«Ժողովուրդ». ՀՀ իշխանությունները խուսափում են Արցախի վտարանդի իշխանությունների հետ հանդիպումներից

«Ժողովուրդ» օրաթերթը գրում է․«Արցախը հանձնելուց հետո Հայաստանի իշխանությունները արհամարհում են Արցախի վտարանդի կառավարությանը եւ տարբեր պատրվակներով հրաժարվում են հանդիպել նրանց հետ:

«Ժողովուրդ» օրաթերթի տեղեկություններով՝ Արցախի բռնի տեղահանումից եւ Հայաստան տեղափոխվելուց հետո՝ Արցախի իշխանությունները պարբերաբար փորձել են կապ հաստատել հայաստանյան իշխանությունների հետ եւ հանդիպումներ նախաձեռնել՝ ի վերջո հասկանալու՝ ինչ ճակատագիր է սպասվում Արցախին, բռնի տեղահանված քաղաքացիներին, արդյոք Արցախի մասով բանակցություններ վարելու ռեսուրս կա: Սակայն, ՀՀ իշխանությունները ամեն անգամ տարբեր պատճառաբանություններով մերժել են մի սեղանի շուրջ նստելու ու խոսելու առաջարկները:

Ընդ որում, մեր տեղեկություններով՝ երկխոսելու այս ձախողված փորձերը Արցախի տարբեր պաշտոնյաների կողմից են եղել՝ Սամվել Շահրամանյանն իր հերթին է դիմել ՀՀ իշխանություններին, Արցախի ԱԺ նախագահի (նախագահը՝ Բաքվի բանտում է) տեղակալ Գագիկ Բաղունցն իր հերթին է դիմել Ալեն Սիմոնյանին, Արցախի պատգամավորներն էլ եւս փորձեր արել են, սակայն հայաստանյան իշխանությունները, հավանաբար ասելիք չունենալու պատճառով, մերժել են Արցախից տեղահանված իշխանության ներկայացուցիչների հետ հանդիպման առաջարկները:

Թերեւս, սա ՔՊ-ականների դեպքում ինչ-որ չափով հասկանալի է. իսկ ի՞նչ պետք է նրանք ասեն արցախցիներին, եթե ոչ միայն փակ են համարում այլեւս Արցախի թեման, այլ նաեւ Արցախի հետ կապված ցանկացած բան սպառնալիք են համարում Հայաստանի համար ու հիմա էլ փորձում են այնպես անել, որ հայերը մոռանան Արցախի կորստի մասին՝ ջնջելով «Արցախ» անունը ժողովրդի հիշողությունից»:

Այս թեմայով Արամ Ա Վեհափառ Հայրապետը Վատիկանում քննարկել է արցախցիների՝ հայրենիք վերադարձի հարցը Կոչ ենք անում Միջազգային հանրությանը` դատապարտել իշխանությունների գործողությունները. «Հայաստան» և «Պատիվ ունեմ» դաշինք Ապուշություն է. Արցախի նախագահը այն մասին, թե իբր արցախցիները 5000 դրամով ցույցերի են մասնակցում (տեսանյութ) Փաշինյանը լավ գիտի, որ Արցախի ՊԲ-ն մինչև վերջին վայրկյանը ենթարկվել է ՀՀ ՊՆ-ին, մենք մենակ մնացինք. Շահրամանյան (տեսանյութ) Արցախի իշխանությունները ոստիկանությանը հորդորում են իրավիճակը գնահատել սթափ, զերծ մնալ անհամաչափ ուժի կիրառումից. տեղեկատվական շտաբ Փողոցը վերցրել է քաղաքական օրակարգ ձևավորելու իշխանությունների մոնոպոլիան. Վիգեն Հակոբյան Վաղը բեկումնային օր է լինելու. այս իշխանությունների քաղաքականությունն ընդհատելը յուրաքանչյուր քաղաքացու գործն է. Վլադիմիր Մարտիրոսյան (տեսանյութ) Իշխանությունները ժուչոկներ են տեղադրում, տարբեր մարդկանց ուղարկում. Դանիելյան (տեսանյութ) Զազրելի է այս վախկոտ պահվածքը` իշխանությունների կողմից. Րաֆֆի Հովհաննիսյան (տեսանյութ) Աշխարհի կողմից հռետորաբանության փոփոխություն կա այս իշխանությունների նկատմամբ. Սրբազան (տեսանյութ)