Իրանի դեմ ցանկացած գործողություն ցավոտ պատասխան կստանա․ Ռաիսի

Իրանի նախագահ Էբրահիմ Ռաիսին, ի պատասխան Դամասկոսում Իրանի դեսպանատան հյուպատոսական բաժնի հրետակոծության, Իսրայելի տարածքին վերջերս հասցված հարվածի ֆոնին սպառնացել է «ցավոտ պատասխան տալ» Իսլամական Հանրապետության շահերին դեմ ուղղված ցանկացած գործողություններին, հաղորդում են միջազգային ԶԼՄ-ները:

«Ագրեսորին պատժելու օպերացիան հաջողությամբ իրականացվել է, այժմ մենք հաստատակամորեն հայտարարում ենք, որ Իրանի շահերի դեմ նույնիսկ ամենաչնչին գործողությունը անպայման կհանդիպի սարսափելի, լայնածավալ և ցավոտ պատասխանի»,- ասել է նա Քաթարի էմիր շեյխ Թամիմ բեն Համադ Ալ Թանիի հետ հեռախոսազրույցում։ Զրույցի մասին հաղորդագրություն է հրապարակվել նրա վարչակազմի կայքում։

Իրանի նախագահը կարծիք է հայտնել, որ ՄԱԿ-ի Անվտանգության խորհուրդը և համաշխարհային կազմակերպությունը «չկատարեցին իրենց նվազագույն իրավական պարտականությունները՝ դատապարտելու Իսրայելի հարձակումը Դամասկոսում Իրանի հյուպատոսության վրա»։ Ուստի, նրա խոսքով, Թեհրանը «համաձայն ՄԱԿ-ի կանոնադրության 51-րդ հոդվածով նախատեսված ինքնապաշտպանության իրավունքի», հարձակվել է «նույն կենտրոնների վրա, որտեղից չարամիտ գործողություններ են կատարվել» Իսլամական Հանրապետության դեմ:

Քաթարի էմիրը, ըստ իրանական վարչակազմի, «բարձր է գնահատել Իրանի Իսլամական Հանրապետության գործողությունները Իսրայելի հանցագործություններին պատասխաններ մշակելու և իրագործելու հարցում» և ասել է, որ այդ քայլը «հստակ ուղերձ է պարունակում բոլորի համար»:

Այս թեմայով Իրանը դեմ է ցանկացած նախաձեռնության, որը կփոխի տարածաշրջանի սահմանները. Իրանի ԱԳ նախարարի պաշտոնակատար Միայն Արցախս հանձնելու համար Փաշինյանը պիտի գնա, ոչ մի պատասխան ինձ չի բավարարում. Գայա Արզումանյան (տեսանյութ) Ինչպես ցանկացած բռնապետական համակարգ, արհեստածին Ադրբեջանը ևս խիստ խոցելի է. Վարդան Ոսկանյան «Ես երբեք իրենց վրա չեմ նստել». Սրբազանը՝ Ալեն Սիմոնյանի «էշի մասին» առածին ի պատասխան Եմենի հութիները գործողություն են իրականացրել Հայֆայում իսրայելական նավերի դեմ Ես պատրաստ եմ ցանկացած պաշտոնյայի հրապարակային ապացուցել, որ իրենք ժողովրդավարության հետ կապ չունեն. Սուրեն Պետրոսյան ԱՄՆ-ն պատժամիջոցներ է սահմանել Իրանի դեմ Իրանի խորհրդարանի ղեկավարն առաջադրել է իր թեկնածությունը նախագահական ընտրություններում Իրանում հունիսի 28-ին կանցկացվեն նախագահական արտահերթ ընտրություններ․ գրանցվել է նախագահի 20 թեկնածու Մահացել է Իրանի Իսլամական հեղափոխության պահապանների կորպուսի բարձրաստիճան հրամանատար Վաջիհոլլահ Մորադին. ԶԼՄ