թեմաներն են եղել ԱՄՆ-ի հետ Հայաստանի երկկողմ հարաբերությունների ներկա վիճակը և հեռանկարները, Հայաստանի կառավարության «Խաղաղության խաչմերուկ» նախաձեռնությունը, տարածաշրջանային անվտանգության հարցերը, ինչպես նաև ապրիլի 5-ին Բրյուսելում կայացած՝ Հայաստան-ԱՄՆ-ԵՄ բարձր մակարդակի եռակողմ հանդիպումը։
Դեսպանի խոսքին հաջորդել է հարցուպատասխանի հատվածը։
![](banners/armflix.jpg)